এই বাতৰিটো পঢ়িবলৈ লোৱা আপোনালোকৰ বহুতৰো হয়টো মাহিলী দৰমহা ৩০ৰ পৰা ৬০ হাজাৰ টকাৰ ভিতৰত। বৰ্তমান সময়ত দ্ৰুত হাৰত বাঢ়ি অহা নিত্য ব্যৱহাৰ্য সামগ্ৰীৰ দামৰ কোবত আপোনাৰ মাহিলী দৰমহাৰে জোৰা-টাপলি মাৰি কিবাকৈহে হয়টো মাহটো চলাই নিয়ে। সকলো খৰচৰ অন্তত ভৱিষ্যতৰ বাবে জমা কৰিবলৈ মাহিলী ৪/৫ হাজাৰ টকাতকৈ বেছি আপোনাৰ হাতত হয়টো নাথাকে। এয়া ভাৰতৰ মধ্যবিত্ত পৰিয়াল এটাৰ গড় হিচাপ। কিন্তু আপোনাক ৬ হাজাৰ টকা মাহিলী দৰমহাৰে চাকৰি জীৱন আৰম্ভ কৰা এনে এজন কৰ্মচাৰীৰ কথা কবলৈ ওলাইছো যাৰ পৰা উদ্ধাৰ হোৱা ক’লা ধন গণি গণি ভাগৰি পৰিছে দুৰ্নীতি নিবাৰক শাখাৰ বিষয়া-কৰ্মচাৰী।
কোন এইজন দুৰ্নীতিগ্ৰস্ত কৰ্মচাৰী?
এই বাতৰিৰ খলনায়ক জন বৈকুণ্ঠ নাথ বেহেৰা। বৰ্তমান Integrated Tribal Development Agencyৰ সহঃ কাৰ্যবাহী অভিযন্তা হিচাপে কৰ্মৰত বৈকুণ্ঠ বেহেৰাই ৬ হাজাৰ টকা মাহিলী দৰমহাত কৰ্মজীৱন আৰম্ভ কৰা বেহেৰাই এই বৰ্ষতে সহকাৰী কাৰ্যবাহী অভিযন্তাৰ পদলৈ উন্নীত হৈছিল। পদোন্নতি লাভ কৰিয়েই দুৰ্নীতিৰ পাহাৰ গঢ়া এই কৰ্মচাৰীজন এতিয়া দুৰ্নীতি নিবাৰক শাখাৰ জালত।
দুৰ্নীতিৰে বিশাল সাম্ৰাজ্য গঢ়া বেহেৰাৰ পৰা এই পৰ্যন্ত কিমান টকা জব্দ?
শনিবাৰে পুৱাৰে পৰা চলা দুৰ্নীতি নিবাৰক শাখাৰ অভিযানত বৈকুণ্ঠ নাথ বেহেৰাৰ পৰা এই পৰ্যন্ত জব্দ কৰা হৈছে নগদ ২ কোটি টকাতকৈও অধিক ধন। ধন গণনাৰ বাবে দুৰ্নীতি নিবাৰক শাখাই আনিবলগীয়া হৈছে গণনা মেচিন। কেৱল এয়াই নহয় বেহেৰাৰ বিভিন্ন স্থানত আছে কেইবামহলাৰ ৫টাকৈ অট্টালিকা, ১০,৫০০ বৰ্গমিটাৰ এলেকাত নিৰ্মিত অত্যাধুনিক ৪ মহলীয়া অট্টালিকা। ইয়াৰ উপৰিও ১৪টাকৈ স্থানত বৈকুণ্ঠ নাথ, বৈকুণ্ঠনাথৰ পত্নী আৰু সন্তানৰ নামত ভূমি থকাৰো তথ্য পোৱা গৈছে। ইয়াৰ উপৰিও গ্ৰামে গ্ৰামে সোণৰ অলংকাৰ, ৪৫ লাখ টকাৰ বেংক ডিপোজিট, বহুলাখ টকাৰ পোষ্টেল ছেভিঙছৰ উপৰিও কেইবাটাও বীমাৰ নথি জব্দ কৰে দুৰ্নীতি নিবাৰক শাখাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
