পুৱাতেই উঠি মাৰ যায় বিয়লি বান্ধোনতে ঘূৰে বেলি। বান্ধোন বেলিয়েও ভাঙে। পুৱাতেই উঠি বিয়লি মাৰ যোৱাৰ এই প্ৰক্ৰিয়া কোনো কোনো ঠাইত পৃথক হয়। নিশাৰ সংজ্ঞা চিনি নোপোৱা এনে বহু ঠাই পৃথিৱীতেই আছে।
আমি ২৪ ঘণ্টাক এটা সম্পূৰ্ণ দিন বুলি কওঁ। ইয়াৰে ১২ ঘণ্টা দিন আৰু ১২ ঘণ্টা ৰাতি। সূৰ্য অস্ত যোৱাৰ লগে লগেই নিশা নামি আহে। কিন্তু পৃথিৱীত এনে কিছু ঠাই আছে য’ত ৭০ দিনতকৈ অধিক সময় সূৰ্য অস্ত নাযায়। অৰ্থাৎ ৭০ দিনলৈ সেই ঠাইত নিশা নহয়। এটা-দুটা নহয় ৬ টাকৈ এনে ঠাই আছে পৃথিৱীত। ক’ত ক’ত আছে এই ৬ টা অঞ্চল?
নৰৱে, আৰ্কটিক চক্ৰত অৱস্থিত নৰৱেক মাজনিশাৰ সূৰ্যৰ দেশ বুলি কোৱা হয়। ইয়াত মে’ মাহৰ শেষৰ পৰা জুলাই মাহলৈ ৭৬ দিনৰ বাবে সূৰ্য অস্ত নাযায়। নৰৱেৰ চালবাৰ্ডত ১০ এপ্ৰিলৰ পৰা ২৩ আগষ্টলৈ নিৰন্তৰ সূৰ্যৰ পোহৰ পৰি থাকে। নৰৱেত এই সময়ত বিভিন্ন ঠাইৰ পৰা পৰ্যটক অহাও পৰিলক্ষিত হয়।
লগতে পঢ়ক কেৱল কংগ্ৰেছৰ যুৱৰাজ ৰাহুলে গান্ধীয়েই নিপিন্ধে! মন্ত্ৰী পীয়ুষেও পিন্ধে ৩৭ হাজাৰ টকীয়া দামী ছাৰ্ট
নুনাভুট কানাডাৰ উত্তৰ-পশ্চিম অঞ্চলত অৱস্থিত এখন সুন্দৰ ঠাই। এই অঞ্চলটো আৰ্কটিক চক্ৰৰ পৰা প্ৰায় দুই ডিগ্ৰী ওপৰত অৱস্থিত। নুনাভুটত প্ৰায় দুমাহ সময় ২৪ ঘণ্টাই সূৰ্যৰ পোহৰ পৰে ইয়াৰ বিপৰীতে শীতকালত এই ঠাইখনত একেৰাহে ৩০ দিন সম্পূৰ্ণ অন্ধকাৰ হৈ থাকে।
ইউৰোপৰ সৰ্ববৃহৎ দ্বীপ আইচলেণ্ড একমাত্ৰ দেশ য’ত এটাও ম’হ নাই। গ্ৰীষ্মকালত আইচলেণ্ডত ৰাতি নহয়। এই দ্বীপত জুন মাহত কেতিয়াও সূৰ্য অস্ত নাযায়। মাজনিশা সূৰ্য চাবলৈ এই স্থানলৈ বহু পৰ্যটক অহাও পৰিলক্ষিত হয়।
লগতে পঢ়ক কেৱল কংগ্ৰেছৰ যুৱৰাজ ৰাহুলে গান্ধীয়েই নিপিন্ধে! মন্ত্ৰী পীয়ুষেও পিন্ধে ৩৭ হাজাৰ টকীয়া দামী ছাৰ্ট
আলাস্কাৰ বেৰোত মে’ মাহৰ শেষৰ পৰা জুলাইৰ শেষলৈ সূৰ্য অস্ত নাযায়। কিন্তু নৱেম্বৰৰ আৰম্ভণিৰ পৰা ৩০ দিনৰ বাবে সূৰ্য উদয় নহয়। এনেদৰে সূৰ্য উদয় নোহোৱাক পোলাৰ নাইট বুলি কোৱা হয়। শীতৰ সময়ছোৱাত সমগ্ৰ দেশ অন্ধকাৰত ডুব যায়। বৰফৰে আবৃত পৰ্বত আৰু মনোমোহা হিমবাহৰ বাবে আলাস্কাৰ এই অঞ্চলটোলৈ গ্ৰীষ্ম বা শীতকালত ভ্ৰমণ কৰিব পাৰি।
মে’ মাহৰ আৰম্ভণিৰ পৰা আগষ্ট মাহৰ শেষলৈকে চুইডেনত মাজনিশা সূৰ্যাস্ত আৰু প্ৰায় ৪ বজাত সূৰ্যোদয় হয়। একেৰাহে ৬ মাহৰ বাবে সূৰ্যৰ পোহৰ আৰু ৰ’দ থাকে। অৰ্থাৎ এই ৬ মাহ সূৰ্য অস্ত নোযোৱাৰ দৰেই। এই সময়ছোৱাত চুইডেনবাসীয়ে দুঃসাহসিক কাৰ্যকলাপ, গল্ফ, মাছ ধৰা, ট্ৰেকিং ট্ৰেইল আদি কামত নিজকে জড়িত কৰি ৰাখে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
