জ্যোতিষশাস্ত্ৰত শনিক কৰ্ম আৰু ন্যায়ৰ দেৱতা বুলি কোৱা হয়৷ ৯টা গ্ৰহৰ মাজত শনিয়ে সকলোতকৈ ধীৰ গতিত ৰাশিচক্ৰ পৰিবৰ্তন কৰে৷ প্ৰায় আঢ়ৈ বছৰত শনিয়ে এটা ৰাশি এৰি অন্য ৰাশিলৈ যায়৷ বৰ্তমান শনি বক্ৰী চলনত আছে৷ আগন্তুক ৩১ অক্টোবৰ দীপাৱলিত শনিয়ে কুম্ভ ৰাশিত বিপৰীতমুখী অৱস্থাত থাকিব৷ কালীপূজাৰ পাছত আগন্তুক ১৫ নৱেম্বৰত চিধা পথলৈ আহিব শনি৷ কোনো গ্ৰহই উলোটাকৈ ঘূৰি থকাৰ পৰা আকৌ নিজৰ চিধাপথলৈ আহিলে বৈদিক জ্যোতিষ অনুসৰি সেই গ্ৰহটো মাৰ্গী হয় বা মাৰ্গী দশাত অহা বুলি কোৱা হয়৷ আৰু শনি মাৰ্গী হ’লে কেইবাটাও ৰাশিৰ জীৱনত উপচি পৰে অৰ্থ আৰু খ্যাতি৷ জানি থওক শনিৰ মাৰ্গী দশাত কোন কোন ৰাশিৰ জাতক লাভৱান হ’ব?
মেষ ৰাশি
শনিৰ মাৰ্গী চলন মেষ ৰাশিৰ বাবে অত্যন্ত লাভজনক হ’ব৷ ব্যৱসায়ত বৃহৎ লাভৰ যোগ আছে৷ চাকৰিত পদোন্নতি হ’ব পাৰে৷ কৰ্মক্ষেত্ৰত সহকৰ্মীৰ সহযোগিতা পাব৷ নিজৰ পৰিশ্ৰমৰ দাম পাব পাৰে৷ বহু দিন ধৰি পাবলগীয়া ধন নাপালে এই সময়ত লাভ কৰাৰ সম্ভাৱনা আছে৷
বৃষ ৰাশি
এইবাৰৰ দীপাৱলি বৃষ ৰাশিৰ জাতকৰ বাবে শুভ৷ চাকৰিত নতুন দায়িত্ব পাব পাৰে৷ কৰ্মজীৱনৰ গ্ৰাফ ওপৰলৈ যাব৷ পদৰ সৈতে ধনো বাঢ়িব৷ পৰিয়ালত বিবাদ কাটি সুখৰ দিন আহিব৷
কৰ্কট ৰাশি
আগন্তুক দিনত আৰ্থিক দিশত বৃহৎ উন্নতিৰ যোগ আছে কৰ্কট ৰাশিৰ৷ ব্যৱসায়ীসকলৰ বাবে বিশেষ লাভজনক হ’ব এইকেইটা দিন৷ ব্যৱসায়ত নতুন বিনিয়োগ কৰিব পাৰিব৷ নতুন চাকৰি পোৱাৰ সম্ভাৱনা আছে৷ স্বাস্থ্যও পূৰ্বতকৈ ভাল হ’ব৷
মকৰ ৰাশি
এইবাৰ দীপাৱলি মকৰ ৰাশিৰ বাবে আনন্দৰ হ’ব পাৰে৷ আৰ্থিকভাৱে মোটা টকা লাভ কৰাৰ সুযোগ আহিব পাৰে৷ ব্যৱসায়ীসকলে কিছু বৃহৎ চুক্তি চূড়ান্ত কৰিব পাৰে৷ যিসকলে চাকৰি বিচাৰিছে তেওঁলোকৰ বাবে এই সময় নতুন চাকৰি পোৱাৰ যোগ আছে৷ কেৰিয়াৰৰ দুশ্চিন্তা কমিব৷
কুম্ভ ৰাশি
শনিৰ মাৰ্গী চলনত সকলোতকৈ বেছি লাভৱান হ’ব কুম্ভ ৰাশি৷ কাৰণ কুম্ভ ৰাশিতেই বক্ৰী চলন এৰি মাৰ্গী হ’ব শনি৷ আৰ্থিকভাৱে উন্নতিৰ সুযোগ পাব৷ নিজৰ ব্যক্তিত্বৰে আনৰ মন জয় কৰিব৷ আত্মবিশ্বাস বাঢ়িব৷ দাম্পত্য জীৱনত অশান্তি দূৰ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
