কোন আৰু কেতিয়া হ’ব বিশ্বৰ প্ৰথম ট্ৰিলিয়নাৰ? দ্বিতীয়ত এগৰাকী ভাৰতীয়
বিশ্বৰ আটাইতকৈ ধনী ব্যক্তি ইলন মাস্কৰ বিষয়ে কোনে নাজানে। ইলেক্ট্ৰিক গাড়ী নিৰ্মাতা কোম্পানী টেছলা, ব্যক্তিগত ৰকেট কোম্পানী স্পেচএক্স আৰু ছ’চিয়েল মিডিয়া প্লেটফৰ্ম এক্সৰ স্বত্বাধিকাৰী ইলন মাস্কৰ সম্পত্তি দ্ৰুতগতিত বৃদ্ধি পাই আছে। তেওঁৰ ধন বাৰ্ষিক গড় হাৰত ১১০ শতাংশ বৃদ্ধি পাইছে।
ইনফৰ্মা কানেক্ট একাডেমীৰ এক প্ৰতিবেদন অনুসৰি ইলন মাস্কৰ ধন যি গতিৰে বৃদ্ধি পাইছে তাৰ বাবে ২০২৭ চনৰ ভিতৰত তেওঁ বিশ্বৰ প্ৰথম ট্ৰিলিয়নাৰ হোৱাৰ পথত আগবাঢ়িছে। বৰ্তমানে তেওঁ ২৫১ বিলিয়ন ডলাৰেৰে বিশ্বৰ আটাইতকৈ ধনী ব্যক্তি।
ট্ৰিলিয়নাৰৰ পথত দ্বিতীয় স্থানত এগৰাকী ভাৰতীয়। ভাৰতীয় ব্যৱসায়ী গৌতম আদানীয়ে ট্ৰিলিয়নাৰৰ মৰ্যাদা লাভ কৰা দ্বিতীয়জন ব্যক্তি হোৱাৰ দিশে। অৱশ্যে ইলন মাস্ক ২০২৭ চনত এই সফলতা লাভ কৰিলেও আদানী ২০২৮ চনতহে এই লক্ষ্যত উপনীত হ’ব। যদিহে আদানীৰ বাৰ্ষিক বৃদ্ধিৰ হাৰ বৰ্তমানৰ দৰে ১২৩ শতাংশত থাকে।
টেক ফাৰ্ম এনভিডিয়াৰ মুখ্য কাৰ্যবাহী বিষয়া জেনচেন হুয়াং আৰু ইণ্ডোনেছিয়াৰ শক্তি আৰু খননৰ দৈত্য প্ৰাজোগো পাংগেষ্টুও ২০২৮ চনত ট্ৰিলিয়নেৰ হ’ব পাৰে যদিহে তেওঁলোকৰ সম্পত্তিৰ বৃদ্ধি অব্যাহত থাকে। এলভিএমএইচ ময়েট হেনেছি লুই ভিটনৰ মালিক আৰু প্ৰায় ২০০ বিলিয়ন ডলাৰৰ সৈতে বিশ্বৰ তৃতীয় ধনী ব্যক্তি বাৰ্নাৰ্ড আৰ্নল্টে ২০৩০ চনত ১ ট্ৰিলিয়ন ডলাৰ অতিক্ৰম কৰাৰ পথত আগবাঢ়িছে। এই বছৰ মেটাৰ চিইঅ’ মাৰ্ক জুকাৰবাৰ্গেও এক ট্ৰিলিয়ন ডলাৰ অতিক্ৰম কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
