বিলাসী ব্ৰেণ্ড গুচি আৰু স্প’ৰ্টছৱেৰ প্ৰতিষ্ঠান এডিডাছৰ লাখ টকীয়া ছাতিয়েও বৰষুণক বাধা দিয়াত ব্যৰ্থ হোৱা বুলি এছিয়াৰ এখন দেশত তীব্ৰ চৰ্চা চলিছে৷ এই দেশখন হৈছে এছিয়াৰ বৃহত্তম দেশ চীন৷ বিষয়টোৱে চীনৰ সংবাদ মাধ্যমতো শিৰোনাম দখল কৰিছে৷
চৰ্চিত ছাতিৰ মূল্য হৈছে ভাৰতীয় মূল্যত প্ৰায় ১.২৭ লাখ টকা৷ ১.২৭ লাখ টকাৰ মূল্যৰ ছাতিয়ে বৰষুণক বাধা দিয়াত ব্যৰ্থ হোৱা বুলি সামাজিক মাধ্যমত এটা পোষ্ট শ্বেয়াৰ হৈছে৷
পোষ্টটোত লিখা হৈছে ‘‘১১,১০০ ইউৰো ছাতিটো ৱাটাৰপ্ৰুফ নহয়৷’’ গুচি, এডিডাছক হেজষ্টেগ কৰি দিয়া পোষ্টটোৱে প্ৰায় ১৪ কোটি লোকে প্ৰত্যক্ষ কৰা বুলি কোৱা হৈছে৷ ইয়াৰ পিছতে দেশখনত গুচি আৰু এডিডাছৰ ছাতিৰ বিৰুদ্ধে জনমত গঢ়ি উঠা দেখা গৈছে৷
লগতে পঢ়ক ৰক্ষকেই ভক্ষক! কিশোৰীক দলৱদ্ধ ধৰ্ষণ বন্ধুসহ আৰক্ষী কনিষ্টবলৰ
ইফালে এই সংস্কৰণ ছাতিৰ সন্দৰ্ভত বিজনেছ টুডে.ইন নামৰ প’ৰ্টেলত এখন প্ৰতিবেদন প্ৰকাশ পাইছে৷ প্ৰতিবেদনখনত কোৱা হৈছে যে চীনত গুচি আৰু এডিডাছে ১৬৪৪ৰ পৰা ১১,১০০ মাৰ্কিন ডলাৰ মূল্যৰ বিলাসী ছাতি বিক্ৰী কৰি আহিছে৷ কিন্তু পৰিতাপৰ কথাটো হৈছে যে এই বিলাসী ছাতিসমূহে বৰষুণক বাধা দিয়াত ব্যৰ্থ হৈছে আৰু এইবোৰ ৱাটাৰপ্ৰুফ নহয়৷
ইয়াৰ পিছতে গুচিয়ে স্পষ্টিকৰণ দিছে৷ প্ৰতিষ্ঠানটোৱে স্পষ্টীকৰণত কয় যে এই ছাতিসমূহ বৰষুণৰ পৰা ৰক্ষা কৰিবলৈ ৱাটাৰপ্ৰুফ নহয়, এইসমূহক সূৰ্যৰ ৰশ্মি অৰ্থাৎ ৰ’দ প্ৰতিৰোধী হিচাপেহে প্ৰস্তু কৰা হৈছে৷
ইফালে এডিডাছৰ প্ৰতিক্ৰিয়া বিচাৰি প্ৰতিষ্ঠানটোৰ সৈতে যোগাযোগৰ চেষ্টা কৰা হৈছিল যদিও কোনো সুফল পোৱা নাই৷ প্ৰতিবেদনখনত প্ৰকাশ পোৱা মতে এডিডাছৰ সৈতে যোগাযোগ কৰিবলৈ এতিয়াও সক্ষম হোৱা নাই পৰ্টেলখনে৷
লগতে পঢ়ক শ্ৰীলংকাৰ পিছতে পাল পাকিস্তানৰ! ইয়াৰ পিছত পাল কোন কোন ৰাষ্ট্ৰৰ?
উল্লেখ্য যে চীনত পশ্চিমীয়া দেশৰ প্ৰতিষ্ঠানসমূহৰ বিৰুদ্ধে এক শীতল ব্যৱসায়িক যুদ্ধ চলি আছে৷ বিশেষকৈ বিগত বৰ্ষত ৰাষ্ট্ৰপতি জিনপিঙে ‘সাধাৰণ সমৃদ্ধি’ৰ অভিযানেৰে দেশখনৰ প্ৰতিষ্ঠানসমূহে উৎপাদন তথা প্ৰস্তুত কৰা সামগ্ৰী ব্যৱহাৰ কৰিবলৈ দেশৰ জনসাধাৰণক আহ্বান কৰিছিল৷
এই অভিযানৰ মূল উদ্দেশ্য হৈছে যে পশ্চিমীয়া দেশসমূহৰ বিলাসী ব্ৰেণ্ডসমূহৰ আগ্ৰাসন ৰোধ কৰি দেশীয় প্ৰতিষ্ঠানসমূহক অগ্ৰাধিকাৰ দিয়া৷ ঠিক তেনে সময়তে পশ্চিমীয়া বিলাসী ব্ৰেণ্ড গুচি আৰু এডিডাছৰ ছাতিৰ বিৰুদ্ধে চীনৰ সংবাদ মাধ্যম আৰু সামাজিক মাধ্যমে সোচ্চাৰ হোৱাত পশ্চিমীয়া প্ৰতিষ্ঠানসমূহৰ ব্যৱসায়িকভাৱে ক্ষতিৰ সন্মুখীন হ’ব বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
