মানৱেন্দ্ৰ কুমাৰ দাসঃ শ্বেয়াৰ বজাৰত এটা বহুল চৰ্চিত বিষয় হৈছে মাল্টিবেগাৰ ষ্টক৷ কিন্তু এই মাল্টিবেগাৰ ষ্টক সম্পৰ্কে বেছি ভাগৰে বিশেষ কোনো ধাৰণা নাথাকে, সেইবাবে এই বিষয়টো আলোচনা কৰিব বিচৰা হৈছে৷ মাল্টিবেগাৰ ষ্টক দৰাচলতে কি?
ইয়াৰ উত্তৰত ক’ব পাৰি যে, শ্বেয়াৰ বজাৰত কিছুমান সম্ভাৱনাপূৰ্ণ আৰু ভাল কোম্পানীৰ শ্বেয়াৰৰ দাম যথেষ্ট নিম্নগামী হয়৷ বহুক্ষেত্ৰত এনেও হয় যে শ্বেয়াৰটো প্ৰকৃত মূল্যতকৈও ইয়াৰ দাম কম থাকে৷ এনে অৱস্থাত এনে শ্বেয়াৰত আণ্ডাৰভেল্যু ষ্টক বুলি অভিহিত কৰা হয়৷ অৰ্থাৎ বাহ্যিক দৃষ্টিত এনে শ্বেয়াৰবোৰ মূল্যহীনসদৃশ হয়৷ অৱশ্যে তেনে কোম্পানীৰ ব্যৱসায়িক সম্ভাৱনীয়তাৰ প্ৰতি লক্ষ্য ৰাখি বহু পুঁজিপতি গোষ্ঠীয়ে বৃহৎ অংকৰ ধন বিনিয়োগ কৰে৷ তেতিয়া সেই নিৰ্দিষ্ট শ্বেয়াৰটোত অস্বাভাৱিক উত্থান হয়৷ এই উত্থানৰ হাৰ অকল্পনীয় আৰু অভাৱনীয় হ’ব পাৰে৷ মাল্টিবেগাৰ ষ্টকৰ পৰা এবছৰত উপাৰ্জন হোৱা ধনৰ পৰিমাণ জানিলে হতহম্ব হোৱাটোৱে স্বাভাৱিক৷ তেনে এক উদাহৰণ ইয়াত দিব বিচাৰিছো৷
লগতে পঢ়ক চুলিৰ যতন : ঘৰুৱা উপায়েৰে কেনেকৈ চুলিৰ ৰং কৰিব?
Cressanda Solutions Ltd. নামৰ কোম্পানীটো ২০২১ বৰ্ষত মাল্টিবেগাৰ ষ্টক হিচাপে চিহ্নিত হৈছে৷ এবছৰ পূৰ্বে Cressanda Solutions Ltd.. নামৰ কোম্পানীটোৰ এটা শ্বেয়াৰৰ দাম আছিল ৬০ পইচা(০.৬০ টকা)৷ আৰু এবছৰৰ ভিতৰত ইয়াৰ মূল্য ৩২.১৫ টকালৈ বৃদ্ধি হয়৷ এই বৃদ্ধিৰ হাৰ ৫২০০ শতাংশ৷ অৰ্থাৎ এবছৰ পূৰ্বে যদি কোনো লোকে এই কোম্পানীটোত ১০ হাজাৰ টকা বিনিয়োগ কৰিছিল, তেন্তে তেওঁৰ সেই ১০ হেজাৰ টকা বৃদ্ধি হৈ ৫ লাখ ৩০ হাজাৰ টকা হৈছিল৷ বিনিয়োগকাৰীয়ে ১০ হাজাৰ টকাৰ শ্বেয়াৰ কিনি এবছৰত লাভ কৰিছে ৫ লাখ ৩০ হাজাৰ টকা৷
গতিকে মাল্টিবেগাৰ ষ্টকত বা শ্বেয়াৰত বিনিয়োগ কৰিলে কম সময়ত কিমান লাভ অৰ্জন কৰিব পাৰি সেইটো সহজে অনুমেয়৷ অৱশ্যে মাল্টিবেগাৰ ষ্টকত ধন বিনিয়োগ কৰাৰ পূৰ্বে শ্বেয়াৰটো বা কোম্পানীটোৰ ব্যৱসায়িক সম্ভাৱনীয়তাৰ বিষয়ে ভালদৰে জানি ল’ব লাগিব৷ সাম্প্ৰতিক সময়ত দেশত অব্যাহত থকা মূল্যবৃদ্ধি আৰু মুদ্ৰাস্ফীতিৰ বাবে শ্বেয়াৰ বজাৰত বিক্ৰীৰ প্ৰৱণতা অধিক হৈছে৷ আৰু সেইবাবেই বেছিসংখ্যক শ্বেয়াৰৰ মূল্য যোৱা ২ মাহৰ পৰা একেৰাহে কমিবলৈ লৈছে৷ বহু কোম্পানীৰ শ্বেয়াৰৰ মূল্য আণ্ডাৰভেল্যু হিচাপে স্বীকৃত হৈছে৷
লগতে পঢ়ক পংকজ ত্ৰিপাঠী জীয়ৰীৰ নাম কি? আহক জানো পংকজ ত্ৰিপাঠীৰ কন্যাৰ বিষয়ে…
শ্বেয়াৰ বজাৰত এনে পতনৰ কাৰণে বহু ষ্টক মাল্টিবেগাৰ পৰ্যায়লৈ অৱনমিত হৈছে৷ ক’ভিডকালীন পৰিস্থিতিয়ে সৃষ্টি কৰা অৰ্থনৈতিক স্থবিৰতা আৰু মুদ্ৰাস্ফীতিৰ বাবে হোৱা অৰ্থনৈতিক অনিশ্চয়তাই ইয়াৰ মূল কাৰণ৷ কিন্তু তাৰ মাজতে মাল্টিবেগাৰ ষ্টকসমূহৰ সম্ভাৱনা যথেষ্ট উজ্জ্বল৷ প্ৰচুৰ সম্ভাৱনা থকা কেইটামান মাল্টিবেগাৰ ষ্টকৰ বিষয়ে ইয়াত উল্লেখ কৰা হ’ল৷
সেইসমূহৰ ভিতৰত Rubfila Internationals, Mold-Tech Technologies, Skipper Ltd., Mangalam Seeds আৰু Gokul Agro Resourcesৰ কথা ক’ব পাৰি৷
লগতে পঢ়ক হজৰত মহম্মদক অপমান! কোন এই সুন্দৰী নূপুৰ শৰ্মা? কিয় বিজেপিয়ে নিলম্বিত কৰিলে?
Rubfils Internationals নামৰ কোম্পানীটোত মূল ব্যৱসায় তাপৰোধী সূতা আৰু আৱৰণ তৈয়াৰ কৰা৷ ইয়াৰ বৰ্তমান এটা শ্বেয়াৰৰ দাম ৮৫.৬৫ টকা৷ Mold-Tech Technologies নামৰ কোম্পানীটোৰ এটা শ্বেয়াৰৰ দাম ১০২.৫৫ টকা৷ Mangalam Seeds নামৰ কোম্পানীটোৰ এটা শ্বেয়াৰৰ দাম ৯০.৮৫ টকা আৰু Gokul Agro Resources নামৰ কোম্পানীটোৰ এটা শ্বেয়াৰৰ বৰ্তমান মূল্য ১০৮.৩০ টকা৷ এই কেইটা কোম্পানীৰ শ্বেয়াৰক বৰ্তমান মাল্টিবেগাৰ হিচাপে চিহ্নিত কৰা হৈছে৷ আগন্তুক এবছৰৰ ভিতৰত অভাৱনীয় লাভ অৰ্জন কৰাৰ সুযোগ আহিব৷
ভাৰতীয় শ্বেয়াৰ বজাৰত এবছৰৰ ভিতৰত ৯০০ শতাংশ লাভ দিব পৰা মাল্টিবেগাৰ ষ্টকৰ সংখ্যা ৫০টাতকৈ অধিক বুলি শ্বেয়াৰ মাৰ্কেটৰ বিশেষজ্ঞসকলে মত প্ৰকাশ কৰিছে৷ ইতিমধ্যে বাচি উলিওৱা হৈছে প্ৰচুৰ সম্ভাৱনীয়তা থকা ৫০ টা মাল্টিবেগাৰ ষ্টক৷ অৰ্থাৎ এনে ষ্টকত এক লাখ বিনিয়োগ কৰিলে ১ বছৰত ১০ লাখৰো অধিক টকাৰ লাভ হোৱাৰ সম্ভাৱনা আছে৷ ইয়াৰ পৰৱৰ্তী লেখাত মাল্টিবেগাৰ ষ্টকসমূহৰ এক তালিকা উল্লেখ কৰা হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
