সফলতা পাবলৈ কেৱল পৰিশ্ৰমেই যথেষ্ট নহয়৷ সাফল্য অৰ্জন কৰিবলৈ হ’লে বুদ্ধিৰেও কাম কৰিব লাগে৷ কেৱল কিতাপৰ বিদ্যাই সকলো দিব তেনে নহয়৷ জীৱনৰ বাস্তৱেও শিকাই সফলতা কেনেকৈ আহিব৷ যিসকলৰ মানুহ স্মাৰ্ট তেওঁলোকে কষ্টৰ সমান্তৰালকৈ বুদ্ধিও খটুৱাই৷ বুদ্ধিৰ বাবেই তেওঁলোক আন ১০জনতকৈ সোনকালে সফল হয়৷ নিজকে আনতকৈ পৃথক হিচাপে তুলি ধৰে এইসকল ব্যক্তিয়ে৷ সফল মানুহৰ লক্ষণ কি কি?
কৌতুহলী
যিসকল লোক সফল হয় তেওঁলোক কৌতুহলীও হয়৷ সকলো সময়তে এওঁলোকৰ জনাৰ প্ৰতি আগ্ৰহ থাকে৷ নতুন আইডিয়া, কামৰ নতুন পদ্ধতি আৰু সাফল্যৰ নতুন সম্ভাৱনা বিচাৰি থাকে এইসকল লোকে৷ এওঁলোকৰ মনত সকলো সময়তে নানান প্ৰশ্নৰ উদয় হৈ থাকে৷ এওঁলোকে সকলো কথাই গভীৰভাৱে জানিবলৈ আগ্ৰহী হৈ থাকে৷ যিসকল সফল, তেওঁলোকে নিজৰ এটা চিনাকি গাণ্ডীতেই আৱদ্ধ হৈ থাকিব নোখোজে৷ কমফৰ্ট জ’নৰ বাহিৰত গৈ নতুন বিষয় শিকাৰ চেষ্টা কৰি থাকে এওঁলোকে৷
সৃজনশীল
যিসকল স্মাৰ্ট তেওঁলোকৰ মাজত সৃজনশীলতা ভৰপুৰ হৈ থাকে৷ এওঁলোকে সকলো বিষয়েই অন্য ধৰণে চিন্তা কৰে৷ এওঁলোকে সকলো সময়তে নতুন কিছু কৰাৰ চেষ্টা ৰাখে৷ সমস্যাৰ প্ৰতি এওঁলোকৰ দৃষ্টিভংগী পৃথক হয় আৰু সকলো সমস্যাৰ সমাধান এওঁলোকে নিজেই কিবা পদ্ধতি উলিয়াই সমাধা কৰাৰা যত্ন কৰে৷
সমালোচক
সকলো বিষয় খুটিনাটি বিচাৰ কৰিহে মানি লয় এই স্মাৰ্ট ব্যক্তিয়ে৷ ভাল কৈ চালি জাৰি চাই কামত আগবাঢ়ে৷ নিজৰ মত দাঙি ধৰে৷ কোনো বিষয়ত তেওঁলোকে নিজৰ মতেৰে বিৰোধীৰ স্থানতো অৱতীৰ্ণ হয়৷ এওঁলোকৰ নিজস্ব এক চিন্তা চৰ্চা থাকে৷ ক’লেই মানি ল’ব এই ধাৰণাত মুঠেও নচলে এইসকল ব্যক্তিয়ে৷
খোলা মনৰ মানুহ
নিজৰ চিন্তাভাৱনাক আৱদ্ধ কৰিব নাৰাখে৷ নতুন আইডিয়া ভাল লাগিলে সেয়া সোনকালেই গ্ৰহণ কৰি সেই বাটে আগবাঢ়িও যায়৷ নতুন কোনো কামত ভয় নকৰে এই সকল লোকে৷ আৱেগৰ বশত কোনো সিদ্ধান্তও নলয় এইসকল ব্যক্তিয়ে৷
টাইম মেনেজমেণ্টত দক্ষ
যিসকল ব্যক্তি স্মাৰ্ট তেওঁলোকে কেতিয়াও নিজৰ সময়ৰ অপচয় নকৰে৷ টাইম মেনেজমেণ্টত এওঁলোক দক্ষ হয়৷ কোনো কাম কেনেকৈ কোন সময়ত কৰিব তেওঁলোকে সেয়া ভালধৰণেই জানে৷ নিজৰ নিৰ্ধাৰিত সময়ৰ মাজতেই কাম সম্পূৰ্ণ কৰিব পাৰে এইসকল লোকে৷ প্ৰায়ৰিটি বিচাৰ কৰি কাম কৰে স্মাৰ্ট লোকে৷ এইধৰণৰ গুণৰ বাবেই এওঁলোক সফল হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
