বিগত প্ৰায় দুটা দশক আমূল পৰিৱৰ্তন আৰু বিকাশ সাধন কৰা বুলি দাবী কৰি অহা ৰাজ্যৰ স্বাস্থ্য খণ্ডৰ প্ৰকৃত তথা ফোঁপোলা স্বৰূপটো নগ্নৰূপত ওলাই পৰা দেখা গৈছে৷
ডিব্ৰুগড়ৰ লেপেটকটা চাহ বাগিচাৰ কলঘৰৰ দুৰ্ঘটনাত গুৰুতৰভাৱে আঘাতপ্ৰাপ্ত হোৱা শ্ৰমিক মইনা নায়কে ৰাজ্যৰ স্বাস্থ্য খণ্ডৰ এই ফোঁপোলা স্বৰূপটোক প্ৰমাণ কৰে দেখুওৱালে৷
অতি গুৰুতৰভাৱে আঘাত মইনা নায়কক প্ৰথমতে ডিব্ৰুগড়স্থিত অসম চিকিৎসা মহাবিদ্যালয় আৰু চিকিৎসালয়ত ভৰ্তি কৰোৱা হৈছিল যদিও শল্য চিকিৎসকৰ অভাৱৰ বাবে গুৱাহাটী চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হয়৷
লগতে পঢ়ক কি কি খাদ্য খালে পুৰুষৰ শুক্ৰাণুৰ সংখ্যা বৃদ্ধি হয়?
মৃত্যুৰ সৈতে যুঁজি থকা মইনা নায়কক এখন সাধাৰণ মানৰ এম্বুলেঞ্চেৰে ডিব্ৰুগড়ৰ AMCH ৰপৰা GMCHলৈ প্ৰেৰণ কৰা হয়৷
উল্লেখ্য যে বৃহস্পতিবাৰে ডিব্ৰুগড়ৰ লেপেটকটা চাহ বাগিচাৰ শ্ৰমিক মইনা নায়ক কলঘৰৰ চিটিচি মেচিনৰ তলত ঝাড়ু মাৰি থাকোতে চাহপাত শুকোৱা মেচিনত সোমাই পৰিছিল। মেচিনে মইনা নায়কৰ মূৰৰ চুলি এৰুৱাই নিয়াৰ বাবে লাওখোলা উলাই যোৱা লগতে এখন হাতৰ হাড়ৰো ভাঙি যায়৷
ইফালে বাগিচা কৰ্তৃপক্ষই শ্ৰমিকৰ ক্ষেত্ৰত সতৰ্কতামূলক অৱলম্বন নকৰাৰ বাবেই এই ঘটনাটো সংঘটিত হোৱাৰ অভিযোগ উত্থাপন হৈছে৷
লগতে পঢ়ক এই যুৱকেৰে সাক্ষাৎ হ’লেই গৰ্ভৱতী হয় নাৰী! ৯০০ সন্তানৰ পিতৃ ৩৭ বছৰীয়া এই যুৱক!
আনহাতে, দুৰ্ঘটনাটো সংঘটিত হোৱাৰ পাছত মইনা নায়কৰ চিকিৎসাৰ ক্ষেত্ৰত বাগিচাৰ কৰ্তৃপক্ষৰ লগতে ৰাজ্য চৰকাৰেও অৱহেলা কৰাৰ অভিযোগ উত্থাপন হৈছে৷
বাৰ্থ ৰূমত পৰি মূৰত আঘাত পোৱা কণ্ঠশিল্পী জুবিন গাৰ্গক এয়াৰ এম্বুলেঞ্চেৰে গুৱাহাটীলৈ প্ৰেৰণ কৰাৰ বিপৰীতে গুৰুতৰভাৱে আঘাতপ্ৰাপ্ত হৈ মৃত্যুৰে যুঁজি থকা মইনা নায়কক এখন সাধাৰণ মানৰ এম্বুলেঞ্চেৰে গুৱাহাটীলৈ প্ৰেৰণ কৰাটোক ৰাজ্যৰ জনতাই সহজভাৱে গ্ৰহণ কৰিব পৰা নাই৷
ইতিমধ্যে সামাজিক মাধ্যমত নেট-নাগৰিকে ৰাজ্য চৰকাৰ আৰু বাগিচাৰ কৰ্তৃপক্ষৰ বিৰুদ্ধে ক্ষোভ ব্যক্ত কৰা দেখা গৈছে৷
নেট-নাগৰিকে মইনা নায়কৰ ন্যায়ৰ বাবে এক জনমত গঠনৰ প্ৰয়াস কৰা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
