নৰেন্দ্ৰ ডোভালকাৰ কাণ্ড, ১১ বছৰৰ মূৰকত আহিল ৰায়
নৰেন্দ্ৰ ডোভালকাৰ হত্যাকাণ্ডৰ গোচৰত আদালতৰ ৰায় ১১ বছৰৰ পাছত আহিল। মহাৰাষ্ট্ৰৰ পুনেৰ বিশেষ আদালতে অন্ধবিশ্বাসৰ বিৰুদ্ধে যুঁজ দিয়া কৰ্মী ড০ নৰেন্দ্ৰ ডাভোলকৰ হত্যাকাণ্ডৰ ৰায়দান দিয়ে।
আদালতে শচীন আন্দুৰে আৰু শাৰদ কলাস্কাৰ নামৰ দুজন দোষীক যাৱজ্জীৱন কাৰাদণ্ডৰ শাস্তি প্ৰদান কৰাৰ বিপৰীতে আন তিনিজনক ক্ৰমে- সঞ্জীৱ, বিক্ৰম আৰু বীৰেন্দ্ৰ সিং তাওডেক দোষমুক্ত কৰে।
২০১৩ চনৰ ২০ আগষ্ট তাৰিখে পুনেৰ ওমকাৰেশ্বৰ দলঙত প্ৰাতঃভ্ৰমণলৈ ওলাই অহা ডাভোলকৰক গুলীয়াই হত্যা কৰা হৈছিল। এই গোচৰত ৫জন লোকক অভিযুক্ত কৰা হৈছিল।
বিচাৰ বিভাগে চূড়ান্ত শুনানিত উল্লেখ কৰিছিল যে অভিযুক্তসকলে অন্ধবিশ্বাসৰ বিৰুদ্ধে ডাভোলকাৰৰ অভিযানৰ বিৰোধিতা কৰিছিল। প্ৰথম অৱস্থাত এই গোচৰৰ তদন্ত পুনে আৰক্ষীয়ে চলাই আছিল যদিও বম্বে উচ্চ ন্যায়ালয়ৰ নিৰ্দেশ অনুসৰি ২০১৪ চনত কেন্দ্ৰীয় তদন্তকাৰী ব্যুৰো (চিবিআই)য়ে গোচৰটো গ্ৰহণ কৰে।
দভোলকাৰৰ সংগঠন মহাৰাষ্ট্ৰ অন্ধশ্ৰাধ নিৰ্মূলন সমিতিয়ে কৰা কামৰ বিৰোধিতা কৰিছিল সনাতন সংস্থাই। টাউড়ে আৰু আন কিছুমান অভিযুক্ত এই প্ৰতিষ্ঠানৰ সৈতে জড়িত আছিল। চিবিআইয়ে নিজৰ চাৰ্জ শ্বীটত প্ৰথমে পলাতক সাৰং আকোলকাৰ আৰু বিনয় পাৱাৰক গুলীচালনা কৰা বুলি উল্লেখ কৰিছিল যদিও পিছত শচীন আন্দুৰে আৰু শাৰদ কলাস্কাৰক গ্ৰেপ্তাৰ কৰি পৰিপূৰক অভিযোগনামাত দাবী কৰে যে তেওঁলোকে দভোলকক গুলীয়াই হত্যা কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
