অসম লাইভ২৪ঃ সনাতনী লোকৰ বাবে অযোধ্যাত নিৰ্মাণ হৈ থকা ৰামমন্দিৰ অত্যন্ত মাহাত্ম্যপূৰ্ণ। বহু বছৰৰ অপেক্ষা, বহু যুঁজ বাগৰ আৰু বিতৰ্কৰ শেষত অৱশেষত অযোধ্যাত নিৰ্মাণ হৈ উঠিছে ৰাম মন্দিৰ। আৰু মাত্ৰ কেইটামান দিনৰ পাছতেই আনুষ্ঠানিকভাৱে এই মন্দিৰৰ উদ্বোধন হ’ব। আগন্তুক ২২ জানুৱাৰীত অযোধ্যাত ৰামৰ প্ৰাণ প্ৰতিষ্ঠা কৰা হ’ব। এই ৰাম মন্দিৰেই হ’ব দেশৰ বৃহত্তম আৰু বিশ্বৰ তৃতীয় বৃহত্তম হিন্দু মন্দিৰ।
কিন্তু এই মন্দিৰৰ ভিতৰভাগ ঠিক কেনেকুৱা? ৰাম জন্মভূমি তীৰ্থক্ষেত্ৰ ট্ৰাষ্টৰ সাধাৰণ সম্পাদক চম্পক ৰায়ে মন্দিৰৰ এখন মানচিত্ৰ প্ৰকাশ কৰি বুজাই দিছে ৰামক দৰ্শন কৰিবলৈ কেনেকৈ ভিতৰত প্ৰৱেশ কৰিব লাগিব। কিমানটা চিৰি বগাই গৈ আপুনি ৰামৰ দৰ্শন লাভ কৰিব। মন্দিৰৰ প্ৰৱেশ আৰু প্ৰস্থানৰ পথো মানচিত্ৰৰ জৰিয়তে বুজাই দিয়া হৈছে।
ৰামৰ দৰ্শন
চম্পত ৰায়ে জনোৱা অনুসৰি ৰামৰ দৰ্শন কৰিবলৈ খুব বেছি চিৰি বগাব নালাগে ভক্তই। মাত্ৰ ৩২ টা চিৰি উঠিলেই ৰাম মন্দিৰৰ মূল ধামত উপস্থিত হ’ব পাৰিব। তাতেই দৰ্শন পাব ৰামৰ। অৱশ্যে বৃদ্ধ আৰু অসুস্থ ব্যক্তিৰ বাবে লিফটৰ ব্যৱস্থা ৰখা হৈছে। যিসকল অক্ষম তেওঁলোকে লিফটেৰে উঠি গৈ মন্দিৰৰ মূল ধামত প্ৰৱেশ কৰিব পাৰিব।
ৰাম মন্দিৰৰ প্ৰৱেশ আৰু প্ৰস্থান পথ
ৰাম মন্দিৰৰ মানচিত্ৰ দেখুৱাই চম্পত ৰায়ে জনাইছে যে মন্দিৰৰ পূব দিশেৰে পৰা ভক্তই প্ৰৱেশ কৰিব পাৰিব। ৰামৰ দৰ্শনৰ পাছত দক্ষিণ দিশেৰে আছে প্ৰস্থানৰ পথ। ইয়াৰোপৰি মন্দিৰৰ ভিতৰত আছে ৪৪ খন পৃথক পৃথক গেট।
ৰাম মন্দিৰ সম্পৰ্কে গুৰুত্বপূৰ্ণ তথ্য
সমগ্ৰ মন্দিৰটো আছে ৭০ একৰ মাটিৰ ওপৰত অৱস্থিত।
মূল মন্দিৰটো হ’ব তিনি তলাৰ। মন্দিৰৰ এটা এটা তলাৰ উচ্চতা হ’ব ২০ ফুট।
ৰামলালৰ মূল মন্দিৰৰ ওপৰিও মন্দিৰৰ ভিতৰৰ ফালে থাকিব মহৰ্ষি বাল্মীকি, মহৰ্ষি বশিষ্ট, মহৰ্ষি বিশ্বমিত্ৰ আৰু মহৰ্ষি অগস্ত্যৰ পৃথক পৃথক মন্দিৰ।
ইয়াৰোপৰি নিষাদ ৰাজ, সবৰী মাতা আৰু দেৱী আহিল্যাৰ মন্দিৰো আছে মন্দিৰ চত্বৰৰ ভিতৰত।
৭০ একৰ মাটিৰ ৭০ শতাংশ মাটিতেই থাকিব গছগছনি। এই সকলো গছৰ ভিতৰত থাকিব বহু প্ৰাচীন বৃক্ষও। যিসমূহৰ বয়স ১০০ বছৰতকৈয়ো বেছি।
তিনি মহলীয়া ৰাম মন্দিৰৰ প্ৰথম তলাৰ কাম সম্পূৰ্ণ হৈছে। দ্বিতীয় আৰু তৃতীয় তলাৰ কাম মন্দিৰৰ উদ্বোধনৰ পাছত ২০২৫ বৰ্ষতহে সমাপ্ত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
