অসম লাইভ২৪ঃ মোবাইল বিস্ফোৰণৰ খবৰ প্ৰায়েই আহে৷ কিন্তু কিয় বিস্ফোৰণ হয় মোবাইল? বহুতেই এই বিষয়টো সন্দৰ্ভত অজ্ঞাত৷ যাৰবাবে অকালতে কেতিয়াবা প্ৰাণো হেৰুৱাই পেলাই৷ হাতত থকা মোবাইলটো কেতিয়াবা হৈ উঠে মৃত্যুদূত৷

কিয় বিস্ফোৰিত হয় মোবাইল?

মোবাইল বিস্ফোৰণৰ প্ৰধান কাৰণ হৈছে বেটেৰী৷ মোবাইলৰ বেটেৰী বেয়া হোৱাটোৱেই মোবাইল বিস্ফোৰণ ঘটাৰ প্রধান কাৰণ৷ বহুতে ভাৱে নতুন ফোন কিনিছোহে কিয় বেটেৰী বেয়া হ’ব? বেটেৰী নতুন ফোনৰো বেয়া হ’ব পাৰে৷ কাৰণ এটা কোম্পানীয়ে মোবাইল এটা নিৰ্মাণ কৰি পিছদিনাই বজাৰত মুকলি কৰি দিয়ে তেনে নহয়৷ মোবাইল নিৰ্মাণৰ লগে লগেই আপোনাৰ হাতত আহি মোবাইলটো নপৰে৷ অৱশ্যে দামী মোবাইলতকৈ কমদামী মোবাইলহে অধিক বিস্ফোৰণ ঘটে৷ কাৰণ কমদামী ফোনত বেটেৰি-কুলিঙৰ ব্যৱস্থা নাথাকে৷ সেয়ে বেছি ব্যৱহাৰ কৰিলেই বেটেৰি গৰম হৈ পৰে৷ ফলত ফোনটো বিস্ফোৰণ ঘটাৰ আশংকা বাঢ়ে৷

বেটেৰী গৰম হোৱাৰ ওপৰিও মোবাইলত শ্বৰ্ট চাৰ্কিং আৰু হাই এণ্ড প্ৰচেছৰ হিট ছিংক ইনষ্টল নকৰা মোবাইল বিস্ফোৰণৰ অন্যতম এটি কাৰণ৷ বেটেৰীৰ বাবে কিয় ফোন বিস্ফোরণ হয়? প্ৰকৃততে মোবাইল ফোন চাৰ্জ দিয়াৰ সময়ত বেটেৰীয়ে বেছিকৈ কাম কৰে৷ ফলত মোবাইলৰ চাৰিওফালে ৰেডিয়েছনৰ বাবে এটা ক্ষেত্ৰ তৈয়াৰ হয়৷ সেয়ে চাৰ্জ দিয়াৰ সময়ত ফোনত কথা পতাতো অত্যন্ত বেয়া৷ ইয়াৰ বাবেই কেতিয়াবা ফোন বিস্ফোৰিত হয়৷

ব্যৱহাৰকৰীসকলৰ নিজৰ ভুলৰ বাবেই বেটেৰী অত্যধিক গৰম হৈ পৰে যাৰ ফলত এনে দুৰ্ঘটনা সংঘটিত হয়৷ ইয়াৰোপৰি বেটেৰীত ৰাসায়নিক কোনো পৰিবৰ্তন হ’লেও ফোন ব্লাষ্ট হ’ব পাৰে৷ মোবাইলৰ বেটেৰীত বহুকেইখন লেয়াৰ থাকে৷ কেতিয়াবা কেতিয়াবা এই লেয়াৰসমূহ ফাটি যায়৷ যদি বাৰে বাৰে হাতৰ পৰা ফোন পৰি যায় তেন্তে এই সম্ভাৱনা বাঢ়ে৷

এই স্তৰসমূহৰ কোনো এটি লেয়াৰ ভাঙি গ’লেই তাৰমাজত ফাঁক তৈয়াৰ হয় ফলত বেটেৰি ফুলিবলৈ ধৰে৷ ইয়াৰ ফলত শ্বৰ্ট চাৰ্কিটৰ কাৰণে বেটেৰীৰ বিস্ফোৰণৰ সম্ভাৱনা বাঢ়ে৷ প্ৰচেছৰৰ ক্ষেত্ৰতো এই ঘটনা ঘটিব পাৰে৷ বেছিভাগ ফোনতেই হাই এণ্ড প্ৰচেছৰ থাকে৷ যিসমূহে বেছিকৈ তাপ উৎপন্ন কৰে৷ যেতিয়া ফোনত বেছি লোড পৰে তেতিয়া প্ৰচেছৰ গৰম হৈ যায়৷ এই প্ৰচেছৰ বেটেৰীৰ ঠিক কাষতেই থাকে৷ এই প্ৰচেছৰৰ পৰা তাপ বেটেৰীত পায়গৈ তাৰফলত ক্ৰমে বেটেৰীও গৰম হৈ পৰে৷ এই পৰিস্থিতিত প্ৰচেছৰে বেটেৰী গৰম কৰে আৰু ফোনৰ বিস্ফোৰণৰ সম্ভাৱনা বাঢ়ি যায়৷

এই ঘটনাৰ পৰা যদি ৰক্ষা পাব বিচাৰে তেন্তে ইয়াৰ বাবে আপুনি কিছু সতৰ্কতা অৱলম্বন কৰাটো জৰুৰী৷ ফোন প্ৰয়োজনতকৈ বেছি এপ ডাউনলোড নকৰিব৷ গাৰুৰ তলত ফোন থৈ নুশুব৷ গৰমত বন্ধ গাড়ীৰ ভিতৰত মোবাইল চাৰ্জ নিদিব৷ ২-৩ ঘণ্টা মোবাইল কাণত ৰাখি কথা নাপাতিব তাতকৈ ইয়াৰফোন ব্যৱহাৰ কৰক৷ ডুপ্লিকেট চাৰ্জাৰ ব্যৱহাৰ নকৰিব৷ চাৰ্জ দিয়াৰ সময়ত কল কৰা গেম খেলা স্বভাৱ এৰক৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ