২০২৪ অন্ত পৰাৰ দিশে, কোন কোন তাৰকাৰ বিবাহে এই বছৰটোত দৃষ্টি কাঢ়িলে সকলোৰে
মাথো কেইটামান দিনৰ পাছতে আহি আছে ২০২৫ চন। বিদায় দিয়াৰ বেলা আহি পৰিল ২০২৪ চন। কি কি ঘটিল এই বছৰটোত। কি কি ঘটনাই দৃষ্টি কাঢ়িলে বহুজনৰ। বহু ঘটনা-পৰিঘটানই মনত থাকিব লোকৰ। পাছে তাৰেই মাজৰ ভাৰতবৰ্ষৰ তাৰকা খচিত কেইখনমান বিবাহে দৃষ্টি কাঢ়িলে বহুজনৰ।
অনন্ত আম্বানী-ৰাধিকা মাৰ্চেণ্ট- ১২ জুলাই
পোন প্ৰথমেই নাম আহে এই ক্ষেত্ৰত আম্বানী পৰিয়ালৰ। আম্বানী পৰিয়ালৰ কনিষ্ট পুত্ৰ অনন্ত আম্বানীৰ বিয়া আছিল ২০২৪ বৰ্ষৰ সকলোতকৈ আকৰ্ষণীয়। যি বিবাহে কেৱল ভাৰতৰেই নহয় বিশ্বৰ ভিতৰতে এখন বিশেশ বিবাহ। ১২ জুলাই তাৰিখে বিবাহ পাশত আৱদ্ধ হয় অনন্ত আম্বানী আৰু ৰাধিকা মাৰ্চেণ্টে।
অদিতি ৰাও হাইদৰী-সিদ্ধাৰ্থ – ১৬ ছেপ্টেম্বৰ
বলীউডৰ তাৰকা অদিতি ৰাও হাইদৰী আৰু সিদ্ধাৰ্থৰ বিবাহ এই বছৰৰ অন্যতম আকৰ্ষণ আছিল। বহু দিনৰ প্ৰেমৰ অন্তত চলিত বৰ্ষৰ ১৬ ছেপ্টেম্বৰ তাৰিখে একেবাৰে সাধাৰণ ভাৱে মন্দিৰত কেৱল পৰিয়াল আৰু বন্ধু বৰ্গৰ উপস্থিতিত বিবাহ পাশত আৱদ্ধ হয় এই অভিনেতা-অভিনেত্ৰীহালে।
ৰাকুলপ্ৰীত-জেকী ভাগনানী -২১ ফেব্ৰুৱাৰী
বছৰটোৰ আৰম্ভণীতে বিশেষ বিয়া হিচাপে সকলোৰে দৃষ্টি কাঢ়ে বলীউডৰ অভিনেত্ৰী ৰাকুলপ্ৰীত আৰু অভিনেতা জেকী ভাগনানীৰ বিবাহে। ২১ ফেব্ৰুৱাৰী তাৰিখে গোৱাত বিবাহ পাশত আৱদ্ধ হয় দুই তাৰকা।
পুলকিত সম্ৰাট-কৃতি খাৰবান্দা – ১৫ মাৰ্চ
চলিত বছৰৰ ১৫ মাৰ্চ তাৰিখে পুলকিত সম্ৰাটে দ্বিতীয় বাৰৰ বাবে বিবাহ কৰায়। বহুদিনীয়া প্ৰেমীকা তথা বহুকেইখন চিনেমাৰ সহঅভিনেত্ৰী কৃতি খাৰবান্দাৰ সৈতে বিবাহ পাশত আৱদ্ধ হয় পুলকিত।
নাগা চৈতন্য-শোভিতা ধুলিপালা- ৪ ডিচেম্বৰ
বছৰটোৰ শেষৰখন তাৰকাখচিত বিবাহ পৰিগণিত হয় দক্ষিণৰ জনপ্ৰিয় অভিনেতা নাগা চৈতন্যৰ বিবাহ। ছামান্থা ৰুথ প্ৰভুৰ সৈতে বিচ্ছেদ হোৱাৰ পাছত পুনৰ প্ৰেমত পৰা অভিনেত্ৰী তথা মডেল শোভিতাৰ সৈতে বিবাহ পাশত আৱদ্ধ হয় দক্ষিণৰ ছুপাৰষ্টাৰ নাগাৰ্জুনৰ অভিনেতা পুত্ৰ নাগা চৈতন্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
