ৰাশিচক্ৰত ১২টা ৰাশি আছে৷ ৰাশি অনুযায়ী সকলোৰে স্বভাৱ-চৰিত্ৰ ভিন্ন৷ জ্যোতিষ শাস্ত্ৰৰ মতে, কোনো ৰাশিৰ লোক বেগী আৰু সাহসী, কোনো আকৌ শান্ত, কোনো আকৌ চঞ্চল৷ ১২টা ৰাশিৰ ৪টা ৰাশিৰ জাতক-জাতিকাৰ ক্ষেত্ৰত দেখা যায় যে তেওঁলোকৰ আয় যিমান, তাতকৈ খৰচ বেছি৷
মেষ ৰাশি
ৰাশি চক্ৰৰ প্ৰথমটো ৰাশিয়ে হ’ল মেষ৷ এই ৰাশিৰ জাতক-জাতিকাই স্বাভাৱিকতে চাৰ্বাক দৰ্শনমুখী৷ নিজৰ জীৱন যাত্ৰা সুন্দৰভাৱে চলিবলৈ প্ৰয়োজনত এওঁলোক ধৰুৱা হ’বলৈও কুণ্ঠাবোধ নকৰে৷ টকা-পইচাৰ ক্ষেত্ৰত এই ৰাশিৰ লোকে কোনো হিচাপ-পত্ৰত চলাৰ পক্ষপাতি নহয়৷ এই স্বভাৱৰ কাৰণে মাহৰ শেষৰ ফালে এওঁলোক প্ৰায়ে অভাৱগ্ৰস্ত হোৱা দেখা যায়৷
বৃষ ৰাশি
ৰাশিচক্ৰৰ দ্বিতীয় ৰাশি হ’ল বৃষ৷ এই ৰাশিৰ অধিপতি হ’ল শুক্ৰ৷ এই ৰাশিৰ ল’ৰা-ছোৱালীয়ে খৰচ কৰি ভাল পাই৷ খোৱা, পোছাক-পৰিচ্ছেদ আনকি আনৰ কেয়াৰ ল’বলৈ গৈয়ো প্ৰচুৰ অৰ্থ ব্যয় কৰে৷ হিচাপত চলাটো এই ৰাশিৰ লোকৰ বাবেও অসম্ভৱ৷
মিথুন ৰাশি
পছন্দৰ সামগ্ৰী যিমান দাম হ’লেও কিনি লোৱাটো এই ৰাশিৰ জাতক-জাতিকাৰ অভ্যাসস্বৰূপ৷ আনক উপহাৰ দিবলৈও মিথুন ৰাশিৰ ল’ৰা-ছোৱালী পিছ পৰি নাথাকে৷ আয় কিমান হৈছে সেইটো ডাঙৰ কথা নহয়, লগা বস্তুটো যে লাগিব সেইটোহে এওঁলোকৰ বাবে গুৰুত্বপূৰ্ণ৷ এই স্বভাৱৰ বাবে মাহৰ শেষত ধনৰ খৰালিত ভোগে মিথুন ৰাশিৰ জাতক-জাতিকাসকলে৷
কন্যা ৰাশি
মেষ, মিথুন আৰু বৃষ ৰাশিৰ দৰেই কন্যা ৰাশিৰ ল’ৰা-ছোৱালী খৰচী৷ ঘনে ঘনে বজাৰ কৰাটো এওঁলোকৰ চখ৷ হিচাবৰ ক্ষেত্ৰত এওঁলোকৰ কোনো পৰিকল্পনা নাথাকে৷ স্বভাৱতে কন্যা ৰাশিৰ বালক-বালিকাসকল পৰোপকাৰী হয়৷ কেতিয়াবা নিজতকৈ আনৰ হৈ বেছি খৰচ কৰে৷ যাৰ ফলত মাহৰ শেষত প্ৰায়ে লালবাটি জ্বলে এই ৰাশিৰ ল’ৰা-ছোৱালীৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
