বুধবাৰে দেশৰ উচ্চতম ন্যায়ালয়ে এক গুৰুত্ব ৰায় প্ৰদান কৰিছে৷ দেশৰ সৰ্বোচ্চ ন্যায়ালয়ে দেশত দেশদ্ৰোহিতাৰ আইনখন সাময়িকভাৱে স্থগিত ৰাখিবলৈ নিৰ্দেশ দিছে৷
উচ্চতম ন্যায়ালয়ৰ মুখ্য ন্যায়াধীশ এন ভি ৰমনাই দিয়া নিৰ্দেশটোত কোৱা হৈছে যে ব্ৰিটিছ প্ৰণীত ঔপনিৱেশিক আইনখন চৰকাৰে পুনৰ পৰীক্ষণ কৰাৰ প্ৰয়োজন আছে আৰু পুনৰীক্ষণ নোহোৱা পৰ্যন্ত আইনখন স্থগিত ৰাখিব লগে৷
ভাৰতৰ মুখ্য ন্যায়াধীশ এন ভি ৰমনাই নিৰ্দেশটোত কয় যে এই আইনখন ব্যৱহাৰ নকৰাটো উচিত হ’ব৷ আনহাতে, ইতিমধ্যে ভাৰতীয় দণ্ডবিধিৰ ১২৪এ ধাৰাৰ অধীনত গোচৰ ৰুজু হোৱা আৰু কাৰাগাৰত বন্দী হৈ থকা আৰু এনে গোচৰৰ বিচাৰ চলি থকাসকলেও ইয়াৰ পৰা ৰেহাই পাবলৈ আদালতৰ কাষ চাপিব পাৰে।
লগতে পঢ়ক সোঁত অব্যাহত, এইবাৰ উদীয়মান কণ্ঠশিল্পীৰ আলফা(স্বাঃ)লৈ গমন
‘‘আমি আশা কৰো যে কেন্দ্ৰ আৰু ৰাজ্যসমূহে আইপিচিৰ ধাৰা ১২৪এ (দেশদ্ৰোহ)ৰ অধীনত নতুন এজাহাৰ পঞ্জীয়ন কৰাত বাধা দিব,’’ মুখ্য ন্যায়াধীশৰ নিৰ্দেশটোত এইদৰে কোৱা হৈছে। অৰ্থাৎ দেশদ্ৰোহৰ আইনৰ অধীনত আৰু কোনো গোচৰ ৰুজু হ’ব নালাগে বুলি স্পষ্টভাৱে প্ৰকাশ কৰিছে উচ্চতম ন্যায়ালয়ে৷
ইফালে, দেশৰ সৰ্বোচ্চ ন্যায়ালয়ে কেন্দ্ৰক সুধিছিল যে অমীমাংসিত দেশদ্ৰোহৰ গোচৰবোৰ স্থগিত ৰাখিব পাৰিনে? এই প্ৰশ্নোত্তৰত কেন্দ্ৰই বুধবাৰে উচ্চতম ন্যায়ালয়ক জনাই যে দেশদ্ৰোহ আইনখন স্থগিত ৰখাটো সঠিক পদ্ধতি নহ’বও পাৰে।
শুনানিৰ সময়ত, কেন্দ্ৰৰ হৈ উপস্থিত থকা ছলিটিটৰ জেনেৰেল তুষাৰ মেহতাই কয় যে কেন্দ্ৰই এটা প্ৰস্তাৱ প্ৰস্তুত কৰিছে। কেন্দ্ৰৰ চৰকাৰৰ হৈ ছলিটিৰ জেনেৰেল তুষাৰ মেহতাই কয় যে কেন্দ্ৰই ৰাজ্যসমূহক ক’ব পাৰে যে নতুনকৈ দেশদ্ৰোহৰ গোচৰ ৰুজু কৰাৰ আগতে কেৱল আৰক্ষী অধীক্ষক বা তাতকৈ উচ্চ পদবীৰ এজন আৰক্ষী বিষয়াইহে এনে নতুন দেশদ্ৰোহৰ গোচৰ ৰুজু হ’ব নে নহয় সেয়া নিৰ্ণয় কৰিব৷
লগতে পঢ়ক তাজমহলৰ বিষয়ে কি ক’লে এলন মাস্ক আৰু তেওঁৰ মাতৃয়ে?
অৰ্থাৎ প্ৰস্তাৱটোৰ মতে উচ্চ পদস্থ আৰক্ষী বিষয়াই এনে অপৰাধৰ বিৰুদ্ধে গোচৰ ৰুজু হোৱা উচিত বুলি অনুভৱ কৰিলে দেশদ্ৰোহৰ গোচৰ ৰুজু কৰিব পাৰিব বুলি তুষাৰ মেহতাই কয়৷
মেহতাই লগতে মুখ্য ন্যায়াধীশক কয় যে ‘‘আপুনি নিৰ্দেশ দিব পাৰে যে জামিনৰ আদেশৰ ওপৰত শীঘ্ৰে সিদ্ধান্ত লোৱা উচিত।’’
ইফালে আইনখনৰ বিৰুদ্ধে আবেদনকাৰীৰ হৈ উপস্থিত থকা জ্যেষ্ঠ অধিবক্তা কপিল ছিব্বালে তুষাৰ মেহতাৰ প্ৰস্তাৱক তীব্ৰ বিৰোধিতা কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
