অসম লাইভ ২৪ঃ কাইলৈ (৯ নৱেম্বৰ) পাকিস্তান আৰু নিউজিলেণ্ডৰ মাজত টী-২০ বিশ্বকাপৰ প্ৰথমখন ছেমিফাইনেল৷ ১০ নৱেম্বৰত ভাৰত আৰু ইংলেণ্ডৰ দ্বিতীখন ছেমিফাইনেল৷ ইয়াৰে বিজিত দল দুটাই ১৩ নৱেম্বৰত টী-২০ বিশ্বকাপৰ ফাইনেল খেলিব৷ এতিয়া প্ৰশ্ন হয় ছেমিফাইনেলত যদি বৰষুণে বিধিপথালি দিয়ে, তেনেহ’লে ফাইনেলত এণ্ট্ৰী কেনেকৈ হ’ব? প্ৰথম ছেমিফাইনেল অনুষ্ঠিত হ’ব নিউজিলেণ্ড বনাম পাকিস্তান৷ নিউজিলেণ্ডে ৭ পইণ্টেৰে তালিকাৰ দ্বিতীয় স্থানত আছে আৰু পাকিস্তানৰ পইণ্ট হ’ল ৬৷ তেনেক্ষেত্ৰত প্ৰথম ছেমিফাইনেলখন বাতিল হ’লে দুয়োটা দলে ১ পইণ্টকৈ লাভ কৰিব৷ তেতিয়া নিউজিলেণ্ডৰ পইণ্ট হ’ব ৮ আৰু পাকিস্তানৰ পইণ্ট হ’ব ৭৷ তেনেক্ষেত্ৰত ফাইনেলত এণ্ট্ৰী কৰিব নিউজিলেণ্ডে৷ ইপিনে দ্বিতীয়খন ছেমিফাইনেল অনুষ্ঠিত হ’ব ভাৰত বনাম ইংলেণ্ড৷ ভাৰতে ৮ পইণ্টেৰে তালিকাৰ শীৰ্ষস্থানত আছে আৰু ইংলেণ্ডৰ পইণ্ট হ’ল ৭৷ তেনেক্ষেত্ৰত প্ৰথম ছেমিফাইনেলখন বাতিল হ’লে দুয়োটা দলে ১ পইণ্টকৈ লাভ কৰিব৷ তেতিয়া ভাৰতৰ পইণ্ট হ’ব ৯ আৰু ইংলেণ্ডৰ ৮৷ তেনেক্ষেত্ৰত ফাইনেলত এণ্ট্ৰী কৰিব ভাৰতে৷ অৱশ্যে তেনে হোৱা আশা ক্ষীণ৷ বৰষুণৰ বাবে ছেমিফাইনেলৰ মেচ বাতিল হ’লেও ‘ৰিজাৰ্ভ ডে’ত খেল অনুষ্ঠিত হ’ব৷ কিন্তু তেনে কোনো সম্ভাৱনাৰ প্ৰতি লক্ষ্য ৰাখিয়েই ICCএ ‘ৰিজাৰ্ভ ডে’ ৰাখি থৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
