ভাৰতীয় ৰে’লৱেই টিকটবিহীন ৰে’ল যাত্ৰীসকলৰ পৰা জৰিমনা সংগ্ৰহ কৰি প্ৰতি বিত্তীয় বৰ্ষতে বৃহৎ পৰিমাণৰ ধন সংগ্ৰহ কৰি আহিছে৷ ভাৰতীয় ৰে’লৰ এজন কৰ্মচাৰীয়ে টিকটবিহীন ৰে’ল যাত্ৰীৰ পৰা এটা বছৰত সংগ্ৰহ কৰিছে বহৎ অংকৰৰ জৰিমনা৷
লোকজন হৈছে ভাৰতীয় ৰে’ল বিভাগৰ টিকট পৰীক্ষক শশী কুমাৰ৷ বিহাৰৰ শশী কুমাৰে এটা বছৰত টিকটবিহীন ৰে’ল যাত্ৰীৰ পৰা অকলেই ১.১১ কোটি টকা জৰিমনা সংগ্ৰহ কৰিছে৷
ভাৰতীয় ৰে’লৱে সূত্ৰই প্ৰকাশ কৰা অনুসৰি যোৱা বৰ্ষটোত শশী কুমাৰে অকলেই প্ৰায় ১৬ হাজাহ টিকটবিহীন ৰে’ল যাত্ৰীক ধৰা পেলাইছে৷ ৰে’লৰ এই কৰ্মচাৰীজনে দৈনিক গড়ে ৪০ জনকৈ টিকটবিহীন ৰে’ল যাত্ৰীক ধৰা পেলাইছিল৷
লগতে পঢ়ক এলিয়েনৰ সংস্পৰ্শত গৰ্ভৱতী হ’ল মহিলা! পেণ্টাগণৰ প্ৰতিবেদনত প্ৰকাশ
চাৰি বছৰ পূৰ্বে ভাৰতীয় ৰে’ল বিভাগৰ টিকট পৰীক্ষক হিচাপে যোগদান কৰা শশী কুমাৰে মুখ্যতঃ বিহাৰৰ দানাপুৰ, পাটনা, বাক্সাৰ আৰু দীনদয়াল উপাধ্যায় জংচন আৰু ষ্টেচনত টিকট পৰীক্ষক হিচাপে কাম কৰি আহিছে৷
ইতিমধ্যে ভাৰতীয় ৰে’লৰ পূৱ-কেন্দ্ৰীয় শাখাৰ বাণিজ্যিক সঞ্চালক অধৰ ৰাজে শশী কুমাৰৰ এই কৰ্তব্যনিষ্ঠাৰ বাবে এক প্ৰমাণ পত্ৰ প্ৰদান কৰিছে৷ প্ৰমাণ পত্ৰত উল্লেখ কৰা মতে শশী কুমাৰে যোৱা বছৰটোত মুঠ ২৩৭ টা দিন কৰ্মত উপস্থিত আছিল৷
তেওঁ লগতে পিএনবিই-৪টো টিকটবিহীন ভাৱে যাত্ৰা কৰা ১১,২৬৭ গৰাকী যাত্ৰীক ধৰা পেলাই ৬৮.৩০ লাখ টকাৰ জৰিমনা সংগ্ৰহ কৰিছে৷ এই কামৰ স্বীকৃতি ৰূপে পাটনা ষ্টেচনৰ সঞ্চালকে শশী কুমাৰক অন্য এক প্ৰমাণ পত্ৰও প্ৰদান কৰিছে৷
লগতে পঢ়ক নাৰীদেহ ব্যৱসায়ত জড়িত শিক্ষক : ছাত্ৰীক চালান দিবলৈ গৈ পৰিল আৰক্ষীৰ জালত
ইফালে শশী কুমাৰে প্ৰকাশ কৰিছে যে টিকটবিহীনভাৱে যাত্ৰা কৰা যাত্ৰীৰ পৰা ১.১১ কোটি টকা সংগ্ৰহ কৰি তেওঁ অত্যন্ত সুখী৷
‘‘মোক য’তেই কাম কৰিবলৈ প্ৰেৰণ কৰা হৈছিল, তাতেই মই অতি নিষ্ঠাৰে কাম কৰিছিলো৷’’ পৰৱৰ্তী বৰ্ষটোত ২ কোটি টকা জৰিমনা সংগ্ৰহৰ লক্ষ্য স্থিৰ কৰি লোৱা শশী কুমাৰে সংবাদ মাধ্যমৰ আগত এইদৰে কয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
