অসম লাইভ ২৪ঃ পাইলছ এটি গুৰুতৰ অসুখ। এই ৰোগত আক্ৰান্ত হ’লে ৰোগীৰ শৰীৰত বিভিন্ন সমস্যাই দেখা দিয়ে। সম্পূৰ্ণৰূপে এই ৰোগ নিৰ্মূল কৰিব পৰা যায়নে? এই ৰোগত আক্ৰান্ত ৰোগীয়ে কেনে খাদ্য গ্ৰহণ কৰিব লাগে সেই সম্পৰ্কে চিকিৎসকে দিছে বিশেষ খাদ্যৰ তালিকা। কেইবিধমান ফলে এই ৰোগীৰ বাবে মহৌষধৰ কাম কৰে।
দৈনিক কল খাওক
দৈনন্দিন কল খোৱাটো পাইলচ ৰোগীৰ বাবে মহৌষধ। এই ফলত বহু পৰিমানে ডায়েটৰী ফাইবাৰ থাকে। ফাইবাৰে শৰীৰক সুস্থ ৰখাত সহায় কৰে। বাউৱেল মুভমেণ্ট ঠিক ৰখাত সহায় কৰে। কল খালে দেহত প্ৰয়োজনীয় শক্তি পোৱা যায়। ইয়াৰোপৰি কলত পটাছিয়াম, ভিটামিন চি, মেগনেছিয়াম আদি থাকে। অৰ্শ ৰোগ থাকিলে দৈনিক এটা বা দুটাকৈ কল কোৱাটো শৰীৰৰ বাবে উপকাৰী।
আনাৰসে পাইলছ দুৰীকৰণত সহায় কৰে
আনাৰস গ্ৰীষ্মৰ ফল। এই ফল শীতকালত পোৱা নাযায়।এই ফল উপলব্ধ হোৱাৰ সময়ত খোৱাটো দৰকাৰ। কিয়নো আনাৰসত প্ৰচুৰ পৰিমানে ফাইবাৰ থাকে। এই ফলে কুষ্ঠকাঠিন্যৰ সমস্যা দূৰ কৰাত সহায় কৰে। ইয়াৰোপৰি আনাৰসত ভিটামিন চি, ভিটামিন বি ছিক্স, আয়ৰণ আদি থাকে।
আপেল
আপেল বছৰৰ প্ৰায় প্ৰতিসময়তে উপলব্ধ হোৱা এবিধ ফল। এই ফলক শৰীৰ সুস্থ ৰখাৰ ক্ষেত্ৰত প্ৰথম শ্ৰেণীৰ ফলৰ শাৰীত ধৰা হয়। আপেলতো ফাইবাৰ থাকে। ইয়াৰোপৰি আপেলত ভিটামিন চি, মেগনেছিয়াম থাকে। এই ফলে পাইলছ ৰোগীক সকাহ দিয়ে বুলিও চিকিৎসকে প্ৰকাশ কৰিছে।
মধুৰীআম
মধুৰীআমতো প্ৰচুৰ পৰিমানে ফাইবাৰ থাকে। এই ফাইবাৰ পাইলছ ৰোগীৰ বাবে খুবেই দৰকাৰী। দৈনিক এটাকৈ মধুৰীআম খালে শৰীৰত বহু পৰিমানে ফাইবাৰ বাঢ়ি যায়। যাৰ বাবে কোষ্ঠকাঠিন্যৰ সমস্যা কমি আহে। মধুৰীআমতো ভিটামিন চি, ভিটামিন বি ছিক্স, মেগনেচিয়াম থাকে।
তৰমূজ
তৰমূজো নিয়মীয়াকৈ খোৱাটো শৰীৰৰ বাবে উপকাৰী। ইয়াতো ফাইবাৰ থাকে। তৰমূজত প্ৰচুৰ পৰিমানে পানী থাকে। পানী শৰীৰৰ বাবে উপকাৰী। এই ফলতো ভিটামিন চি, মেগনেছিয়াম, পটাছিয়াম থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
