ভয়ংকৰ গুলিচালনা , অতি কমেও ৬০ গৰাকী লোকে হেৰুৱালে প্ৰাণ, চৰকাৰে কৰিলে সদৰি
ৰাছিয়াৰ পৰা আহিছে এক অতিকে ভয়ংকৰ ঘটনা। এক ভয়াৱহ গুলিচালনাত অতি কমেও ৬০ গৰাকী লোকে প্ৰাণ হেৰুৱাই । ইয়াৰ লগতে আন ১৫০ গৰাকী মান লোক আহত হয়। তাৰে আকৌ ৫০-৬০ গৰাকীৰ অৱস্থা সংকটজনক।
ৰাজধানী মস্কোত সংঘটিত হৈছে ভয়ংকৰ গুলিচালনাৰ ঘটনা। মস্কোৰ বিখ্যাত কনচাৰ্ট হল ক্ৰোকাছ চিটিত ইছলামিক সন্ত্ৰাসবাদীৰ গোট এটাই প্ৰৱেশ কৰি নিৰ্বিচাৰে আক্ৰমণ কৰাৰ ফলতে এইদৰে বহু লোক নিহত হয় আহত হয়।
শুকুৰবাৰে নিশা ৰাছিয়াৰ ৰাজধানী চহৰখনৰ পশ্চিম উপকণ্ঠ অঞ্চলৰ ভৰ্তি কনচাৰ্ট হলোটত কমেও পাঁচজন বন্দুকধাৰীয়ে এই অটোমেটিক মেছিনগানৰ লগতে ভিন্ন অত্যাধুনিক অস্ত্ৰৰে গুলীচালনা কৰাৰ লগতে জুই লগাই দিয়ে।
এসময়ত ইৰাক আৰু ছিৰিয়াৰ ওপৰত নিয়ন্ত্ৰণ বিচৰা কঠোৰপন্থী গোট আই এছ আই এল (ISIL)-এ নিজৰ টেলিগ্ৰাম চেনেলত আক্ৰমণৰ দায়িত্ব স্বীকাৰ কৰি আক্ৰমণ সংঘটিত কৰা তেওঁলোকৰ সন্ত্ৰাসবাদী সদস্য কেউজন সুকলমে পুনৰ উভতি গৈছে বুলি জানিবলৈ দিয়ে।
আনহাতে যিটো হলত এই আক্ৰমণ সংঘটিত হৈছে সেই হলটো মস্কোৰ সবাতোকৈ জনপ্ৰিয় কনচাৰ্ট হ’ল। যি হলটোত এবাৰতে কমেও ৬২০০ লোক সমবেত হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ