দেহত ইউৰিক এচিডৰ মাত্ৰা বাঢ়ি গ’লে শৰীৰত একাধিক সমস্যাই দেখা দিয়ে৷ আনকি কিডনিত পাথৰ গোৱাৰ আঁৰতো বহু সময়ত দেহত বাঢ়ি যোৱা ইউৰিক এছিডেই দায়ী৷ ঔষধ সেৱন কৰি ইউৰিক এছিডৰ মাত্ৰা কমাব পাৰি কিন্তু ঔষধৰ ওপৰত কিমান ভৰসা কৰিব? ঔষধ খোৱাৰ ওপৰিও ইউৰিক এছিড কমাবলৈ প্ৰতিদিনে এই ৬অভ্যাস গঢ়ি সচেতন হৈ থাকিলেই ইউৰিক এছিডৰ সমস্যা বহু পৰিমানে কমাব পাৰে আপুনি৷
কফি খাওক
পুৱা খালি পেটত কফি নাখাব৷ কিন্তু ব্ৰেকফাষ্টৰ পাছত ব্লেক কফি খাব পাৰে৷ নিয়মিত কফি খালে ইউৰিক এছিডৰ মাত্ৰা কমি যায়৷ কফিত থকা এণ্টিঅক্সিডেণ্টে ইউৰিক এছিডৰ উৎপাদন কমায় আৰু কিডনিৰ কাৰ্যকাৰিতা উন্নত কৰে৷
ইনছুলিনৰ ভাৰসাম্য বজায় ৰাখক
দেহত ইনছুলিনৰ ভাৰসাম্যই কেৱল ডায়বেটিছৰ সমস্যা বঢ়াই তেনে নহয়৷ বহু সময়ত দেহত ইনছুলিনৰ মাত্ৰা বাঢ়ি গ’লে ইউৰিক এছিডৰ মাত্ৰাও বাঢ়ি যায়৷ তেতিয়াই বিভিন্ন সমস্যই দেখা দিয়ে৷ ইনছুলিনৰ ভাৰসাম্য বজায় ৰখাৰ বাবে সেউজীয়া পাচলি, দাইল আদি খাব পাৰে৷ চেনীযুক্ত খাদ্য এৰাই চলক৷
পিউৰিন সমৃদ্ধ খাদ্য এৰাই চলক
পিউৰিন ভাঙি দেহত ইউৰিক এছিড উৎপন্ন হয়৷ পিউৰিন সমৃদ্ধ খাদ্যৰ প্ৰতি প্ৰায় লোকৰেই টান থাকে৷ পৰাপক্ষত ৰেড মিট, সামুদ্ৰিক খাদ্য এৰাই চলক৷ শৰীৰত শক্তিৰ বাবে ফল, বাদাম, পাচলি আদি বেছিকৈ খাওক৷
ভিটামিন চি ডায়েটত ৰাখিবই
ভিটামিন চি সমৃদ্ধ খাদ্যই ইউৰিক এছিডৰ মাত্ৰা কমোৱাত সহায় কৰে৷ অতিৰিক্ত ইউৰিক এছিডক শৰীৰৰ পৰা বাহিৰ কৰি দিয়ে ভিটামিন চিয়ে৷ নেমুজাতীয় ফল খালেও দেহত ভিটামিন চিৰ ঘাটি পূৰণ হয়৷ যথেষ্ট পৰিমানে ইমিউনিটিও শক্তিশালী হয়৷
খোজ কাঢ়ক
কেৱল ডায়েট কৰি সুস্থ হৈ থাকিব তেনে নহয়৷ ইউৰিক এছিডৰ সমস্যা কমাবলৈ হ’লে সুস্বাস্থ্য বৰ্তাই ৰাখিবলৈ শৰীৰচৰ্চা খুবেই জৰুৰী৷ প্ৰতিদিনে কমেও ৩০ মিনিট খোজ কাঢ়ক৷ ইয়াৰ ফলত দেহত ৰক্ত সঞ্চালন বাঢ়িব আৰু কিডনিৰ কাৰ্যকাৰিতা উন্নত হ’ব৷
আমলখি খাওক
পুৱাই খালি পেটত আমলখিৰ ৰস পান কৰক৷ এই পানীয়ত এণ্টিঅক্সিডেণ্ট আৰু ভিটামিন চি আছে৷ যিয়ে দেহৰ অতিৰিক্ত ইউৰিক এছিড বাহিৰ কৰি দিয়ে৷ ইয়াৰোপৰি দেহৰ ৰোগ প্ৰতিৰোধ ক্ষমতাক শক্তিশালী কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
