কি জঘন্য! মানুহৰ বিকৃত যৌন কামনাৰ পৰা এইবাৰ ৰক্ষা নাপালে এটা নিমাখিত বন্যপ্ৰাণীয়ে৷ হয়, বন্যপ্ৰাণী এটা গুঁইক চাৰিজন লোকে গণধৰ্ষণ কৰাৰ দৰে এক গুৰুতৰ ঘটনা পোহৰলৈ আহিছে৷
ঘটনাৰ বিৱৰণীৰ মতে চাৰিজন লোক ক্ৰমে সন্দীপ টুকাৰাম পাৱাৰ, মংগেশ কামটেকাৰ, অক্ষয় কামটেকাৰ আৰু ৰমেশ ঘাগে মহাৰাষ্ট্ৰৰ ৰত্নগিৰি জিলাৰ চাহিদ্ৰী ব্যাঘ্ৰ সংৰক্ষিত বনাঞ্চলত বন্দুক লৈ বিনা অনুমতিত প্ৰৱেশ কৰে৷ উল্লেখ্য যে মহাৰাষ্ট্ৰৰ চাহিদ্ৰী ব্যাঘ্ৰ সংৰক্ষিত বনাঞ্চলখন ৰাজ্যখনৰ সাতৰাস, সংগ্লী, কুলহপুৰ আৰু ৰত্নগিৰি এই চাৰিখন জিলালৈকে পৰিব্যাপ্ত হৈ আছে৷
সংৰক্ষিত বনাঞ্চলত বন্যপ্ৰাণী চিকাৰ বাবে প্ৰৱেশ কৰাৰ সন্দেহত আটাইকেইজন লোককে বনৰক্ষীয়ে আটক কৰে৷ সংৰক্ষিত ব্যাঘ্ৰ বনাঞ্চলখনৰ চান্দুলী ৰাষ্ট্ৰীয় উদ্যানৰ নিষিদ্ধ এলেকাৰ পৰা বনৰক্ষীয়ে লোককেইজনক আটক কৰি জেৰা চলোৱাৰ সময়তহে পোহৰলৈ আহে সভ্য মানুহক হচকিত কৰিব তুলিব পৰা এই ঘটনাটো৷
লগতে পঢ়ক ৰণবীৰ-আলিয়াৰ বিবাহ : কেই বজাত সম্পন্ন হ’ব হাই প্ৰফাইল এই বিবাহ?
বনৰক্ষীয়ে ধৃত লোককেইগৰাকীৰ মোবাইল ফোনসমূহ পৰীক্ষা কৰোতে এজনৰ মোবাইলত এক ভয়ংকৰ ভিডিঅ’ প্ৰত্যক্ষ কৰে৷ বনাঞ্চলৰ কৰ্তৃপক্ষ প্ৰকাশ কৰা অনুসৰি এজন লোকৰ মোবাইলৰ উক্ত ভিডিঅ’টোত চাৰিজন লোকে এটা গুঁইক দলৱদ্ধভাৱে ধৰ্ষণ কৰাৰ দৃশ্য প্ৰত্যক্ষ কৰে৷ ইয়াৰ পিছতে ধৃত লোককেইজনে এই কাণ্ড সংঘটিত কৰাৰ কথা স্বীকাৰ কৰিছে৷ ইতিমধ্যে চাৰিওজন অভিযুক্তৰ বিৰুদ্ধে গোচৰ ৰুজু কৰা হৈছে৷
ইফালে সংৰক্ষিত বনাঞ্চলখনৰ চিচিটিভি পৰীক্ষা কৰোতে বনৰক্ষীয়ে লোককেইজনে বনাঞ্চলখনত প্ৰৱেশ কৰাৰ দৃশ্যও বন্দী হৈ থকা প্ৰত্যক্ষ কৰিছে৷ কৰ্তৃপক্ষই প্ৰকাশ কৰা মতে লোককেইজনে কঙ্কনৰ পৰা বন্যপ্ৰাণী চিকাৰ কৰিবলৈ চান্দ’লি ৰাষ্ট্ৰীয় উদ্যানলৈ আহিছিল৷
লগতে পঢ়ক বিষাক্ত কাঠফুলা ভক্ষণ : ৰাজ্যত শিশুসহ ১৩ গৰাকী লোকৰ কৰুণ মৃত্যু
‘‘আমি সকলোবৰো তথ্য প্ৰমাণ সংগ্ৰহ কৰি আছো আৰু তেওঁলোকক বনবিভাগক চমজাই দিম যাতে তেওঁলোকে জামিনত মুকলি হৈ আহিব নোৱাৰে৷’’ উদ্যানখনৰ কৰ্তৃপক্ষই সংবাদ সংস্থা পিটিআইক কয়৷
ইফালে চাহিদ্ৰী ব্যাঘ্ৰ সংৰক্ষিত বনাঞ্চলৰ সঞ্চালক নানাচাহেব লাড়কটে অভিযুক্ত লোককেইজনৰ বিৰুদ্ধে বন্যপ্ৰাণী জীৱন(সুৰক্ষা) আইন, ১৯৭২ৰ অধীনৰ বভিন্ন ধাৰাত গোচৰ পঞ্জীয়ন কৰা হৈছে বুলি প্ৰকাশ কৰিছে৷
উল্লেখ্য যে গুঁই বন্যপ্ৰাণী জীৱন (সুৰক্ষা) আইন, ১৯৭২ৰ আওতাত পৰে৷ এই আইনৰ আওতাত পৰা যিকোনো বন্যপ্ৰাণীৰ বিৰুদ্ধে সংঘটিত কৰা অপৰাধ প্ৰমাণ হ’লে দোষীক অতি কমেও সাত বছৰৰ কাৰাদণ্ড বিহাৰ বিধান আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
