ফটকা কাৰখানাত ভয়ংকৰ বিস্ফোৰণ হৈ নিহত ৫ , ৩৫ সংকটজনক
পাঞ্জাৱৰ চণ্ডীগড়ত থকা এটা ফটকা কাৰখানাত বৃহস্পতিবাৰে গভীৰ নিশা সংঘটিত হয় এক বৃহৎ বিস্ফোৰণ। যাৰ ফলত ঘটনাস্থলীতে প্ৰাণ হেৰুৱাই পাঁচজন লোকে। আনহাতে প্ৰায় ৩৫ জন শ্ৰমিক গুৰুতৰভাৱে আহত হৈছে বুলি জানিব পৰা গৈছে।
আহতসকলক ভাটিণ্ডা এইমছলৈ প্ৰেৰণ কৰা হৈছে। কোৱা হৈছে যে এই বিস্ফোৰণত কাৰখানাটোৰ দুটা মহলা এক মুহূৰ্তৰ ভিতৰতে ধ্বংসাৱশেষলৈ পৰিণত হয়। নিশা প্ৰায় ১২:৩০ মান বজাত কাৰখানাটোৰ ফটকা নিৰ্মাণ ইউনিটত সংঘটিত হয় এই দুৰ্ঘটনা।
জানিব পৰা মতে, কাৰখানাটোত ফটকা নিৰ্মাণৰ কাম উত্তৰ প্ৰদেশৰ হাথৰাছ নিবাসী ঠিকাদাৰ ৰাজ কুমাৰৰ অধীনত আছিল। ঘটনাৰ পিছৰে পৰা পলাতক হৈ আছে ঠিকাদাৰজন।
কাৰখানাটোৰ পেকিং ইউনিটত কাম কৰা প্ৰব্ৰজিত শ্ৰমিকৰ মতে, তাত প্ৰায় ৪০ জন কৰ্মচাৰীয়ে দুটা শ্বিফটত কাম কৰিছিল, ইয়াৰে কিছুমানে পৰিয়ালৰ সৈতে বাস কৰিছিল। জানিব পৰা মতে, অধিকাংশ কৰ্মচাৰী উত্তৰ প্ৰদেশ আৰু বিহাৰৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
