নিশা তিয়াই থৈ পুৱা সেৱন কৰক, চৰ্বি কমোৱাৰ লগতে সহায় কৰিব বিভিন্ন ৰোগ নিৰাময়ত
পাকঘৰত সততে থকা ধনীয়া গুটি এবিধ এনে মছলা যি খাদ্যত ব্যৱহাৰ কৰাৰ ফলত খাদ্যৰ সোৱাদ অধিক বঢ়াই। ধনীয়া গুটি আৰু পাতৰ ৰূপত ব্যৱহাৰ কৰা হয়। গাৰ্নিচিঙৰ বাবে ইয়াৰ সেউজীয়া পাত ব্যৱহাৰ কৰা হয়। বহু প্ৰকাৰৰ চাটনিতো ইয়াক ব্যৱহাৰ কৰা হয় ধনীয়া গুটি গুড়ি ৰূপত মছলা হিচাপে ব্যৱহাৰ কৰা হয়।
কিন্তু আপুনি জানেনে যে ধনীয়া গুটি ৰাতি পানীত তিয়াই ৰাতিপুৱা এই পানী সেৱন কৰিলে শৰীৰত বহু উপকাৰ পোৱা যায়। হয়, আপুনি ঠিকেই শুনিছে। ধনীয়া পানী সেৱনে কেৱল ওজন কমোৱাত সহায় কৰাই নহয় হজম শক্তিও উন্নত কৰাত সহায় কৰে। লগতে আছে আৰু ইয়াৰ বিভিন্ন উপকাৰ-
ধনীয়া পানী সেৱনৰ ৬ টা উপকাৰ –
১/ হজম শক্তি
ধনীয়া পানীয়ে পাচনতন্ত্ৰ শক্তিশালী কৰে আৰু গেছ, কোষ্ঠকাঠিন্য, এচিডিটি আদি সমস্যাৰ পৰা সকাহ দিব পাৰে।
২/ ওজন কমি যোৱা
ধনীয়া পানীত কেলৰি কম হোৱাৰ বাবে বিপাকীয় ক্ৰিয়া ক্ষিপ্ৰ কৰে, যাৰ ফলত ওজন কমোৱাত সহায়ক হ’ব পাৰে।
৩/ ব্লাড চুগাৰ
ধনীয়া পানী তেজৰ চেনিৰ মাত্ৰা নিয়ন্ত্ৰণত সহায়ক, যাৰ বাবে ই ডায়েবেটিছ ৰোগীৰ বাবে উপকাৰী।
৪/ প্ৰস্ৰাৱ নলী
ধনীয়াৰ পানীয়ে প্ৰাকৃতিক প্ৰস্ৰাৱক হিচাপে কাম কৰে, যিয়ে প্ৰস্ৰাৱ পৰিষ্কাৰ কৰাত সহায় কৰে।
৫/ ছাল
ধনীয়াৰ পানীয়ে ছালখন পৰিষ্কাৰ আৰু উজ্জ্বল কৰি তোলাত সহায় কৰে। ইয়াৰ এন্টিবেক্টেৰিয়েল গুণ আছে।
৬/ প্ৰতিৰোধ ক্ষমতা
ধনীয়াত থকা ভিটামিন চি আৰু এন্টিঅক্সিডেন্ট ৰোগ প্ৰতিৰোধ ক্ষমতা শক্তিশালী কৰাত সহায়ক। বহু ধৰণৰ সংক্ৰমণৰ পৰা শৰীৰক ৰক্ষা কৰাত শক্তিশালী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
