গুজৰাটৰ বিজেপি চৰকাৰে ৰাজ্যখনৰ শিক্ষানুষ্ঠানসমূহত ভাগৱত গীতাৰ অধ্যয়ন বাধ্যতামূলক কৰিছে৷ ৰাজ্যখনৰ শিক্ষা মন্ত্ৰালয়ে ঘোষণা কৰা অনুসৰি ২০২২-২৩ শিক্ষা বৰ্ষৰপৰা গুজৰাটৰ শিক্ষানুষ্ঠানসমূহত ভাগৱত গীতাক পাঠ্যক্ৰমত অন্তভুৰ্ক্ত কৰা হ’ব৷
শিক্ষা মন্ত্ৰী জিতু ভাঘ্নীয়ে প্ৰকাশ কৰা অনুসৰি ষষ্ঠ শ্ৰেণীৰপৰা দ্বাদশ শ্ৰেণীলৈকে শিক্ষাৰ্থীসকলে ভাগৱত গীতা অধ্যয়ন কৰিব লাগিব৷
আন এক ঘোষণাত শিক্ষামন্ত্ৰীগৰাকীয়ে কয় যে ৰাজ্যখনত প্ৰথম শ্ৰেণীৰপৰাই ইংৰাজী ভাষাৰ শিক্ষাও আৰম্ভণি কৰা হ’ব৷
লগতে পঢ়ক মহানগৰীৰ মহিলাৰ ব্যক্তিগত মুহূৰ্তৰ ভিডিঅ’ ভাইৰেল কৰি জেইল হাজোতলৈ গ’ল এক যুৱক
বৃহস্পতিবাৰে শিক্ষামন্ত্ৰীগৰাকীয়ে আৰু কয় ভাগৱত গীতা আৰু প্ৰথম শ্ৰেণীৰ ইংৰাজী ভাষা শিক্ষণৰ বাবে ৰাজ্য চৰকাৰে পুঁজিও আৱণ্টন কৰিছে৷
ৰাজ্যখনত ভাগৱত গীতাক শিক্ষানুষ্ঠানত বাধ্যতামূলক অধ্যয়ন প্ৰচলন কৰি ভাগৱত গীতা শিক্ষণে শিক্ষাৰ্থীসকলক ‘পৰম্পৰাৰ সৈতে গৌৰৱময় সম্পৰ্ক গঢ়ি তুলিব’ বুলি চৰকাৰে ঘোষণা কৰিছে৷
শিক্ষামন্ত্ৰীগৰাকীৰ মতে ষষ্ঠ শ্ৰেণীৰপৰা অষ্টম শ্ৰেণীলৈ ভাগৱত গীতাক পৰিচয়মূলকভাৱে শিকোৱা হ’ব আৰু নৱম শ্ৰেণীৰপৰা দ্বাদশ শ্ৰেণীলৈকে প্ৰতিটো অধ্যায়কে বিস্তৃতৰূপত শিক্ষাৰ্থীসকলে অধ্যয়ন কৰিব লাগিব৷
লগতে পঢ়ক পিতৃৰে সম্পৰ্ক নৰখা কন্যাই পিতৃৰ সম্পত্তিৰ পৰা হ’ব বঞ্চিত!
শিক্ষাৰ্থীসকলে গীতাৰ শ্লোক, কাহিনীসমূহলৈ কুইজ, তৰ্ক, নাটক আদি প্ৰতিযোগিতাতো অংশগ্ৰহণ কৰিব লাগিব৷
গুজৰাটৰ বিজেপি চৰকাৰে ৰাজ্যখনৰ শিক্ষানুষ্ঠানসমূহত ভাগৱত গীতাক প্ৰাথমিক স্তৰত বাধ্যতামূলক শিক্ষণ আৰম্ভ কৰাতো বিৰোধী দল কংগ্ৰেছ আৰু আম আদমি পাৰ্টিয়ে সমৰ্থন কৰিছে৷
ইফালে কৰ্ণাটকতো ভাগৱত গীতাক বিদ্যালয়সমূহৰ পাঠ্যক্ৰমত অন্তভুৰ্ক্ত কৰিবলৈ ৰাজ্যখনৰ চৰকাৰে পৰিকল্পনা গ্ৰহণ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
