প্ৰেম, সম্পৰ্ক, যৌনতাক লৈ নৱপ্ৰজন্মই এতিয়া নানান এক্সপেৰিমেণ্ট চলাই আছে৷ তাৰ ভিতৰতেই এতিয়া সমগ্ৰ বিশ্বত বৃদ্ধি পাইছে অপেন ৰিলেশ্বনচিপৰ প্ৰতি আগ্ৰহী লোকৰ সংখ্যা৷ অপেন ৰিলেশ্বনচিপ এতিয়া খুবেই জনপ্ৰিয় এক বিষয়৷ ইয়াক বহুতেই বহুগামীতা বুলিও ক’ব খোজে৷ কিন্তু কি এই অপেন ৰিলেশ্বনচিপ? কিয় এনে সম্পৰ্কৰ প্ৰতি আগ্ৰহী হৈ উঠিছে নৱপ্ৰজন্ম?
বিশেষজ্ঞৰ মত, ‘অপেন ৰিলেশ্বনচিপৰ অৰ্থ হৈছে এজনে আনজনৰ সৈতে প্ৰেমৰ সম্পৰ্কত থকাৰ সময়তে অন্য কাৰোবাক ভাল লাগিলে তেওঁৰ সৈতেও এক সম্পৰ্ক গঢ়ি তোলা৷ কিন্তু প্ৰথম সংগীয়ে এই কথা গোপনীয় কৰি নাৰাখি মুকলিকৈ দুয়োৱে সেই কথা আলোচনা কৰাৰ পৰিবেশ এটা সম্পৰ্কৰ মাজত গঢ়ি তোলা৷ অপেন ৰিলেশ্বনচিপৰ আৰু এটা দিশ হৈছে ইয়াত কোনো কমিটমেণ্ট নাথাকে৷ বৰং যিকোনো সময়ত যি সংগীক ভাল লাগে তেঁওক আঁকোৱালী লোৱা৷ ইয়াত পূৰ্বৰ সংগীয়ে কোনো আপত্তি দৰ্শোৱাৰ কথা নাথাকে৷’
কিয় এই অপেন ৰিলেশ্বনচিপ বৰ্তমান জনপ্ৰিয় হৈ পৰিছে?
মনোবিদে কৈছে, এই যুগত নৱপ্ৰজন্মৰ হাতত অপশ্বন বহু আছে৷ এই অপশ্বনৰ বাবেই সম্পৰ্ক এটাতেই আৱদ্ধ হৈ থাকিব নোখোজে আজিৰ প্ৰজন্মই৷ এজনৰ ওপৰত আনজন আৰ্থিকভাৱে নিৰ্ভৰশীলো নহয়৷ পুৰুষ মহিলা উভয়েই বৰ্তমান যুগত স্বাৱলম্বী৷ ইয়াৰোপৰি ছচিয়েস মিডিয়াৰ যুগত অবিশ্বাস অনিশ্চয়তাত ভূগা লোকৰ সংখ্যাও বৃদ্ধি পাইছে৷ ডেটিং এপসমূহ এতিয়া সহজলভ্য৷ বহু সময়ত কেৱল যৌনতাৰ বাবেই নহয়, চিন্তাভাৱনা আৰু ৰুচি মিলা মানুহৰো সন্ধান কৰে বহুজনে৷ এখিনি ভাল সময় কটাবলৈ সেয়ে বহুতেই এতিয়া অপেন ৰিলেশ্বনচিপৰ প্ৰতি আগ্ৰহী হৈ উঠা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
