অসম লাইভ২৪ঃ ৰাম নৱমী দেশজুৰি ধুমধামেৰে পালন কৰে ৰাম ভক্তই। ৰাম নৱমী উপলক্ষ্যে অযোধ্যাক সজাই পৰাই তোলা হৈছিল। ৰাম মন্দিৰ উদ্বোধনৰ পাছত এইয়াই প্ৰথম ৰামনৱমী। ৰামনৱমী উপলক্ষ্যে সূৰ্যৰ ৰশ্মিৰে তিলকো দিয়া হৈছিল ৰামলালাৰ মূৰত। সমগ্ৰ দেশে যেতিয়া ৰাম নৱমীক লৈ ব্যস্ত তেনে সময়তে ভাইৰেল হৈ এটা বেংকৰ কাহিনী। একাউণ্ট খুলিবলৈ এই বেংকত ধন বা অন্য তথ্য দাঙি ধৰিব নালাগে। বেংকত একাউণ্ট খুলিবলৈ লিখিব লাগে ৫লাখ বাৰ ‘সীতাৰাম’।
এই বেংক আছে উত্তৰপ্ৰদেশত। ১৯৭০ চনত এই বেংক প্ৰতিষ্ঠা কৰা হৈছিল। এই বেংকত একাউণ্ট খুলিলে ৰামৰ ভক্তসকলে লোনৰ সুবিধাও লাভ কৰিব। অৱশ্যে ঋণ লাভ কৰিবলৈ বেংকত একাউণ্ট থকাটো বাধ্যতামূলক। আৰু এই একাউণ্ট খুলিবলৈ কোনোধৰণৰ আগধন দিব নালাগে। তাৰ সলনি দিব লাগিব গ্ৰাহকে ৫লাখ বাৰ সীতাৰাম বুলি লিখিব লাগিব।
এই বেংকৰ পৰা কেনেকৈ ঋণ ল’ব?
এই বেংকত ঋণ লোৱাৰ বাবেও আছে কিছু বিশেষ নীতি-নিয়ম। এই বেংকত ঋণ লোৱাৰ বাবে তিনিটা বিশেষ উপায় আছে। ঋণ পৰিশোধৰ বাবেও আছে নিৰ্দিষ্ট সময়। বেংকৰ পৰা তিনিজন ঈশ্বৰৰ নামত ঋণ ল’ব পাৰি। প্ৰথম ঋণ লোৱাৰ উপায় হৈছে ৰাম নাম জপ কৰা, দ্বিতীয়টো পাঠ আৰু তৃতীয়টো লেখাৰ বাবে। লিখিত ঋণ পৰিশোধৰ বাবে গ্ৰাহকক ৪মাহ ১০ দিনৰ সময় দিয়া হয়। এই লিখিত ঋণ লাভৰ বাবে এজন গ্ৰাহকে ১লাখ ২৫ হাজাৰ বাৰ ৰাম নাম লিখিব পাৰে। এই বেংকৰ প্ৰধান লেন দেনেই হৈছে ধৰ্ম, অন্তৰৰ শান্তি আৰু বিশ্বাসৰ ভেটি। এই বেংকতেই এনে কিছু একাউণ্ট হোল্ডাৰ আছে যিয়ে ২৫ লাখৰো অধিক ৰাম নাম লিখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
