অভিষেক বচ্চনৰ নিম্ৰত কৌৰৰৰ সৈতে বিয়পি পৰা কথাৰ মাজতে অভিষেকক দেখা গ’ল খঙাল ৰূপত
অভিষেক বচ্চন আৰু ঐশ্বৰ্য ৰায়ৰ ব্যক্তিগত জীৱনক লৈ যোৱা কেইদিনমানৰ পৰা বাতৰিৰ শিৰোনাম দখল কৰি আছে। দুয়োৰে মাজত সকলো ঠিক নহয় বুলি খবৰ ওলাইছে। আনকি বিবাহৰ ১৭ বছৰৰ পাছত দম্পতীয়ে বিবাহ বিচ্ছেদ কৰিব পাৰে বুলিও খবৰ উলাইছে।
তাৰে পাছতে আকৌ অভিনেত্ৰী নিম্ৰত কৌৰৰ সৈতে নাম সাঙোৰ খাইছে অভিষেকৰ। এই সকলো উৰাবাতৰিৰ মাজতে এতিয়া অভিষেক বচ্চনৰ শেহতীয়া ভিডিঅ’ ছচিয়েল মিডিয়াত ভাইৰেল হৈ পৰিছে।
শেহতীয়াকৈ অভিষেক বচ্চনক মুম্বাই বিমানবন্দৰত দেখা গৈছিল, য’ৰ পৰাই তেওঁৰ এই ভিডিঅ’ পোহৰলৈ আহিছে। ভাইৰেল ভিডিঅ’টোত বিমানবন্দৰৰ পৰা ওলাই আহোঁতে অভিষেক বচ্চনে পাপাৰাজীক আওকাণ কৰি পোনে পোনে খোজ কাঢ়ি যোৱা দেখা গৈছে।
আনকি অন্য দিনৰ দৰে অভিষেকে পাপাৰাজীৰ আগত ৰৈ পোজ দিয়াও নাছিল। অৱশ্যে অভিষেকৰ পিছে পিছে পাৰ্কিং ল’টলৈ গৈ ফটো আৰু ভিডিঅ’ ল’বলৈ চেষ্টা কৰিছিল পাপাৰাজীয়ে।
সেই কাৰ্যতে কিছু কঠুৱা হৈ অভিষেক বচ্চনে পাপাৰাজীবোৰৰ আগত হাত জোৰ কৰি কয় যে, – হৈ যাব আৰু বহুত হ’ল, ধন্যবাদ। এই সময়ছোৱাত অভিষেকক অলপ খঙাল যেন লাগিছিল আৰু অফ মুডত থকা যেন লাগিছিল। ইয়াৰ প্ৰতি ব্যৱহাৰকাৰীসকলেও প্ৰতিক্ৰিয়া প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
