অসম লাইভ২৪ঃ কালী পূজা পালিত হ’ব ১২ নৱেম্বৰৰ নিশা৷ কালী পূজাৰ পূৰ্বেই জানি লওক কালীৰ মাহাত্ম্য৷ কালী শব্দটো তৈয়াৰ হৈছে কাল ধাতু প্ৰত্যয় যুক্ত হৈ৷ কালৰ অৰ্থ সময়, সময়ক চকুৰে দেখা নাযায়৷ সেয়ে কালী হৈছে ক’লা বা ঘন নীলা৷ অতীত, বৰ্তমান আৰু ভৱিষ্যৎ এই তিনিটা কাল লৈয়েই সৃষ্টি হৈছে মহাকাল৷ সেই মহাকালৰ আদি শক্তি কালী, দশমহাবিদ্যা আদি শক্তিৰ প্ৰথম ৰূপ৷
পুৰাণে কি কয়?
পুৰাণ অনুসৰি সৃষ্টিৰ আৰম্ভণিতে শ্ৰী বিষ্ণুয়ে তেতিয়া যোগনিদ্ৰাত মগ্ন হৈ আছিল৷ সেই সময়তেই বিষ্ণুৰ নাভিপদ্মৰ পৰা উৎপত্তি হৈছিল প্ৰজাপতি ব্ৰহ্মাৰ৷ এই সময়ত বিষ্ণুৰ কৰ্ণকমলৰ পৰা দুটা দৈত্যৰ জন্ম হয়৷ এই দুই দৈত্যৰ নাম হৈছে মধু আৰু কৈটভ৷ মধু আৰু কৈটভ নামৰ এই দুই দৈত্যই ব্ৰহ্মাক আক্ৰমণ কৰিবলৈ উদ্যত হয়৷ তেতিয়াই ব্ৰহ্মাই মহাকালীৰ স্তব আৰম্ভ কৰে৷ ভক্তৰ মাতত আদ্যা শক্তি মহামায়া কালীৰূপে আবিৰ্ভূতা হয়৷ মাৰ্কেণ্ডেয় পুৰাণ অনুসৰি শ্ৰী শ্ৰী চণ্ডীত কোৱা হৈছে যে শুম্ভ আৰু নিশুম্ভ নামৰ দুই দৈত্যৰ অত্যাচাৰত ভীত দেৱতাগণই নিজক ৰক্ষা কৰিবলৈ আৰু সৃষ্টিক ৰক্ষা কৰিবলৈ আদিশক্তিৰ আৰাধনা আৰম্ভ কৰে৷ তেতিয়াই আদ্যশক্তিৰ দেহকোষৰ পৰা আবিৰ্ভূতা হয় দেবী অম্বিকাৰ৷ তেঁঁও ঘোৰ কৃষ্ণবৰ্ণ হোৱাৰ বাবেই তেওঁৰ নাম কালী৷
ৰামায়ণত কি আছে?
ক্ৰেতা যুগত ৰাৱণে ভদ্ৰকালীক পূজা কৰিছিল৷ এই দেৱী পৰম কৰুণাময়ী, তেওঁ কেতিয়াও কোনো পক্ষপাতিত্ব গ্ৰহণ নকৰে৷ তেওঁক যেতিয়াই আকুল হৈ কোনোৱে মাতে, তেতিয়াই তেওঁক ৰক্ষা কৰিবলৈ দেৱীৰ আৱিৰ্ভাৱ হয়৷ দৈত্য বা মানুহে যেতিয়া শৰণ লয় তেতিয়াই তেওঁৰ কাষত থিয় হয় মা কালী৷ কালীক লৈ নানান লোককথাও প্ৰচলিত৷
কালীৰ ৰূপ কি কি?
তেওঁক কোনো স্থানত ভদ্ৰকালী, কৰোবাত শ্মশানকালী, কৰোবাত শকুন্তলা কালী হিচাপে পূজিত হয়৷ ইয়াৰোপৰি খ্যাপা কালী, নিশি কালী, ডাকাত কালী, সিদ্ধেশ্বৰী কালী, কৰুণাময়ী কালীৰূপে কালী পূজিত হয়৷ দক্ষিণেশ্বৰত ভৱতাৰিণী, কালীঘাটৰ মা কালীসহ ভাৰতবৰ্ষ আৰু সমগ্ৰ পৃথিৱীৰ বিভিন্ন দেশৰ দক্ষিণা কালীৰূপে পূজা কৰা হয়৷ কালীমূৰ্তিৰ দক্ষিণ পদ মহাদেৱৰ বুকুত ভৰি থোৱাৰ এই সময়ত দেৱীক বাম কালীৰূপে পূজা কৰা হয়৷ বেদান্তৰ মুণ্ডক উপনিষেদত মা কালীৰ যি পৰিচয় পোৱা যায় সেই পৰিচয় হৈছে ওলাই থকা এখন জীভা, মেলা চুলি৷
ষোড়শ শতিকাত বিখ্যাত পণ্ডিত আৰু তন্ত্ৰসাধকে প্ৰথমে কালী পূজা কৰিছিল৷ কালীক কৰা উপাসনাই মানুহৰ বিপদ, দুখ, অশান্তি যন্ত্ৰণা দূৰ কৰে বুলি ভক্তসকলে বিশ্বাস কৰে৷ সেয়ে সংসাৰী মানুহে সুখ সমৃদ্ধিৰ বাবে কালীপূজা কৰে৷ কালী পূজাৰ মুলাধাৰ হৈছে ভক্তি৷ ভক্তি সাগৰত ভাহি কালীৰ চৰণত নিজকে অৰ্পণ কৰিলেই সুখ আহে বুলি ভক্তৰ বিশ্বাস৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
