অসম লাইভ২৪ঃ সুৰাপায়ীৰে ভৰা এখন দেশ। দেশৰ প্ৰতিজন লোকৰেই অদ্ভূত ৰুচিবোধ। পৃথিৱীৰ ভিতৰত আটাইতকৈ বেচি সুৰাপান কৰে এই দেশৰ জনতাই। এই দেশত ড্ৰাগছ ৰখাটোও বৈধ। মদাহী, ড্ৰাগছ খোৱা লোকেৰে ভৰা এই দেশৰ কথা ভৱা মাত্ৰকেই উচ্ছৃংখল এক পৰিবেশৰ কথাই আমাৰ মনলৈ আহে। কিন্তু শুনিলে আচৰিত হ’ব যে এই দেশ বিশ্বৰ অন্যতম এখন নিৰাপদ দেশ। বিশ্বৰ উন্নত দেশৰ ভিতৰত এখন হৈছে পৰ্তুগাল। পৰ্তুগালত সাক্ষৰতাৰ হাৰ ৯৭ শতাংশ।
এনে পৰিস্থিতিত তাত পৰিৱেশ কি হ’ব সেয়া কল্পনা কৰিব নোৱাৰি। কিন্তু, আপুনি আচৰিত হ’ব যে ই বিশ্বৰ অন্যতম নিৰাপদ দেশ। ই বিশ্বৰ এখন উন্নত দেশ আৰু ইয়াত সাক্ষৰতাৰ হাৰো ৯৭ শতাংশ। পৰ্তুগালত এজন ব্যক্তিয়ে এবছৰত ৫২ লিটাৰ সুৰাপান কৰে। অৰ্থাৎ প্ৰতি সপ্তাহত এজন ব্যক্তিয়ে প্ৰায় ১ লিটাৰ সুৰাপান কৰে। একেদৰে জনমূৰি সুৰাপান বিশ্বৰ ভিতৰতে পৰ্তুগালত সৰ্বাধিক।
পৰ্তুগালত সুৰাপায়ীৰ সংখ্যা অধিক হ’লেও অপৰাধৰ হাৰ অতি কম। ইয়াত জঘন্য অপৰাধৰ পৰা জঘন্যতম অপৰাধত সৰ্বোচ্চ শাস্তিৰ ব্যৱস্থা ২৫ বছৰ। এই দেশত মৃত্যুদণ্ডৰ কোনো ব্যৱস্থা নাই। এইখনেই হয়তো বিশ্বৰ প্ৰথমখন দেশ য’ত আইনগতভাৱে ড্ৰাগছ ৰাখিব পাৰি। অৱশ্যে মুকলিকৈ ড্ৰাগছৰ ক্ৰয়-বিক্ৰয়ক অপৰাধ বুলি গণ্য কৰা হয়। পৰ্তুগালত এই আইন ২০০১ চনতে কাৰ্যকৰী কৰা হৈছিল। অৱশ্যে এই আইনৰ অধীনত হেৰ’ইনৰ দৰে ড্ৰাগছ ৰখাটো অপৰাধৰ শ্ৰেণীত অন্তৰ্ভূক্ত নহয়। অথচ পৰ্তুগালতেই ড্ৰাগছ সেৱন কৰি অপৰাধ কৰা লোকৰ সংখ্যা অতি কম।
সুৰাপায়ীৰে দ্বিতীয় স্থানত আছে ফ্ৰান্স। ফ্ৰান্সৰ এজন ব্যক্তিয়ে এবছৰত ৪৬.৯ লিটাৰ মদ খায়। সুৰাপায়ীয়ে তৃতীয় স্থানত আছে ইটালী। ইটালীৰ এজন মানুহে এবছৰত ৪৬ লিটাৰ সুৰাপান কৰে। ছুইজাৰলেণ্ড আছে চতুৰ্থ স্থানত। ইয়াৰ মানুহে গড়ে ৩৫.৩ লিটাৰ সুৰা পান কৰে। ইয়াৰ পাছতেই অষ্ট্ৰেলিয়া আছে পাঁচ নম্বৰত, ৬ নম্বৰত আছে জাৰ্মানী, এই বিষয়ত ভাৰতৰ স্থান অতি নিম্ন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
