অসম লাইভ ২৪ঃ সংকটৰ সন্মুখীন হৈছে গুগলৰ মুখ্য কাৰ্যবাহী বিষয়া সুন্দৰ পিচাই৷ গুগলৰ মুখ্য কাৰ্যবাহী বিষয়াগৰাকীৰ বিৰুদ্ধে কপিৰাইট উলংঘনৰ দৰে অতি গুৰুতৰ অভিযোগ উত্থাপন হৈছে৷
বলিউদৰ ছবি নিৰ্মাতা সুনীল দৰ্শনে সুন্দৰ পিচাইসহ আন পাঁচজনৰ বিৰুদ্ধে এমআইডিচি আৰক্ষী চকীত কপিৰাইট উলংঘনৰ অভিযোগত এজাহাৰ দাখিল কৰিছে৷
ইতিমধ্যে আৰক্ষীয়ে কপিৰাইট উলংঘন আইন, ১৯৫৭-ৰ ধাৰা ৫১, ৬৩ আৰু ৬৯ৰ অধীনত এজাহাৰখন পঞ্জীয়ন কৰিছে।
দৰ্শনে অভিযোগ কৰিছে যে তেওঁ ২০১৭ চনত নিৰ্মাণ কৰা এক হাছিনা থি এক দিৱানা থাৰ চলচ্চিত্ৰখনৰ কপিৰাইট উলংঘন কৰি গুগলৰ মালিকানাধীন ইউটিউবত আপলোড কৰা হৈছে। ইউটিউবত আপলোড কৰাৰ পিছতে ছবিখনে ১ মিলিয়নৰো অধিক ভিউজ অতিক্ৰম কৰিছে বুলিও নিৰ্মাতা দৰ্শনে দাবী কৰিছে৷
দৰ্শনে লগতে কয়, ভিডিঅ’ শ্বেয়াৰিং প্লেটফৰ্মত ছবিখন আপলোড কৰি কেইবাজনো লোকে ধন উপাৰ্জন কৰিছে।
বহু বছৰ ধৰি ইউটিউবৰ ওচৰত বিষয়টো উত্থাপন কৰিছিল যদিও ইউটিউবৰ পৰা কোনো সঁহাৰি লাভ নকৰাত তেওঁ অৱশেষত আইনী পদক্ষেপ ল’বলৈ বাধ্য হয় বুলিও মন্তব্য কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
