অসম লাইভ২৪ঃ ওপজা দিনতেই শচীন তেণ্ডুলকাৰৰ বিশ্বৰেকৰ্ড স্পৰ্শ কৰিলে বিৰাট কোহলিয়ে। এদিনীয়া ক্ৰিকেটত কোহলিৰ ৪৯তম শতৰান অৰ্জন কৰিলে বিৰাটে। দক্ষিণ আফ্ৰিকাৰ বিৰুদ্ধে খেলা মেচত বিৰাটে শচীনে তেণ্ডুলকাৰৰ ৰেকৰ্ড ভংগ কৰিবলৈ সক্ষম হৈছে। দেওবাৰে কোহলিয়ে শতৰান সম্পূৰ্ণ কৰিছে ১১৯টা বলত। ১০ টা বাউণ্ডেৰী কোবাই বিৰাটে। অপৰাজিত বিৰাটে ১২১ বলত ১০১ ৰান কৰে। এইবাৰৰ বিশ্বকাপত বিৰাটে তিনিবাৰ শতৰানৰ নিচেই ওচৰলৈ গৈ আউট হৈছিল। বাংলাদেশৰ বিৰুদ্ধে এটা শতৰান কৰিলেও ক্ৰিকেট অনুৰাগীৰ মন ভৰা নাছিল। মন ভৰা নাছিল বিৰাটৰো। বিৰাটে ইডেনৰ ২২ গজত দক্ষিণ আফ্ৰিকাৰ বিৰুদ্ধে খেলি শতক অৰ্জন কৰিবলৈ সক্ষম হয়। বিৰাটে এই শতৰানেৰে ক্ৰিকেট জগতত ৪৯তম শতৰান কৰি ইতিহাসত নাম লিপিবদ্ধ কৰিলে। বিৰাটৰ এই শতৰানৰ সাক্ষী হ’ল ইডেনৰ গেলাৰীত বহি থকা ৬৭ হাজাৰ দৰ্শক।
দেওবাৰে পুৱাৰে পৰাই ইডেন গাৰ্ডেন সজাই তোলা হৈছিল। উদ্দেশ্য কোহলিৰ জন্মদিন। ইডেনত কোহলিক শুভেচ্ছা জনাই অনুষ্ঠান কৰাৰো কথা ভাৱিছিল ছিএবি কৰ্তাই। কিন্তু ইণ্টাৰনেশ্ব্যনেল কাউন্সিল বা আই চি চিয়ে অনুমোদন নিদিলে। যাৰফলত কোহলিৰ জন্মদিন পালনৰ পৰিকল্পনা বাদ দিব লগা হয়। অন্যান্যসকলে জন্মদিনৰ ওলগ জনোৱাৰ সুযোগ নাপালেও কোহলীয়ে নিজেই সেই ফিল্ডৰ পৰা নিজকে দিলে জন্মদিনৰ উপহাৰ। পুৱাই তেওঁৰ পত্নী অনুষ্কাই জন্মদিনৰ ওলগ জনাইছিল। অনুষ্কাই ওলগ জনাওতে ১২ বছৰ পূৰ্বৰ এক ৰেকৰ্ডৰ প্ৰসংগও উল্লেখ কৰিছিল। তেওঁৰ স্বামীৰ ব্যতিক্ৰমী চৰিত্ৰৰ কথা মনত পেলাই দিছিল ক্ৰিকেটপ্ৰেমীক। সন্ধিয়াৰ ভাগত ইডেনত কোহলীয়ে নিজৰ ব্যতিক্ৰমতাৰ প্ৰমাণ দাঙি ধৰিলে। আইচিচিৰ অনুমোদনৰ অবিহনেই নিজৰ উপজা দিনৰ ওলগ নিজেই দিলে বিৰাটে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
