অক্টোবৰৰ এই দ্বিতীয় সপ্তাহত তুলা ৰাশিত শুক্ৰ আৰু বুধ মিলিত হ’ব৷ তুলা ৰাশিত বুধ আৰু শুক্ৰৰ যুঁটিৰ ফলত লক্ষ্মী নাৰায়ণ ৰাজযোগ গঠিত হ’ব৷ অত্যন্ত শুভ এই ৰাজযোগৰ প্ৰভাৱত জাতকৰ সন্মান আৰু সম্পদ বৃদ্ধি পাব৷ ইয়াৰোপৰি এই সপ্তাহত পালিত হ’ব দুৰ্গাপূজাও৷ এই সময়ত শাৰদীয় নৱৰাত্ৰি চলি আছে৷ দেৱীৰ আগমনৰ সুখ এতিয়া চৌদিশে৷ জানি থওক এই সময়ত ৭ৰ পৰা ১৩ অক্টোবৰৰ ভিতৰত কোন ৰাশিৰ ভাগ্যত কি আছে?
মেষ ৰাশি
মেষ ৰাশিৰ জাতকে সৰু সৰু ৰোগৰ কাৰণে কষ্ট পাব৷ সময় আৰু টকাৰ গুৰুত্ব বুজিব অন্যথা ভৱিষ্যতে অৰ্থাভাৱত পৰিব পাৰে৷ ঘৰত কিছু পৰিবৰ্তনৰ বাবে প্ৰিয় মানুহৰ সৈতে মতভেদ হ’ব পাৰে৷ সন্মান কমিব৷ এই সময়ত শত্ৰু সক্ৰিয় হৈ আছে৷ কিন্তু শত্ৰুৰ সৈতে ভাল ব্যৱহাৰ কৰি নিজৰ বন্ধু কৰি তুলিব পাৰিব৷ কম পৰিশ্ৰমত ভাল ফল পাব৷
বৃষ ৰাশি
বৃষ ৰাশিৰ জাতকে এই সপ্তাহত মিশ্ৰ ফলাফল পাব৷ আদালতত কোনো গোচৰ চলি থাকিলে তাৰ পৰিণাম সম্পৰ্কে চিন্তা কৰি ব্যাকুল হ’ব৷ পৰিয়ালত অশান্তি থাকিব৷ আপোনাৰ ধন খৰচ কৰাব খোজা বন্ধু বান্ধৱীৰ পৰা এই সময়ত দূৰৈত থাকক৷ এই ৰাশিৰ ব্যৱসায়ীসকলে সপ্তাহৰ আৰম্ভণিতে কোনো ধৰণৰ লগ্নি নকৰিব৷
মিথুন ৰাশি
মিথুন ৰাশিৰ জাতকে নিজৰ স্বাস্থ্যপ প্ৰতি সচেতন হৈ থাকক৷ প্ৰত্যাশাতকৈ বেছি আৰ্থিক সমস্যাৰ মুখামুখি হ’ব৷ এই সমস্যা সমাধানৰ পৰিবৰ্তে সংগীৰ সহযোগীতা ল’ব পাৰে৷ পৰিয়ালৰ সদস্যসকলৰ মাজত সামঞ্জস্য স্থাপন কৰিব পাৰিব৷ কেৰিয়াৰৰ কাৰণে মনত কোনো বিভ্ৰান্তি থাকিব৷ প্ৰতিকূল পৰিস্থিতিত কোনো প্ৰতিক্ৰিয়া নজনাব৷ শান্ত হৈ থাকক৷
কৰ্কট ৰাশি
কৰ্কট ৰাশিৰ জাতকে এই সপ্তাহত অভিজ্ঞ ব্যক্তিৰ সৈতে সাক্ষাতৰ বাবে চেষ্টা কৰিব৷ সামাজিক মিলামিছা বৃদ্ধি কৰিবলৈ গৈ নিজৰ স্বাস্থ্যক উপেক্ষা নকৰিব৷ আৰ্থিক পৰিস্থিতি মজবুত হ’ব৷ সপ্তাহৰ আৰম্ভণিতে ভাল ফল পাব৷ ধীৰগতিত বিভিন্ন উৎসৰ পৰা অৰ্থৰ আগমন হ’ব৷ অৰ্থ সঞ্চয়ৰ চেষ্টা কৰক৷
সিংহ ৰাশি
সিংহ ৰাশিৰ জাতকৰ স্বাস্থ্য দুৰ্বল হ’ব৷ এই অৱস্থাত অধিক যাত্ৰা কৰিব লগা হ’ব পাৰে৷ অৰ্থ সঞ্চয়ৰ ওপৰত জোৰ দিয়ক৷ পৰিয়ালৰ কোনো ঘনিষ্ঠ সদস্যই আপোনাৰ সৈতে বিশ্বাসঘাতকতা কৰিব পাৰে৷ ইয়াৰ ফলত মনৰ মাজত কষ্ট আৰু ভয় উৎপন্ন হ’ব৷ অতীতত কৰা পৰিশ্ৰমৰ দ্বাৰা কেৰিয়াৰত লাভ হ’ব৷
কন্যা ৰাশি
কন্যা ৰাশিৰ জাতকে এই সপ্তাহ সাধাৰণভাৱে কটাব৷ ঘৰৰ ৰক্ষণাবেক্ষণ আৰু সাজসজ্জাত অৰ্থ ব্যয় হ’ব৷ পৰিয়ালৰ সদস্যসকলৰ সৈতে আপোনাৰ ব্যৱহাৰ বেয়া হ’ব পাৰে সেই বিষয়ত নজৰ ৰাখক৷ ভদ্ৰ আচৰণ কৰক৷ কৰ্মক্ষেত্ৰত ওঠানমা থাকিবই৷ কেৰিয়াৰত নতুন টাৰ্গেট আহিব৷ পৰিস্থিতি জটিল হৈ উঠিলে নিজৰ চৌপাশৰ লোকৰ পৰা সহায় লওক৷ উচ্চশিক্ষাৰ বাবে এই সময় ভাল৷
তুলা ৰাশি
তুলা ৰাশিৰ জাতকে এই মাহত শাৰীৰিক আৰু মানসিকভাৱে মজবুত থাকিব৷ মন ব্যাকুল হ’ব পাৰে৷ স্বাস্থ্যৰ যত্ন লওক৷ প্ৰয়োজনত চিকিৎসকৰ পৰামৰ্শ গ্ৰহণ কৰক৷ আপোনাৰ আৰ্থিক পৰিস্থিতি পূৰ্বতকৈ উন্নত হ’ব৷ ভাতৃ-ভগ্নীৰ পৰা প্ৰত্যাশাতকৈ বেছি সহযোগীতা পাব৷ কৰ্মক্ষেত্ৰত লক্ষ্য পূৰণৰ বাবে যি ৰণনীতি তৈয়াৰ কৰিছে তাত কোনো সহকৰ্মীয়ে বাধা সৃষ্টি কৰিব পাৰে৷
বৃশ্চিক ৰাশি
বৃশ্চিক ৰাশিৰ জাতকে এই সপ্তাহত স্বাস্থ্যজনিত সমস্যাৰ মুখামুখি হ’ব পাৰে৷ ভাল মুনাফা উপাৰ্জনৰ সম্ভাৱনা থকা সত্ত্বেও অবৈধ কামত অৰ্থ ব্যয় নকৰিব৷ পৰিয়ালৰ সৈতে সময় কটোৱাৰ সুযোগ পাব৷ সন্তানক পঢ়াশুনাতকৈ খেলধেমালিৰ প্ৰতি গুৰুত্ব বাঢ়ি যোৱা দেখি হতাশো হ’ব পাৰে৷ কাৰ্যালয়ত ইতিবাচক পৰিবেশ থাকিব৷
ধনু ৰাশি
ধনু ৰাশিৰ জাতকে এই সপ্তাহত অতীতৰ সমস্যাৰ পৰা স্বস্তি পাব৷ ভাল লাইফষ্টাইল মানি চলিলে সমস্যাৰ পৰা মুক্তি সম্ভৱ৷ আৰ্থিক লেনদেন এৰাই চলক৷ অলপ টকাৰ লোভত কোনো বেআইনী কাম কৰিবলৈ নাযাব৷ বন্ধুৱে কোনো ভাল পৰিকল্পনা তৈয়াৰ কৰিলে আপুনিও সেই কামত যুক্ত হ’ব পাৰে৷ এই ৰাশিৰ ব্যৱসায়ীয়ে সাফল্য লাভ কৰিব৷ পাৰিবাৰিক জীৱনত সমস্যা থাকিব৷
মকৰ ৰাশি
মকৰ ৰাশিৰ জাতকৰ বাবে অক্টোবৰ মাহৰ এই সপ্তাহটো ফলদায়ী হ’ব৷ কৰ্মক্ষেত্ৰত কামৰ চাপ বাঢ়িব৷ মানসিক অশান্তি আৰু সমস্যাৰ সন্মুখীন হ’ব পাৰে৷ আৰ্থিক পৰিস্থিতি মজবুত হ’ব৷ আপোনাৰ ব্যক্তিত্ব আৰু আকৰ্ষণৰ জোৰত নতুন বন্ধুত্ব গঢ়ি উঠিব পাৰে৷ কেৰিয়াৰত উন্নতিৰ প্ৰবল ইচ্ছাই আপোনাৰ প্ৰিয় মানুহৰ পৰা দূৰলৈ লৈ যাব৷
কুম্ভ ৰাশি
কুম্ভ ৰাশিৰ জাতকৰ ব্যস্ততা বাঢ়িব৷ মনোকামনা পূৰণ হ’ব৷ ভাগ্য আপোনাৰ সৈতে আছে৷ অতীতৰ চেষ্টা সফল হ’ব৷ ঋণ শোধ কৰিব পাৰিব৷ পৰিয়ালৰ সৈতে ভাল সময় কটাব৷ প্ৰতিযোগিতামূলক পৰীক্ষাত প্ৰস্তুতি লৈ থকাসকলে এই সময়ত লাভৱান হ’ব৷
মীন ৰাশি
মীন ৰাশিৰ জাতকৰ নিজকে সুস্থ ৰখাৰ বাবে এই সপ্তাহত সমস্ত বদভ্যাস ত্যাগ কৰক৷ দীৰ্ঘম্যাদি লগ্নি এৰাই চলক৷ বন্ধুৰ সৈতে বাহিৰলৈ যাব পাৰে৷ পৰিয়ালৰ সদস্যসকলে পৰিবৰ্তনৰ সিদ্ধান্ত ল’ব পাৰে৷ এই পৰিবৰ্তনে আপোনাক প্ৰয়োজনতকৈ অধিক আৱেগপ্ৰবণ কৰি তুলিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
