অৱশেষত ক্ষমা খুজিলে কংগনা ৰানাৱটে, ‘মই ৰাজনীতিত একেবাৰে নতুন’
অভিনেত্ৰী তথা হিমাচলৰ মাণ্ডী লোকসভা আসনৰ বিজেপি সাংসদ কংগনা ৰানাৱটে কৃষকক লৈ বিতৰ্কিত বক্তব্যৰ বাবে নিজৰ দলৰ ওচৰত ক্ষমা বিচাৰিছে। এক সাক্ষাৎকাৰত কংগনাই কয় যে , যদি মোৰ কাৰণে জানি-বুজি বা অজানিতে দলটোৱে কিবা ক্ষতিৰ সন্মুখীন হয়, তেন্তে মোতকৈ বেছি দুখী কোনেও নহ’ব।
কংগনাই লগতে ইয়াকো কয় যে, বৰ্তমানে বিজেপি পাৰ্টিত মই একেবাৰে নিম্ন লেবেলত আছো। পাৰ্টিৰ নেতৃত্ব বহু ডাঙৰ, যি হয়তো আমি কল্পনাও কৰিব নোৱাৰো। যদি মই কাৰোবাক কোনো ধৰণে আঘাত কৰিছো তেন্তে আমি দুখী।
কংগনা ৰানাৱটে আৰু কয় যে, আমাক যি ধৰণে ভাবুকি দিয়া হৈছে সেয়া এজন অপৰাধীৰ কাম। কৃষক বুলি মই নাভাবো। এই মানুহবোৰে মোক দমন কৰিব বিচাৰে।
উল্লেখ্য যে, শেহতীয়াকৈ বিজেপিৰ সাংসদ কংগনা ৰানাৱটে দিয়া সাক্ষাৎকাৰত কৈছিল যে যদি দেশত শক্তিশালী নেতৃত্ব নাথাকিলহেঁতেন তেন্তে ভাৰতত বাংলাদেশৰ দৰে পৰিস্থিতিৰ সৃষ্টি হ’ল হেঁতেন৷ কৃষকৰ প্ৰতিবাদৰ সময়ত মৃতদেহ ওলমি থকাৰ লগতে ধৰ্ষণো সংঘটিত হৈছিল।
এই বক্তব্যৰ পিছতে কংগ্ৰেছ, আপ, আৰজেডি, এছ পি, শিৱ শিৱসেনা (ইউ বি টি) আৰু এন চি পিকে ধৰি আন বিৰোধী দলসমূহে বিজেপিক ঘেৰি ধৰে। ইয়াৰ পিছত বিজেপিয়ে কংগনা ৰানাৱতক ধমক দিয়ে। বিজেপিয়ে কয় যে কৃষক আন্দোলনৰ প্ৰেক্ষাপটত বিজেপিৰ সাংসদ কংগনা ৰানাৱটে যি বক্তব্য দিছে সেয়া দলৰ মতামত নহয়। কংগনা ৰানাৱতৰ এই বক্তব্যত বিজেপিৰ মতানৈক্য প্ৰকাশ। দলৰ হৈ কংগনা ৰানাৱটে দলীয় নীতিৰ বিষয়ত কথা ক’বলৈ অনুমতিও নাই, কৰ্তৃত্বও নাই।
কংগনাই আৰু কয় যে মোক কোনেও ভয় খুৱাব নোৱাৰে, মই এই দেশৰ কণ্ঠ মৰিবলৈ নিদিওঁ, সাংবিধানিক অধিকাৰ বিলুপ্ত হ’বলৈ নিদিওঁ। ইয়াৰ লগতে সাংসদগৰাকীয়ে এই কথাও কৈছিল যে কেৱল মোৰেই নহয়, প্ৰতিজন শিল্পীৰে মত প্ৰকাশৰ স্বাধীনতা থাকিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
