এগৰাকী সুন্দৰীৰ যুৱতীৰ বাসগৃহৰ পৰা নগদ ২০ কোটি ধন উদ্ধাৰ হোৱা ঘটনাই সমগ্ৰ দেশজুৰি ব্যাপক চাঞ্চল্যৰ সৃষ্টি হৈছে৷
উল্লেখ্য যে কিছুদিন পূৰ্বৰ পশ্চিমবংগৰ শিক্ষা মন্ত্ৰী পাৰ্থ চেটাৰ্জীৰ অতি ঘনিষ্ঠ এগৰাকী সুন্দৰী যুৱতীৰ বাসগৃহৰ পৰা এনফ’ৰ্ছমেণ্ট ডাইৰেক্টৰেটে ২০ কোটি টকা নগদ ধন উদ্ধাৰ কৰিছিল৷ এই সুন্দৰী যুৱতীগৰাকী হৈছে পশ্চিমবংগৰ প্ৰাক্তন শিক্ষামন্ত্ৰী বৰ্তমানৰ উদ্যোগ আৰু বাণিজ্য মন্ত্ৰী পাৰ্থ চেটাৰ্জীৰ অতি ঘনিষ্ঠ অৰ্পিতা মুখাৰ্জী৷
অৰ্পিতা মুখাৰ্জীৰ বাসগৃহৰ পৰা এই বিশাল ধনৰাশি উদ্ধাৰ কৰাৰ পিছে EDএ পশ্চিমবংগৰ প্ৰতাপী মন্ত্ৰী পাৰ্থ চেটাৰ্জীকো গ্ৰেপ্তাৰ কৰিছে৷ EDএ পশ্চিমবংগৰ শিক্ষক নিযুক্তি কেলেংকাৰীৰ সৈতে জড়িত থকাৰ অভিযোগত মন্ত্ৰী পাৰ্থ চেটাৰ্জীক গ্ৰেপ্তাৰ কৰিছে।
লগতে পঢ়ক স্বামী-স্ত্ৰীৰ বিবাদ নিষ্পতি কৰা বন্ধুৱে ধৰ্ষণ কৰিলে বন্ধু পত্নীক, ইয়াৰ পিছত হ’ল কি?
অৰ্পিতা মুখাৰ্জীৰ ঘৰৰ পৰা জব্দ কৰা বিশাল ধনৰাশি বিদ্যালয় সেৱা আয়োগৰ শিক্ষক নিযুক্তি কেলেংকাৰিৰ সৈতে জড়িত বুলি সন্দেহ প্ৰকাশ কৰিছে ইডি-এ।
এই বিশাল ধনৰাশি জব্দ কৰাৰ পিছতে অৰ্পিতা মুখাৰ্জীৰ নাম চৰ্চালৈ আহিছে। জব্দ কৰা নগদ ধন গণনা কৰিবলৈ ইডিৰ বিষয়াসকলে বেংকৰ বিষয়াসকলক মাতিব লগা হৈছিল। এই অভিযানত ইডিয়ে অৰ্পিতা মুখাৰ্জীৰ ঘৰৰ পৰা নগদ ধনৰ সৈতে ২০ টামান মোবাইল জব্দ কৰিছে।
SSC কেলেংকাৰি সংঘটিত হোৱাৰ সময়ত চেটাৰ্জী আছিল পশ্চিমবংগৰ শিক্ষামন্ত্ৰী। শুকুৰবাৰে ইডিয়ে চেটাৰ্জীৰ অতি ঘনিষ্ঠ অৰ্পিতা মুখাৰ্জীৰ ডাইমণ্ড চিটি কমপ্লেক্সত থকা ঘৰত অভিযান চলাই স্তম্ভিত হৈ পৰে। অৰ্পিতা মুখাৰ্জীৰ উপৰিও ইডিয়ে ৰাজ্যিক মন্ত্ৰী পৰেশ চি অধিকাৰী আৰু বিধায়ক মানিক ভট্টাচাৰ্যৰ লগতে আন একাংশ ব্যক্তিকো জেৰা কৰিছে।
লগতে পঢ়ক ভেৰাৰ পোৱালিৰ প্ৰাণৰক্ষা কৰি মৃত্যু কুকুৰাৰ, ১৩ দিনীয়া শোক পালন গৰাকীৰ
উল্লেখ্য যে অৰ্পিতাৰ ঘৰত উদ্ধাৰ হোৱা ২০০০ আৰু ৫০০ টকীয়া নোটৰ ফ’টোৰ পিছত অৰ্পিতাৰ বিষয়ে বাতৰি আৰু তথ্য বিচাৰি ফুৰা লোকৰ সংখ্যা বৃদ্ধি পাইছে। ছ’চিয়েল মিডিয়াতো ব্যাপক চৰ্চা চলিছে।
অৰ্পিতা মুখাৰ্জী কোন?
পাৰ্থ চেটাৰ্জীৰ অতি ঘনিষ্ঠ অৰ্পিতা পেছাত এগৰাকী অভিনেত্ৰী আৰু মডেল। তেওঁ ওড়িয়া ভাষাৰ চলচ্চিত্ৰত অভিনয় কৰিছে। তামিল ছবিতো তেওঁ কাম কৰিছে। বাংলা ছবিৰ ভিতৰত অৰ্পিতাই মামা-ভাঞ্জে, পাৰ্ত্ৰন আদি ছবিত অভিনয় কৰিছে।
শেহতীয়াকৈ অনুষ্ঠিত হোৱা বিধানসভা নিৰ্বাচনৰ সময়ত বেহালা পশ্চিম মধ্য বিধানসভা সমষ্টিত পাৰ্থ চেটাৰ্জীৰ সৈতে প্ৰচাৰ চলোৱা দেখা গৈছিল। যোৱা কেইবছৰমানৰ পৰা দক্ষিণ কলকাতাৰ এটা বিলাসী ফ্লেটত বসবাস কৰি আহিছে এই অৰ্পিতা মুখাৰ্জীয়ে।
লগতে পঢ়ক আকৌ কি জগৰ লগালে অভিনেতা চলমানে? উপস্থিত হ’ল আৰক্ষী আয়ুক্তৰ কাৰ্যালয়ত
ৰাজনৈতিক অনুষ্ঠানটো প্ৰায়ে অৰ্পিতা আৰু পাৰ্থ চেটাৰ্জীক একেলগে দেখা গৈছিল। জানিব পৰা মতে, উজনি কলকাতাৰ এখন জনপ্ৰিয় দুৰ্গা পূজা সমিতিৰ অনুষ্ঠানত দুয়োৰে প্ৰথমবাৰৰ বাবে সাক্ষাৎ হয়।
ইডিৰ বিষয়াসকলে অৰ্পিতাৰ ঘৰৰ পৰা বৃহৎ পৰিমাণৰ নগদ ধন উদ্ধাৰ কৰাৰ পিছতে ইডিয়ে যোৱা শুকুৰবাৰৰ পৰা পাৰ্থৰ মুখাৰ্জীৰ সৈতে জড়িত মুঠ ১৩ টা সম্পত্তিৰ বিৰুদ্ধেও অভিযান আৰম্ভ কৰিছে।
পশ্চিম বংগত সংঘটিত এছ এছ চি কেলেংকাৰিত চৰকাৰী আৰু সাহায্যপ্ৰাপ্ত বিদ্যালয়ত অবৈধ নিযুক্তি দিয়াৰ অভিযোগ উত্থাপন হৈছে। গোচৰটো আদালতলৈ যোৱাৰ পাছত কলিকতা উচ্চ ন্যায়ালয়ে চিবিআইৰ জৰিয়তে এই কেলেংকাৰিৰ তদন্তৰ নিৰ্দেশ দিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
