২৬য়েই নহয় ২৭তো কৰিব পাৰিব মহাদেৱৰ পূজা! মহাশিৱৰাত্ৰিত কেতিয়া কৰিব চাৰি প্ৰহৰৰ পূজা? জানক শিৱপূজাৰ বিধি

ফাগুন মাহৰ কৃষ্ণপক্ষৰ চতুৰ্দশী তিথিত পালিত হয় মহাশিৱৰাত্ৰি৷ এইদিনটোত মহাদেৱ আৰু পাৰ্বতী বিবাহ বন্ধনত আৱদ্ধ হৈছিল৷ আগন্তুক ২৬ ফেব্ৰুৱাৰীত পালিত হ’ব মহাশিৱৰাত্ৰি৷ শিৱভক্তসকলৰ ওচৰত এই দিনটোৰ বিশেষ মাহাত্ম্য আছে৷ দিনজুৰি নিৰ্জলা উপবাস ৰাখি নিশা জাগি শিৱপূজা কৰে বহু ভক্তই৷ এই দিনটোত মহাদেৱৰ ৰুদ্ৰাভিষেক কৰা হয়৷ মহাশিৱৰাত্ৰিত সকলো বিধি মানি দেবাদিদেৱৰ আৰাধনা কৰিলে তেওঁৰ আশীৰ্বাদত সকলো দুঃখ কষ্টৰ পৰা মুক্তি পোৱা যায়৷

মহাশিৱৰাত্ৰিৰ চাৰি প্ৰহৰৰ পূজা

পঞ্জিকা অনুসৰি ২৬ ফেব্ৰুৱাৰীৰ পুৱা ১১ বাজি ৮ মিনিটত পৰিব ফাল্গুনী কৃষ্ণা চতুৰ্দশী তিথি৷ চতুৰ্দশী তিথি থাকিব ২৭ ফেব্ৰুৱাৰীৰ পুৱা ৮ বাজি ৫৮ মিনিট পৰ্যন্ত৷ মহাশিৱৰাত্ৰিৰ পূজা যিহেতু নিশা হয় সেয়ে ২৬ ফেব্ৰুৱাৰীৰ নিশাও মহাদেৱৰ আৰাধনা চলিব৷

পূজাৰ সময়

২৬ ফেব্ৰুৱাৰীৰ নিশা ১২ বাজি ৯ মিনিটৰ পৰা নিশা ১২ বাজি ৫৯ মিনিট পৰ্যন্ত চলিব নিশিতা কাল৷

প্ৰথম প্ৰহৰৰ পূজা হ’ব ২৬ ফেব্ৰুৱাৰী সন্ধিয়া ৬বাজি ১৯ মিনিটৰ পৰা নিশা ৯বাজি ২৬ মিনিট পৰ্যন্ত৷

দ্বিতীয় প্ৰহৰৰ পূজা হ’ব ২৬ ফেব্ৰুৱাৰীৰ নিশা ৯ বাজি ২৬ মিনিটৰ পৰা নিশা ১২ বাজি ৩৪ মিনিট পৰ্যন্ত৷

তৃতীয় প্ৰহৰৰ পূজা হ’ব নিশা ১২ বাজি ৩৪ মিনিটৰ পৰা নিশা ৩ বাজি ৪১ মিনিট পৰ্যন্ত৷

চতুৰ্থ প্ৰহৰৰ পূজা হ’ব ২৬ ফেব্ৰুৱাৰীৰ নিশা ৩ বাজি ৪১ মিনিটৰ পৰা ২৭ ফেব্ৰুৱাৰীৰ পুৱা ৬ বাজি ৪৮ মিনিট পৰ্যন্ত৷

জলাভিষেকৰ শুভ সময়

মহাশিৱৰাত্ৰিত মহাদেৱৰ জলাভিষেক কৰা অত্যন্ত গুৰুত্বপূৰ্ণ৷ এই দিনটোত পুৱা ৬ বাজি ৪৭ মিনিটৰ পৰা পুৱা ৯ বাজি ৪২ মিনিটৰ মাজত জলাভিষেক কৰক৷ ইয়াৰ পাছত পুৱা ১১ বাজি ৬ মিনিটৰ পৰা দিনৰ ১২ বাজি ৩৫ মিনিটৰ ভিতৰত শিৱলিংগত আকৌ জলাভিষেক কৰিব পাৰে৷ ইয়াৰপাছতেই জলাভিষেকৰ সময় আছে বিয়লী ৩ বাজি ২৫ মিনিটৰ পৰা সন্ধিয়া ৬ বাজি ৮ মিনিট পৰ্যন্ত৷ মহাশিৱৰাত্ৰিত শেষ জলাভিষেক কৰিব পাৰিব নিশা ৮ বাজি ৫৪ মিনিটৰ পৰা নিশা ১২ বাজি ১ মিনিট পৰ্যন্ত৷