আল্লু অৰ্জুন আৰু ৰশ্মিকা মন্দনা অভিনীত দক্ষিণৰ চিনেমা পুষ্পাই ‘লাভ’, ‘একচন’ আৰু ‘ড্ৰামা’ৰ উপাদানৰে বক্স অফিচত ধুমুহাৰ সৃষ্টি কৰিছিল। ছবিখন মুক্তি পোৱাৰ ৬ মাহৰ ভিতৰতে চিনে পাৰাত এক নতুন চাঞ্চল্যৰ সৃষ্টি হৈছে।
প্ৰকাশিত খবৰৰ মতে ‘পুষ্পা’ৰ ছিকুৱেল নিৰ্মাণ কৰা হ’ব। ইয়াৰ পিছতে পুনৰ আল্লু অৰ্জুন, ৰশ্মিকা আৰু ফহাদ ফচিল পুনৰ চৰ্চাৰ তুংগত উঠিছে। কিন্তু, তাৰ মাজতে এটা খবৰে বিশেষভাৱে চৰ্চা লাভ কৰিছে৷ সেয়া হৈছে যে ‘পুষ্পা ২’ত দক্ষিণ জনপ্ৰিয় অভিনেত্ৰী ৰশ্মিকা মন্দনাক আৰু দেখা পোৱা নাযাব! ছিকুৱেলত পুষ্পাৰ এটা চৰিত্ৰৰ মৃত্যু ঘটিব আৰু সেইটো ৰশ্মিকাৰ চৰিত্ৰটো বুলি চৰ্চা লাভ কৰিছে।
লগতে পঢ়ক ব্লেক টিয়ে ওজন হ্ৰাস কৰে নে? শৰীৰৰ বাবে ই কিমান উপকাৰী? জানিবলৈ চাওক…
মুম্বাই নিউজ এজেন্সীৰ মতে, ছবিখনত ৰশ্মিকাৰ চৰিত্ৰ ‘শ্ৰীবল্লী’ৰ মৃত্যু হ’ব পাৰে। আৰু এই খবৰটো প্ৰচাৰ হোৱাৰ পিছতে ৰশ্মিকা অনুৰাগীসকলক হতাশ কৰি তুলিছে।
এই খবৰটো প্ৰকৃততে সঁচা নেকি? প্ৰযোজক ৱাই ৰবি শংকৰে এই সন্দৰ্ভত মুখ খুলিছে। তেওঁ কয় যে ‘‘পুষ্প ২ত ৰশ্মিকাই অভিনয় কৰা ‘শ্ৰীবল্লী’ চৰিত্ৰটোৰ মৃত্যুৰ খবৰটো সম্পূৰ্ণ উৰাবাতৰি।”
লগতে পঢ়ক সাধাৰণ অস্ত্ৰোপচাৰতে মৃত্যু কোন সুন্দৰী মডেলৰ? আপুনিও হওক অতি সাৱধান!
প্ৰযোজকগৰাকীয়ে ছিকুৱেলৰ প্ৰসংগত আৰু কয়, “চিনেমাখনৰ কাহিনী এতিয়াও সম্পূৰ্ণৰূপে গঠিত হোৱা নাই। সকলো কথা এতিয়াও আলোচনাৰ পৰ্যায়ত আছে। এতিয়ালৈকে যিখিনি লিখা হৈছে, সেই সকলোবোৰেই কল্পকাহিনী। তাৰ কোনোটোৱেই সঁচা নহয়।’’
যদি আছে, তেন্তে দৰ্শকে পুনৰ পৰ্দাত শ্ৰীবল্লীক দেখিবনে? প্ৰযোজকৰ দাবী চাবই লাগিব। আগষ্ট মাহৰ আৰম্ভণিৰ পৰা ছবিখনৰ আৰম্ভ হ’ব শ্বুটিং। চূড়ান্ত পৰ্যায়ৰ প্ৰস্তুতি এতিয়া অব্যাহত আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
