পঞ্জাৱ প্ৰদেশ কংগ্ৰেছ সভাপতি তথা প্ৰাক্তন ভাৰতীয় ক্ৰিকেটাৰ নৱজোৎ সি সিদ্ধুক এক হত্যাকাণ্ডৰ অপৰাধত ১ বছৰৰ কাৰাবাসৰ ৰায় প্ৰদান কৰিছে উচ্চতম ন্যায়ালয়ে৷
উল্লেখ্য দেশৰ একালৰ প্ৰসিদ্ধ ক্ৰিকেটাৰ তথা পঞ্জাৱ কংগ্ৰেছৰ সভাপতিগৰাকীয়ে কাৰাদণ্ডৰ ৰায় লাভ কৰাৰ লগে লগে সমগ্ৰ দেশতে তীব্ৰ চাঞ্চল্যৰ সৃষ্টি হৈছে৷
সদ্যসমাপ্ত পঞ্জাৱ বিধানসভাৰ নিৰ্বাচনত কংগ্ৰেছ দলক নেতৃত্ব দি পঞ্জাৱৰ মুখ্যমন্ত্ৰী হোৱাৰ সপোন দেখা নৱজোৎ সিং সিন্ধুৱে কিয় আৰু কেনেকৈ এবছৰৰ কাৰাদণ্ডৰ শাস্তি ৰায়ৰ লাভ কৰিলে সেয়া সমগ্ৰ দেশতে চৰ্চা লাভ কৰিছে৷ অৰ্থাৎ কি অপৰাধৰ বাবে দেশৰ উচ্চতম ন্যায়ালয়ে নৱজোৎ সিং সিদ্ধুক এবছৰৰ সশ্ৰম কাৰাদণ্ড দিলে?
লগতে পঢ়ক আৰক্ষীয়ে FIR পঞ্জীয়ন কৰা নাই নেকি? তেনে ক্ষেত্ৰত কি কৰিব আপুনি?
উচ্চতম ন্যায়ালয়ে ৩৪ বছৰ পুৰণি এটা হত্যাকাণ্ডৰ গোচৰত প্ৰাক্তন ক্ৰিকেটাৰ সিদ্ধুক কাৰাদণ্ড বিহিছে৷ কি আছিল এই গোচৰটো?
১৯৮৮ চনৰ এটা ৰোড ৰেজ গোচৰত কংগ্ৰেছ নেতা নৱজোৎ সিং সিদ্ধু অভিযুক্ত আছিল৷ অভিযোগ অনুসৰি ১৯৮৮ চনৰ ২৭ ডিচেম্বৰত সিদ্ধুৱে গুৰ্ণম সিং নামৰ এগৰাকী বৃদ্ধ মূৰত প্ৰহাৰ কৰি হত্যা কৰিছিল৷
ইফালে ৰোড ৰেজ গোচৰ বুলি জনাজাত উক্ত গোচৰত আত্মপক্ষৰ সমৰ্থনত সিদ্ধুৱে দাবী কৰিছিল যে ভুক্তভোগী লোকগৰাকীৰ আঘাতৰ বাবে মৃত্যুৰ হোৱা বুলি কোনো তথ্য প্ৰমাণ নাই।
লগতে পঢ়ক ৰক্ষকেই ভক্ষক! কিশোৰীক দলৱদ্ধ ধৰ্ষণ বন্ধুসহ আৰক্ষী কনিষ্টবলৰ
পঞ্জাৱ কংগ্ৰেছৰ প্ৰাক্তন মুৰব্বীগৰাকীক ১৯৯৯ চনৰ ১১ ছেপ্টেম্বৰত পাটিয়ালাৰ এখন সত্ৰ আদালতে উক্ত গোচৰৰ হত্যাৰ অভিযোগৰ পৰা নৱজোৎ সি সিদ্ধু আৰু তেওঁৰ সহযোগীক দোষমুক্ত কৰিছিল৷
কিন্তু নিম্ন আদালাতৰ এই ৰায়ৰ বিৰুদ্ধে ভুক্তভোগী পৰিয়ালে পঞ্জাৱ আৰু হাৰিয়ানা উচ্চ ন্যায়ালয়ত প্ৰত্যাহ্বান জনায়৷ ইয়াৰ পিছতে ২০০৬ চনত উচ্চ ন্যায়ালয়ে নৱজোৎ সিং সিদ্ধুক দোষী সাব্যস্ত কৰি তিনি বছৰৰ কাৰাদণ্ডৰ শাস্তি প্ৰদান কৰে।
পঞ্জাৱ আৰু হাৰিয়ানা উচ্চ সেই ৰায়ক প্ৰত্যাহ্বান জনাই সিদ্ধুৱে এইবাৰ উচ্চতম ন্যায়ালয়ৰ দ্বাৰস্থ হয় আৰু দেশৰ শীৰ্ষ ন্যায়ালয়ে বৃহস্পতিবাৰে নৱজোৎ সিং সিদ্ধুক উক্ত গোচৰত দোষী সাব্যস্ত কৰি ১ বছৰৰ সশ্ৰম কাৰাদণ্ডৰ ৰায় প্ৰদান কৰিছে৷
উক্ত ৰায়ৰ পিছতে ভাৰতৰ প্ৰাক্তন ক্ৰিকেটাৰ তথা পঞ্জাৱ কংগ্ৰেছৰ নেতাগৰাকীয়ে আদালতৰ মজিয়াতে আত্মসমৰ্পণ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ