অসম লাইভ২৪ঃ ২০২২ চনৰ জুলাই মাহতেই আৰম্ভ হৈছিল এই গুজৱ। সুস্মিতা সেনৰ ললিত মোদীৰ সৈতে কেইখনমান বিশেষ ফটো শ্বেয়াৰ হৈছিল সামাজিকমাধ্যমত। ললিত মোদীৰ সৈতে ঘনিষ্ঠ ফটো দেখি বহুতেই কৈছিল সুস্মিতাৰ সৈতে বিশেষ সম্পৰ্ক গঢ়ি উঠিছে ললিতৰ। কিন্তু এই চৰ্চা চলাৰ পাছতেই ললিত মোদীক লৈ এটা দীঘলীয়া পোষ্ট লিখিছিল সুস্মিতা সেনে।
যাৱতীয় বিতৰ্ক, হাজাৰ কটাক্ষৰ উত্তৰ অৱশেষত দিলে সুস্মিতা সেনে। সুস্মিতা সেনে পোষ্টটোত উল্লেখ কৰিছে যে তেওঁ এতিয়াও চিংগল। অৱশ্যে উদ্যোগপতি ললিত মোদীৰ সৈতে থকা ফটোসমূহ কি সেই কথাৰ কিন্তু একো উত্তৰ নিদিলে সুস্মিতা সেনে। সুস্মিতাই এই সন্দৰ্ভত কয়, ‘এটা অপমানক তেতিয়াই অপমান বুলি ধৰা হয় যেতিয়া আপুনি তাক গ্ৰহণ কৰে। যদি আপুনি গ্ৰহণ নকৰেই তেতিয়া সেয়া অপমান নহয়। এই বিষয়ে আৰু বিশেষ কথা কোৱাৰ অধিকাৰ নাই। মই এতিয়াও চিংগল।’
ললিত মোদীক লৈ চলা গুজৱৰ উত্তৰতো সুস্মিতা সেনে কয়, ‘যেতিয়া মই বিষয়টোক লৈ বাখ্যা দিব খুজিছিলো, তেতিয়া একাংশ শুভাকাঙ্খীয়ে কৈছিল, আপোনক জানো আপুনি ক্লেয়াৰিফিকেছন দিব নালাগে।’ তেতিয়াই মই বিষয়টোক লৈ একো নোকোৱাৰ সিদ্ধান্ত ললো।’ ৮৭ বছৰ বয়সীয়া সুস্মিতা আকৌ উভতি আহিছে বলীউডলৈ। দীৰ্ঘকালীন দূৰত্ব আঁতৰাই নতুন ছবিৰে বলীউডলৈ উভতিছে সুস্মিতা। শীঘ্ৰেই তেওঁৰ ছবি ‘তালি’য়ে মুক্তি লাভ কৰিব। এগৰাকী তৃতীয় লিংগৰ মহিলা চৰিত্ৰত দেখা যাব এসময়ৰ বিশ্বসুন্দৰী সুস্মিতা সেনক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
