এক আজৱ ঘটনা সংবাদ মাধ্যমৰ পোহৰলৈ আহিছে৷ ঘটনাৰ বিৱৰণীৰ মতে এগৰাকী ৮৭ বছৰীয়া বৃদ্ধাই অভয়ম হেল্পলাইন ১৮১ নম্বৰলৈ ফোন কৰি এক আচৰিত অভিযোগ দাখিল কৰে৷ অভয়ম হেল্পলাইন নম্বৰত বৃদ্ধাগৰাকীৰ অনুৰোধ শুনি চৰকাৰী বিষয়াসকল বাকৰুদ্ধ হৈ পৰিছে।
প্ৰকাশিত খবৰ মতে ৮৭ বছৰীয়া বৃদ্ধাগৰাকীৰয়ে ১৮১ নম্বৰত ফোন কৰি কয় যে ৮৯ বছৰীয়া তেওঁৰ স্বামীৰ যৌন উত্তেজনা তথা প্ৰয়োজনীয়তা অতি বেছি যাৰ বাবে তেওঁ ভাগৰি পৰাৰ লগতে অতিষ্ঠ হৈ পৰিছে৷
এগৰাকী চৰকাৰী বিষয়াই সংবাদ মাধ্যমক জনোৱা মতে, বৃদ্ধাগৰাকী প্ৰায়ে অসুস্থ হৈ থাকে; সেয়ে তেওঁ স্বামীৰ যৌন প্ৰয়োজনীয়তা পূৰণ কৰিব নোৱাৰে। তথাপিও স্বামীয়ে তেওঁক সদায় জোৰ কৰি যৌন সম্পৰ্ক স্থাপন কৰি আহিছে।
লগতে পঢ়ক সৰ্বাধিক বিবাহেৰে বিশ্ব ৰেকৰ্ড! ৩১ বাৰ বিবাহ কৰাইও কিয় মন নভৰিল গ্লীন উলফৰ?
বিষয়াগৰাকীয়ে লগতে আৰু কয় যে এবছৰ আগলৈকে দম্পতীহালৰ মাজত শাৰীৰিক সম্পৰ্কক লৈ কোনো ধৰণৰ বিবাদ তথা সমস্যাৰ সৃষ্টি হোৱা নাছিল৷ সিহঁতৰ মাজত সকলোবোৰ ঠিকেই চলি আহিছিল। কিন্তু এবছৰ ধৰি বৃদ্ধাগৰাকী যথেষ্ট অসুস্থ হৈ পৰিছে, তেওঁ প্ৰায়ে বিচনাত পৰি থাকে। পুত্ৰৰ সহায় অবিহনে তেওঁ খোজ কাঢ়িব নোৱাৰা অৱস্থা হৈছে।
বৃদ্ধাগৰাকীৰ এই শাৰীৰিক অসুস্থতাৰ বিষয়ে সকলো জানিও স্বামীয়ে বৃদ্ধাগৰাকীৰ সৈতে জোৰ কৰি যৌন সম্পৰ্ক স্থাপন কৰি আহিছে।
জানিব পৰা মতে বৃদ্ধাগৰাকীৰ স্বামী এজন অৱসৰপ্ৰাপ্ত অভিযন্তা। পত্নীয়ে শাৰীৰিক সম্পৰ্কত সন্মতি নিদিলে হঠাতে তেওঁৰ আচৰণ সলনি হয়। তেওঁ পত্নী আৰু পুত্ৰক চিঞৰিবলৈ ধৰে যাৰ ফলত প্ৰতিবেশীসকলৰো শান্তি বিঘ্নিত হয়। সেয়ে বৃদ্ধাগৰাকীয়ে অভয়মৰ হেল্পলাইন নম্বৰ ১৮১ত ফোন কৰি সহায় বিচাৰিবলৈ বাধ্য হৈ পৰে৷
লগতে পঢ়ক কেৱল কংগ্ৰেছৰ যুৱৰাজ ৰাহুলে গান্ধীয়েই নিপিন্ধে! মন্ত্ৰী পীয়ুষেও পিন্ধে ৩৭ হাজাৰ টকীয়া দামী ছাৰ্ট
বৃদ্ধাগৰাকীৰ অভিযোগৰ প্ৰতি সঁহাৰি জনাই অভয়মৰ সদস্যসকলে স্বামীগৰাকীক পৰামৰ্শ দিবলৈ আৰম্ভ কৰিছে। মানসিক সন্তুষ্টিৰ বাবে তেওঁক যোগাসন আৰু প্ৰাণায়াম কৰিবলৈ পৰামৰ্শ দিয়া হৈছে। অভয়মৰ সদস্যসকলে কয় যে ব্যক্তিজনক আৰু অধিক কাউন্সেলিংৰ প্ৰয়োজন হ’ব। তেওঁক যৌন ৰোগ বিশেষজ্ঞ তথা অভিজ্ঞতা থকা মনোবিজ্ঞানীৰ পৰা পৰামৰ্শ গ্ৰহণ কৰিবলৈ দিয়া হৈছে।
উল্লেখ্য যে ১৮১-এটা ইউনিভাৰ্চেল হেল্পলাইন নম্বৰ য’ত বিপদত পৰা মহিলাসকলে মাত্ৰ এটা ফোনতে চিকিৎসা, আশ্ৰয়, আইনী পৰামৰ্শ আদি বিভিন্ন সুবিধা লাভ কৰিব পাৰে। শাৰীৰিক আৰু মানসিক নিৰ্যাতনৰ বলি হোৱা মহিলাসকলক সহায় কৰাৰ বাবে চৰকাৰী পদক্ষেপ হিচাপে অভয়ম হেল্পলাইন নম্বৰ মুকলি কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
