অসম লাইভ২৪ঃ জোনমনি ৰাভাৰ মৃত্যুৰ পাছতেই সামাজিক মাধ্যমত চলিছে কেৱল জোনমনিৰেই চৰ্চা। এই মৃত্যু সহজ নহয়! এনেকৈ পুৱতি নিশা কিয় ওলাই গৈছিল জোনমনি বুলিও প্ৰশ্ন উত্থাপিত হৈছে। ইয়াৰোপৰি জোনমনিৰ বাসগৃহৰ পৰা কেইগৰাকীমান আৰক্ষী বিষয়াই নিশা তালাচি চলাই ১ লাখ টকা লৈ অহা বুলিও মাতৃয়ে ভাষ্য প্ৰদান কৰিছে। এই সমূহ বিষয় পোহৰলৈ অহাৰ পাছতেই এতিয়া জোনমনি মৃত্যু ৰহস্যৰ আৱৰ্তত সোমাই পৰিছে।
জোনমনিৰ মৃত্যু সন্দৰ্ভত এগৰাকী সামাজিক মাধ্যম ব্যৱহাৰকাৰীয়ে উত্থাপন কৰিছে কেইটামান প্ৰশ্ন। পৰাগ হাজৰিকা নামৰ সামাজিক মাধ্যম ইউজাৰকাৰীজনে লিখিছে, ‘প্ৰসংগঃ SI জোনমণি ৰাভাৰ দুৰ্ঘটনাত মৃত্যু৷
মৃত্যু চিৰন্তন সত্য কিন্তু মৃত্যু দুৰ্ভাগ্য৷ ই এক আকস্মিক দুৰ্ঘটনা হ’ব নোৱাৰে কাৰণঃ
১/এগৰাকী SI নিৰাপত্তাৰক্ষী হীন হ’ল কেনেকৈ?
২/ইমান গভীৰ নিশা তেওঁ অকলশৰে গৈছিল ক’লৈ বা যাবলগীয়া হ’ল কিয়?
সাধাৰণতে এটা আকস্মিক দুৰ্ঘটনা হ’লে প্ৰশাসনে দুৰ্ঘটনা হোৱা গাড়ীৰ নং লৈ এটা ৰিপৰ্ট ফাইল প্ৰস্তুত কৰিব লাগে ৷ তদন্ত কৰা হয় গাড়ীৰ গৰাকী কোন? যিটো প্ৰক্ৰিয়া এতিয়ালৈকে হোৱা নাই বুলি অনুভৱ হৈছে৷ এইকাৰণেই হোৱা নাই বুলি ধৰা হৈছে যিগৰাকী পুলিচ বিষয়াই Byte দিছে তেওঁ গাড়ীৰ নম্বৰ উচ্চাৰণ কৰা নাই৷ গাড়ীখন হয়তো কোনোবা smugglerৰ হয় য’ত এক ৰহস্যৰ সম্ভেদ পোৱা গৈছে৷ লগতে প্ৰয়াত জোনমণি ৰাভাৰ এলট’ এছপ্ৰেছ’ বাহনৰ নম্বৰো উল্লেখ কৰা নাই৷ ইমান ডাঙৰ এটা ঘটনা হোৱাৰ পাছত সেই বাহনৰ গৰাকী কোন উলিয়াব নালাগিছিল নে এই মুহূৰ্তলৈকে? গাড়ীৰ নাম্বাৰ ক’লে বা উল্লেখ কৰিলে ৰাইজেও কাৰ বাহন জানিব পাৰিব সেই কাৰণেই উল্লেখ কৰাত ব্যৰ্থ যেন অনুভৱ হৈছে৷ এজন প্ৰশাসনিক বিষয়াৰ এনে ঘটনাক যদি প্ৰশাসনেই ইমান গা এৰি মাথোঁ মৃত্যু বুলি কয় ইয়াতকৈ আৰু দুৰ্ভাগ্যৰ একো হ’ব নোৱাৰে৷ যিগৰাকী পুলিচ বিষয়াই byte দিছে তেওঁৰ সলনি দায়িত্বত থকা বিষয়াই কথাখিনি ব্যক্ত কৰা হ’লে অনাকাংক্ষিত বুলি ধৰি ল’ব পৰা যায় কিয়নো যিটো স্থানত প্ৰশ্ন কৰিছে সেয়া থানা চৌহদত৷
দ্বিতীয়তে ইমান সময়লৈকে গাড়ীৰ গৰাকীৰ লগতে চালক(ড্ৰাইভাৰ)ক সোধাপোছা কৰা হোৱা নাই৷ গাড়ীৰ গৰাকী বাদ দিলো চালকক ধৰিওটো ঘটনা সম্পৰ্কে সুধিব পাৰে৷ কিয় এইয়াও কৰা হোৱা নাই৷ দুৰ্ঘটনাৰ প্ৰলেপ সানি প্ৰশাসনে এটা গুৰুতৰ অপৰাধ কৰা নাইতো? তদন্ত হওক তেখেতৰ দুৰ্ঘটনাৰ ৷ বেলেগে তদন্ত নালাগে ৷ কাৰণ ইমান ৰাতি তেওঁ অকলে গাড়ী লৈ ওলাই গৈছিল কিবা নিশ্চয় কথোপকথন হৈছে কাৰোবাৰ সৈতে ৷ গতিকে, জোনমণি ৰাভাৰ ব্যৱহৃত মোবাইল ফোন, গাড়ীৰ ড্ৰাইভাৰৰ মোবাইল ফোন আৰু যিগৰাকী ব্যক্তিয়ে প্ৰশাসনক ঘটনাৰ বিষয়ে জনাইছে তেওঁৰ ব্যৱহৃত মোবাইল ফোন আৰু যিগৰাকী প্ৰশাসনক ফোন কৰি জনাইছিল তেওঁলোকৰ মোবাইলৰ সকলো তথ্য উলিয়ালেই হ’ল৷ উচিত তদন্ত হওক৷ তদন্তৰ নামত তদন্তৰ নহওক কাৰণ যাৰ ভৰসাত জনতা তেওঁৰেই আজি এই ঘটনা৷ প্ৰশাসনে উদ্যোগ ল’ব বুলি আশা কৰিছোঁ এই বিষয়টো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
