শৰীৰৰ কোনো কোনো অংশত তিল থাকিলে আমাৰ সৌন্দৰ্য বৃদ্ধি হয়৷ সমুদ্ৰ শাস্ত্ৰ অনুসৰি শৰীৰৰ কিছু অংশত তিল থকাটো ৰাজযোগৰ লক্ষণ৷ কেইটামান স্থানত তিল থকাটোৱে সৌভাগ্যৰ দুৱাৰ খুলি যোৱা বুজায়৷ শৰীৰৰ কোন ৬স্থানত তিল থাকিলে জাতকৰ কঁপালত ৰাজযোগ থাকে?
সোঁ গালত তিল
সোঁ গালত তিল থকাটো সৌভাগ্যৰ লক্ষণ বুলি কোৱা হয়৷ যিসকলৰ সোঁ গালত তিল থাকে তেওঁলোকে জীৱনত প্ৰচুৰ সাফল্য লাভ কৰে৷ অলপ শ্ৰমতেই বৃহৎ সাফল্য অৰ্জন কৰে এওঁলোকে৷ ৩৫ বছৰ বয়সৰ মাজত জীৱনৰ সকলো বিলাসিতা এওঁলোকে ভোগ কৰে৷
হাতৰ পতাত তিল
হাতৰ পতাৰ ঠিক মাজভাগত যিসকলৰ তিল থাকে তেওঁলোকে জীৱনত প্ৰচুৰ উন্নতি কৰিব পাৰে৷ বিশেষকৈ হাত মুঠি মাৰিলে আঙুলিসমূহে হাতৰ পতাৰ যিস্থানত স্পৰ্শ কৰে সেই স্থানত তিল থাকিলে সেই ব্যক্তিয়ে জীৱনত প্ৰচুৰ অৰ্থ উপাৰ্জন কৰে৷
নাকত তিল
নাকৰ মাজভাগত যিসকলৰ তিল থাকে সমুদ্ৰশাস্ত্ৰ অনুসৰি তেওঁলোক অত্যন্ত সৌভাগ্যশালী৷ নাকৰ ওপৰত তিল থকাটো ৰাজযোগৰ লক্ষণ৷ এওঁলোকে প্ৰচুৰ আৰাম আৰু বিলাসিতাৰ জীৱন কটায়৷
হাতৰ মণিবন্ধনত তিল
যিসকলৰ হাতৰ মণিবন্ধনত তিল থাকে তেওঁলোকে সকলো সুখ সৌভাগ্য লাভ কৰে৷ বিশেষকৈ মহিলাসকলৰ বাওঁ হাতৰ মণিবন্ধনত তিল থাকিলে তেওঁলোক ধনী হোৱাৰ পথত৷ তেওঁলোকৰ ব্যক্তিত্বও আকৰ্ষণীয় হয়৷ অন্যহাতে পুৰুষৰ বাওঁ হাতৰ মণিবন্ধনত তিল থকাটো সৌভাগ্যৰ লক্ষণ৷
বুঢ়া আঙুলিত তিল
যদি আপোনাৰ বুঢ়া আঙুলিত তিল থাকে তেন্তে আনন্দ কৰক৷ কাৰণ এয়া সৌভাগ্যৰ ইংগিত৷ যিসকলৰ বুঢ়া আঙুলিৰ ঠিক মাজভাগত তিল থাকে তেওঁলোকে জীৱনত সাফল্য অৰ্জন কৰেই৷
কঁপালত তিল
যিসকলৰ কঁপালৰ মাজভাগত তিল থাকে তেওঁলোকে জীৱনত প্ৰচুৰ সাফল্য অৰ্জন কৰে৷ ৩৫ বছৰ বয়সৰ ভিতৰতেই এওঁলোকৰ ভাগ্য সূৰ্যৰ দৰে জিলিকি উঠে৷ এওঁলোকে জীৱনত সুখ, বিলাসিতা আৰু সন্মান লাভ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
