সনাতন ধৰ্ম অনুসৰি কুবেৰ হৈছে স্বৰ্গৰ দেৱতাসকলৰ কোষাধ্যক্ষ৷ তেওঁৰ ওচৰতেই আছে বিশ্বব্ৰহ্মাণ্ডৰ সকলো সম্পদৰ ভাৰ৷ সেয়ে কুবেৰে যেতিয়া কাৰোবাক আশীৰ্বাদ কৰে তেতিয়া দাৰিদ্ৰতা দূৰ হয়, প্ৰচুৰ ধন সম্পদ অৰ্জন কৰিব পাৰে সেই ব্যক্তিয়ে৷ কুবেৰৰ আশীৰ্বাদে যেনেকৈ পথৰ ভিক্ষাৰীক ধৰি কৰিব পাৰে তেনেকৈ কুবেৰৰ ৰোষত পৰিলে ৰজাও ফকিৰ হৈ যাব পাৰে৷ বাস্তুশাস্ত্ৰ অনুসৰি কুবেৰ ৰুষ্ট হ’লে আপোনাৰ জীৱনত কেইবাটাও ঘটনা ঘটিব পাৰে৷ জানি থওক কোনবোৰ ঘটনা দেখিলে বুজিব যে কুবেৰৰ ৰোষত আপুনিও পৰিছে৷
ঘৰত মকৰাজাল হোৱা
বাস্তুশাস্ত্ৰ অনুসৰি যদি আপোনাৰ ঘৰৰ দেৱাল বা কোণত মকৰাজাল হৈ থাকে তেন্তে সেয়া ধন কুবেৰৰ ৰোষত পৰাৰ লক্ষণ এয়া৷ ঘৰত মকৰাজাল হ’লে লগে লগে আঁতৰাবলৈ যত্ন কৰক৷
হঠাৎ আৰ্থিক ক্ষতি
আপুনি যদি হঠাৎ আৰ্থিক ক্ষতিৰ মুখত পৰে বা খৰচ বাঢ়ি যায় তেতিয়া আপুনি আৰ্থিক সংকটৰ মুখত পৰে৷ এইদৰে হঠাৎ খৰচ বাঢ়ি যোৱাটো কুবেৰৰ ৰোষত পৰাৰেই লক্ষণ৷ কুবেৰৰ ৰোষত পৰিলে প্ৰচুৰ পৰিশ্ৰম কৰিও অৰ্থ উপাৰ্জন কৰিব নোৱাৰিব আপুনি৷
ভঙা কাঁচ
বাস্তুশাস্ত্ৰ অনুসৰি ঘৰত ভঙা কাঁচ ৰখাটো অত্যন্ত অশুভ লক্ষণ৷ ঘৰত যদি বাৰে বাৰে কাঁচ আৰু আয়না ভাঙে তেন্তে সেই ঘৰত কুবেৰৰ কুপদৃষ্টি পৰিছে৷
প্ৰদীপ নুমাই যোৱা
পুজাৰ সময়ত হঠাৎ প্ৰদীপ নুমাই যোৱাটো অত্যন্ত অশুভ বুলি কোৱা হয়৷ ইয়াৰ অৰ্থ দেৱতা আপোনাৰ ওপৰত ৰুষ্ট হৈছে৷ আপোনাৰ পুজা তেওঁ গ্ৰহণ কৰা নাই৷
মেকুৰীয়ে কন্দা
বহু সময়ত নিশাৰ ভাগত ঘৰত মেকুৰীয়ে কান্দে৷ মেকুৰীয়ে কন্দা অশুভ লক্ষণ বুলি পৰিচিত৷ এই ঘটনা ঘৰত ঘটিলে কুবেৰৰ ৰোষত পৰিছে আপুনি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
