মহাৰাষ্ট্ৰৰ নাগপুৰ জিলাত এমাহত এগৰাকী ১১ বছৰীয়া কিশোৰীক কেইবাবাৰো দলবদ্ধ ধৰ্ষণ কৰা হৈছিল। ইতিমধ্যে আৰক্ষীয়ে ঘটনা সন্দৰ্ভত ৯ জন লোকক গ্ৰেপ্তাৰ কৰিছে। এজন আৰক্ষী বিষয়াই প্ৰকাশ কৰা মতে ১৯ জুনৰ পৰা ১৫ জুলাইৰ ভিতৰত নাগপুৰ চহৰৰ পৰা প্ৰায় ৬০ কিলোমিটাৰ দূৰত্বৰ এখন চহৰত এই ঘটনা সংঘটিত হৈছিল।
আৰক্ষীয়ে প্ৰকাশ কৰা মতে, অভিযুক্তসকল হৈছে ৰোশন কৰগাঁওকাৰ (২৯) আৰু তেওঁৰ বন্ধু গজনন মুৰ্স্কাৰ (৪০), প্ৰেমদাস গাথবন্ধে (৩৮), ৰাকেশ মহাকালকাৰ (২৪), গোবিন্দ নাটে (২২), সৌৰভ ওৰফে কৰণ ৰিথে (২২), নিতেশ ফুকত (৩০), প্ৰদ্যুম্ন কৰুটকাৰ (২২) আৰু নিখিল ওৰফে পিংকু নাৰুলে (২৪)।
আৰক্ষী বিষয়াগৰাকীয়ে কয় যে, ‘‘১৯ জুনত কৰগাঁওকাৰে কিশোৰীগৰাকীৰ ঘৰলৈ গৈছিল। তেওঁ কিশোৰীগৰাকীক তেওঁৰ ঘৰলৈ লৈ যায়। তাৰ পিছত কিশোৰীগৰাকীয়ে কৰগাঁওকাৰৰ সৈতে তেওঁৰ ঘৰলৈ যায়, য’ত তেওঁ আৰু তেওঁৰ বন্ধু মুৰ্স্কাৰে কিশোৰীগৰাকীক ধৰ্ষণ কৰে।’’
লগতে পঢ়ক শিশুৰ স্বাভাৱিক অভিভাৱক হ’ল মাতৃ, আছে উপাধি নিৰ্ণয়ৰো সম্পূৰ্ণ অধিকাৰ
বিষয়াগৰাকীয়ে জানিবলৈ দিয়া মতে, অভিযুক্তই ছোৱালীজনীক কিছু টকা দিয়াৰ লগতে এই বিষয়ে কাকো নক’বলৈ ভাবুকি প্ৰাদন কৰি আহিছিল। ইয়াৰ কিছুদিন পিছতে কৰগাঁওকাৰৰ ঘৰত আন তিনিজন লোকে নাবালিকাগৰাকীক ধৰ্ষণ কৰে।
আৰক্ষীয়ে প্ৰকাশ কৰা মতে, ১৫ জুলাইত মুৰ্স্কাৰ, গাঠবন্ধে আৰু তেওঁৰ দুজন বন্ধুৱে কিশোৰীগৰাকীক ভাবুকি দি পুনৰ ধৰ্ষণ কৰিছিল।
ভাৰতীয় দণ্ডবিধি (আই পি চি)ৰ ধাৰা ৩৭৬(ঘ) (গণ ধৰ্ষণ), ৩৭৬(২)(ন) (একেগৰাকী মহিলাক বাৰে বাৰে ধৰ্ষণ কৰা), ৫০৬ (অপৰাধমূলক ভয়-ভাবুকি) আৰু শিশুক যৌন অপৰাধৰ পৰা ৰক্ষা কৰা (POCSO)ৰ আইনৰ অধীনত অপৰাধ পঞ্জীয়ন কৰি আৰক্ষীয়ে তদন্ত অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
