ৰিচাৰ্জৰ দাম বাঢ়ি যোৱাৰ ফলত বহুতেই BSNL লৈ পোৰ্ট কৰাৰ কথা ভাৱিছে৷ ৰাষ্ট্ৰায়ত্ত টেলিকম সংস্থাৰ চিম কাৰ্ড লোৱাৰ বাবে আগবাঢ়ি আহিছে বেচৰকাৰী টেলিকম সংস্থাৰ গ্ৰাহকে৷ বিগত ৩ জুলাইৰ পৰা প্ৰিপেইড আৰু পোষ্টপেইড প্লেনৰ দাম বঢ়াইছে জিঅ’, এয়াৰটেল আৰু ভোডাফোনে৷ তাৰপৰা ৰেহাই পাবলৈ BSNLৰ চিম কাৰ্ড ল’বলৈ আৰম্ভ কৰিছে বহুজনেই৷
পকেটত চাপ কমাবলৈ BSNLৰ চিম ল’ব কিন্তু ভাল নেটৱৰ্ক কেনেকৈ পাব? আপোনাৰ এলেকাত BSNLৰ কেনে পৰিসেৱা ঘৰত বহিয়েই জানিব পাৰিব আপুনি৷ অনলাইনতেই বিএছএনএল নেটৱৰ্ক কভাৰেজ মেপতেই চাব পাৰিব আপুনি৷ পদ্ধতি খুবেই সহজ৷ কেনেকৈ পৰীক্ষা কৰিব পঢ়ক সবিশেষ৷
BSNL নেটৱৰ্ক কেনেকৈ পৰীক্ষা কৰিব?
BSNLৰ নেটৱৰ্ক কভাৰেজ মেপ চাবৰ বাবে আপুনি গুগল চাৰ্ছত nperf চাৰ্ছ কৰক৷
প্ৰথমে যি ৱেবচাইট আহিব সেই ৱেবচাইট ভিজিট কৰক৷
তাৰপাছতেই কান্ট্ৰিত ক্লিক কৰি ভাৰত চিলেক্ট কৰিব লাগিব৷
তাৰপাছতেই BSNL চিলেক্ট কৰক৷
এইবাৰ আপুনি যি এলেকাৰ নেটৱৰ্ক কভাৰেজ চাব বিচাৰিছে সেই স্থানৰ নাম টাইপ কৰক৷
ইয়াৰোপৰি আপুনি মেপত জুম আউট কৰি এলেকাটো চাব পাৰে৷
সেই মেপৰ তলত থাকিব 2G/3G/4G/4G+/5G চাইন৷ এইসমূহৰ বিভিন্ন ৰং থাকিব৷ মেপৰ ৰং চাই বুজিব যে আপুনি কি ধৰণৰ নেটৱৰ্ক এলেকাৰ ভিতৰত আছে৷ উক্ত ৱেবচাইটত BSNLৰ ওপৰিও জিঅ’, এয়াৰটেল আৰু ভোডাফোন আইডিয়াৰ নেটৱৰ্ক কভাৰেজো দেখা যাব৷ তাৰপাচতেই সেই হিচাপ আপুনি বিএছএনএলৰ সৈতে সকলো নেটৱৰ্ক তুলনা কৰি চাব পাৰে৷
এই চাইটত 3G/4G/5G নেটৱৰ্কৰ কভাৰেজ পৰীক্ষা কৰিব পৰা যাব৷ আপোনাৰ এলেকাত BSNL নেটৱৰ্ক কেনে সেয়া চাইহে চিম পোৰ্ট কৰাৰ সিদ্ধান্ত লোৱা উচিত৷ মনত ৰাখিব, এতিয়াও ৫জি সেৱা আৰম্ভ কৰা নাই BSNLয়ে৷ সেয়ে 3G/4G/4G+ পৰিসেৱাৰ মাজত নেটৱৰ্ক থাকিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
