মনত জোৰ থাকিলে বিশ্ব জয় কৰা কোনো ডাঙৰ কথা নহয়৷ আজাৰবাইজানৰ ইয়ালাগুল ৰামাজানোভাই প্ৰমাণ কৰিলে সেই কথা৷ পেৰিছ অলিম্পিক্সতেতিয়া তেওঁ তীৰ-ধনু হাতত তুলি লৈছিল তেতিয়া তেওঁৰ গৰ্ভত সন্তানেও এঙামুৰি দি আছিল৷ অৰ্থাৎ অলিম্পিকত পদকৰ দৌৰত নমা ৰামাজানোভা ৬মহীয়া অন্তঃসত্ত্বা৷ অন্তঃসত্ত্বা অৱস্থাতেই তেওঁ দেশৰ হৈ খেলিবলৈ আহিছে৷
মহিলা শাখাৰ আৰ্চাৰীত নামিছিল ৰামাজানোভা৷ ৰেংকিং পৰ্ব শেষ হৈছিল ৩৯তম স্থানত৷ মঙলবাৰৰ পৰা মহিলাসকলৰ আৰ্চাৰীৰ এক ব্যক্তিগত ইভেণ্ট আৰম্ভ হৈছিল৷ প্ৰথম ৰাউণ্ডত চীনৰ কিজুয়ান আনক হৰুৱাই ৰামজানোভাই৷ তেওঁ এই জয়ৰ পাছতেই কয়, ‘ইমান দূৰ আগুৱাই আহি মই গৰ্বিত৷ মোৰ গৰ্ভত থকা সন্তানেও জন্মৰ পাছতেই মোৰ এই যুঁজৰ কথা জানিব পাৰিব৷ সন্তানেও মোক লৈ গৰ্ববোধ কৰিব৷’
৩৪বছৰীয়া ৰামাজানোভাই প্ৰথম ৰাউণ্ড জয়ী হয় ৬-৫ স্কোৰত৷ প্ৰথম চিৰিজত হাৰি গৈছিল আৰাৰবাইজানৰ খেলুৱৈ ৰামাজানোভা৷ দ্বিতীয় ৰাউণ্ডত তেওঁ আকৌ ভাল পাৰ্ফৰমেন্স দেখুৱাই৷ ৰেংকিঙত আগুৱাই থকা চীনা খেলুৱৈক হৰুৱাই তেওঁ আগবাঢ়ে৷ প্ৰথম চাৰিটা চিৰিজৰ পাছত তেওঁলোক দুয়োৰে সমান পয়েণ্ট আছিল৷ পঞ্চম চিৰিজো ড্ৰ হয়৷ তাৰপাছতেই আৰম্ভ হয় টইব্ৰেকাৰ৷ সেই মেচত জয়ী হয় ৰামাজানোভা৷
সকলোকে আচৰিত কৰি প্ৰি কোৱাৰ্টাৰ ফাইনেলত নিজৰ স্থান সুৰক্ষিত কৰে ছমাহৰ অন্তঃসত্ত্বা ৰামাজানোভাই৷ কিন্তু প্ৰি কোৱাৰ্টাৰ ফাইনেলত তেওঁ জাৰ্মানীৰ মিশেল ক্ৰোপ্পনৰ বিৰুদ্ধে পৰাস্ত হয়৷ সেই মেচত প্ৰথম চিৰিজত হৰাৰ পাছতেই তেওঁ দ্বিতীয় চিৰিজ খেলিছিল৷ সেই চিৰিজত তেওঁ জয়ী হৈছিল যদিও পাছৰ দুটা চিৰিজত হাৰি বিদায় লয় ৰামাজানোভাই৷ এইবাৰৰ অলিম্পিকত ৰামাজানোভাই নহয়. আৰু এগৰাকী অন্তঃসত্ত্বা নামিছে খেলত৷ মিছৰৰ নাদা হাফেজো ৭মহীয়া অন্তঃসত্ত্বা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
