আগে আগে ৰাষ্ট্ৰপতি৷ তেওঁৰ পিছে পিছে কিছু দূৰত্বত যাত্ৰা কৰে দুজন দেহৰক্ষী৷ দুই দেহৰক্ষীয়েই ছ্যুট-বুট পিন্ধাৰ ওপৰিও হাতত থাকে ক’লা ৰঙৰ বেগ৷ হাতত থকা সেই ব্ৰীফকেচকেইটা খুব বেছি ডাঙৰো নহয়৷ এই ব্ৰীফকেচ কেইটাৰ ওজন প্ৰায় ২০ কিঃগ্ৰাঃ৷ ব্ৰীফকেচত সোনালী ৰঙৰ তলাও থাকে৷ বাইডেন বা ট্ৰাম্পেই নহয় আমেৰিকাৰ প্ৰতিজন প্ৰেছিডেণ্টৰ কাষে কাষেই দুগৰাকী দেহৰক্ষী আৰু দুটা ব্ৰীফকেচ থাকে৷ কিন্তু এই ব্ৰীফকেচত প্ৰকৃততে কি থাকে?
ব্ৰীফকেচ বহন কৰাৰ দায়িত্বত থাকে এজন সামৰিক কৰ্মী৷ এই ব্ৰীফকেচৰ নাম হৈছে নিউক্লিয়েৰ ফুটবল৷ আমেৰিকাৰ ৰাজনীতিত এই বিশেষ ফুটবলৰ বিশেষ তাৎপৰ্য আছে৷ খেলাধুলাৰ বাবে থকা সেই ফুটবলৰ সৈতে নিউক্লিয়াৰ ফুটবলৰ কিন্তু কোনো সম্পৰ্ক নাই৷ এই এটা এটা ব্ৰীফকেচৰ মাজত সোমাই আছে পৰমাণু আক্ৰমনৰ পৰা বচাৰ মন্ত্ৰ৷ সেই মন্ত্ৰই ৰাষ্ট্ৰপতিৰ কাষে কাষে লৈ ফুৰে দুই দেহৰক্ষীয়ে৷ কি কি সামগ্ৰী থাকে এই ফুটবলৰ ভিতৰত?
ফুটবলৰ ভিতৰত বেছি উপাদানো নাথাকে৷ মাত্ৰ ৪টা বিশেষ উপাদান থাকে এই ফুটবলৰ ভিতৰত৷ এখন ফাইল আৰু এখন কাৰ্ড৷ সেই দুই সামগ্ৰী লৈ কেনেকৈ পৰমাণু আক্ৰমণৰ পৰা ৰক্ষা পৰিব? নিউক্লিয়েৰ ফুটবলৰ প্ৰথম উপাদানটোৰ নাম হৈছে ‘দ্যা ব্লেক বুক’৷ ফুটবলৰ ভিতৰত থকা দ্বিতীয় উপাদান হৈছে এখন গ্ৰন্থ৷ সেইখনক ব্লেক বুক বুলি কোৱা হয়৷ এই ব্লেক বুকতেই আছে কিছু বিশেষ ঠিকনা৷ বিশ্বৰ সকলো স্থানৰ মেপ আছে আমেৰিকাৰ প্ৰতিৰক্ষা মন্ত্ৰণালয়ৰ হাতত৷ তাৰপৰাই তেওঁ পলাই আহিব পৰাৰ বাবে কিছু ঠিকনা তাত লিখা থাকিব৷ নিউক্লিয়েৰ ফুটবলৰ ভিতৰত থকা এই ব্লেক বুকৰ দৈৰ্ঘ্য হৈছে ১২ ইঞ্চি, আৰু প্ৰস্থ ৯ ইঞ্চি৷ এই ব্লেক বুকত ৰঙা আখৰেৰে লিখা ৭৫খন পৃষ্ঠা আছে৷ ইয়াত লিখা থাকে কিছু নিৰাপদ ঠিকনা, জৰুৰী পৰিস্থিতিত ৰাষ্ট্ৰপতিয়ে আত্মগোপন কৰিব পৰা ঠাইৰ বৰ্ণনা৷ এই গ্ৰন্থখনৰ প্ৰতিটো পৃষ্ঠাই ক’লা ৰঙৰ৷
নিউক্লিয়াৰ ফুটবলৰ ভিতৰত থকা ফাইলৰ নাম হৈছে মেনিলা ফল্ডাৰ৷ ইয়াত ৮-১০ খন খোলা পৃষ্ঠা পিন মাৰি থোৱা থাকে৷ আপৎকালীন সতৰ্কতা ব্যৱস্থা( ইমাৰজেন্সি এলাৰ্ট চিষ্টেম) ব্যৱহাৰৰ বৰ্ণনা লিখা থাকে৷ ইয়াৰোপৰি প্ৰেছিডেণ্টৰ দেহৰক্ষীয়ে লৈ ফুৰা ফুটবলত এখন বিশেষ কাৰ্ড থাকে৷এ ই কাৰ্ডৰ দৈৰ্ঘ্য ৫ ইঞ্চি প্ৰস্থ ৩ ইঞ্চি৷ এই কাৰ্ডত বিভিন্ন অথেণ্টিকেছন কোড লিখা থাকে৷ আমেৰিকান প্ৰেছিডেণ্টে যদি পৰমানু অস্ত্ৰ ব্যৱহাৰৰ সিদ্ধান্ত লয় তেন্তে একমাত্ৰ তেওঁৰ নিৰ্দেশতহে সেই ব্ৰিফকেচ খোলা হ’ব৷ ইয়াৰোপৰি সতৰ্কবাণী লাভ কৰিব দেশৰ প্ৰতিৰক্ষা মন্ত্ৰণালয়েও৷ মন্ত্ৰণালয়ে অন্যান্য লোকসকলৰ সৈতে আলোচনা কৰি আক্ৰমণৰ কি কি সুযোগ আছে সকলো তথ্য বিশ্লেষণ কৰি চাব৷ তাৰপাছতেই দেশৰ সামৰিক বাহিনীৰ সৈতে যোগাযোগ কৰি প্ৰয়োজনীয় নিৰ্দেশ প্ৰেছিডেণ্টক দিব৷
তাৰপিছতেই দেশৰ সামৰিক বাহিনীৰ সৈতে যোগাযোগ কৰি প্ৰয়োজনীয় নিৰ্দেশ দিব প্ৰেছিডেণ্টে৷ নিশ্চিদ্ৰ নিৰাপত্তাৰ মাজত এই সমগ্ৰ প্ৰক্ৰিয়াৰ আলোচনা চলিব৷ আমেৰিকাৰ সামৰিক বাহিনীয়ে পৰমানৱিক আক্ৰমণৰ নিৰ্দেশ পোৱাৰ পাছতেই নিৰ্দেশদাতা সঁচাকৈয়ে প্ৰেছিডেণ্ট হয়নে তাৰ পৰীক্ষা কৰিব প্ৰতিৰক্ষা মন্ত্ৰণালয়ে৷ এই ব্ৰীফকেচৰ ভিতৰতেই বিস্কুট নামৰ এবিধ প্লাষ্টিকৰ কাৰ্ডো থাকে৷ এই সংকেতৰ মাধ্যমেৰে প্ৰেছিডেণ্টৰ পৰিচয় ঠিক কৰে আমেৰিকাৰ সেনাই৷
পাৰমাণৱিক অস্ত্ৰ চলোৱাৰ নিৰ্দেশ অকল ৰাষ্ট্ৰপতিয়েহে দিব পাৰে৷ সেয়ে পাৰমানৱিক অস্ত্ৰ ব্যৱহাৰৰ নিৰ্দেশ কেনেবাকৈ দিলেও সেয়া প্ৰকৃততে ৰাষ্ট্ৰপ্ৰধানে দিছেনে তাৰ পৰীক্ষা কৰা হয়৷ আমেৰিকাৰ আইন অনুযায়ী প্ৰেছিডেণ্টৰ হাততেই পাৰমানৱিক আক্ৰমণৰ সৰ্বোচ্ছ ক্ষমতা থাকে৷ আমেৰিকাৰ ৬টা সশস্ত্ৰবাহিনীৰ প্ৰতিটো শাখাৰ পৰা এজনকৈ পাল পাতি সকলোৱে নিউক্লিয়েৰ ফুটবল কঢ়িয়াই৷ এই বহনকাৰী সলনি হৈ থাকে৷ কেতিয়া কোনে দায়িত্ব লাভ কৰিব সেয়া আগতীয়াকৈ জনোৱা নহয়৷ আমেৰিকাৰ প্ৰতিৰক্ষা ব্যৱস্থাত নিউক্লিয়াৰ ফুটবলৰ সংখ্যা এটা নহয়৷ এই ধৰণৰ তিনিটা ব্ৰীফকেচ আছে৷ এটা ব্ৰীফকেচ থাকে প্ৰেছিডেণ্টৰ লগত আনটো থাকে উপৰাষ্ট্ৰপতিৰ সৈতে৷ উপ ৰাষ্ট্ৰপতিৰ সৈতে থাকিলও উপৰাষ্ট্ৰপতিয়ে কেতিয়াও কিন্তু কোনো নিউক্লিয়েৰ এটেকৰ নিৰ্দেশ দিব নোৱাৰে৷
উপ ৰাষ্ট্ৰপতিক ব্ৰীফকেচ দিয়াৰ কাৰণ হৈছে কোনো কাৰণত যদি ৰাষ্ট্ৰপতিয়ে নিৰ্দেশ দিবলৈ অপাৰগ হয় তেন্তে ভাইছ প্ৰেছিডেণ্টৰ হাতলৈ সেই ক্ষমতা স্থানান্তৰ হয়৷ ইয়াৰোপৰি তৃতীয়টো ফুটবল থাকে আমেৰিকাৰ প্ৰশাসনিক দফতৰ হোৱাইট হাউছ৷ ফুটবলৰ ভিতৰত থকা কাৰ্ডত যি সংকেত লিখা থাকে সেই সংকেত একমাত্ৰ প্ৰেছিডেণ্টেই জানে৷ সেই বিষয়ে কাকো জনোৱা নহয়৷ আমেৰিকাৰ ৰাষ্ট্ৰপতি নিৰ্বাচনৰ পাছত প্ৰেছিডেণ্ট সলনি হ’লে নিজে নিজেই পূৰ্বৰ সংকেত নিষ্ক্ৰিয় হৈ যায়৷ নতুন প্ৰেছিডেণ্টৰ বাবে আকৌ নতুন সংকেত সক্ৰিয় কৰে৷ পাৰমানৱিক বোমা সচৰাচৰ ব্যৱহাৰ নহয় যদিও কোনো কাৰণত ব্যৱহাৰ কৰিব লগা হ’লেও যাতে কোনো খেলিমেলিৰ সৃষ্টি নহয় তাৰবাবে সদায়ে সজাগ হৈ থাকে আমেৰিকাৰ প্ৰতিৰক্ষা মন্ত্ৰণালয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
