কাশ্মীৰত সন্ত্ৰাসবাদী আক্ৰমণৰ পাছতেই কাঢ়া পদক্ষেপ লৈছে ভাৰত চৰকাৰে৷ পাকিস্তানৰ সৈতে ১৯৬০ চনৰ সিন্ধু জলচুক্তি স্থগিত কৰি দিয়া হৈছে৷ বন্ধ কৰি দিয়া হৈছে ৱাঘা-আটাৰি সীমান্ত৷ পাকিস্তানীসকলৰ বাবে বাতিল কৰি দিয়া হৈছে ছাৰ্ক ভিছা৷ পাকিস্তানী দূতাবাসত থকা প্ৰতিৰক্ষা অধিকাৰীসকলক অবাঞ্ছিত ঘোষণা কৰিছে নতুন দিল্লীয়ে৷ এক সপ্তাহৰ ভিতৰত তেওঁলোকে ভাৰত ত্যাগ কৰিব লাগিব৷ ইয়াৰ সৈতে কাশ্মীৰ জুৰি আক্ৰমণকাৰীক বিচাৰি চলিছে অভিযান৷ পহেলগামৰ সন্ত্ৰাসবাদী আক্ৰমণৰ পাছত ভাৰতে এনে কিছু সিদ্ধান্ত লৈছে যাক লৈ সুখী প্ৰায় সংখ্যক ভাৰতীয় লোকেই৷
কেবিনেট কমিটিয়ে অন ছিকিউৰিটি মিটিঙৰ পাছত বিদেশ সচিব বিক্ৰম মিশ্ৰীয়ে স্পষ্টকৈ জনাই দিছে যে পহেলগামৰ সন্ত্ৰাসবাদী আক্ৰমণৰ লিংক সীমান্তৰ সিপাৰৰ সৈতে যুক্ত থকাৰ প্ৰমাণ ইতিমধ্যেই পোৱা গৈছে৷ সেয়ে সকলো সম্পৰ্ক শেষ কৰাৰ লগতে কূটনৈতিক সম্পৰ্কও শেষ কৰা হৈছে পাকিস্তানৰ সৈতে৷ ৪৮ ঘণ্টাৰ ভিতৰত পাকিস্তানীসকলক ভাৰত এৰাৰ নিৰ্দেশ দিয়া হৈছে৷ আটাৰি, ৱাঘা বৰ্ডাৰ, যি বৰ্ডাৰেৰে দুই দশক ধৰি মানুহে অহা যোৱা কৰি আছে সেয়াও বন্ধ কৰি দিয়া হৈছে৷ কিন্তু ইয়াতেই প্ৰশ্ন হয়, চিকিৎসা কৰাবলৈ অহা পাকিস্তানীসকলক কি কৰিব?
ভাৰত-আটাৰি ইণ্টিগ্ৰেটেড চেক পোষ্টক অবিলম্বেই বন্ধ কৰাৰ সিদ্ধান্ত লোৱা হৈছে৷ চৰকাৰৰ তৰফৰ পৰা জনোৱা হৈছে যে যিসকলে বৈধ নথিৰ ভিত্তিত ভাৰতত আহিছে সেই পাকিস্তানীসকলে এই পথেৰেই ১ মে ২০২৫ ৰ পূৰ্বে নিজৰ দেশলৈ উভতিব লাগিব৷ কিন্তু সকলোতকৈ ডাঙৰ সিদ্ধান্ত SAARC ভিছা স্কিমক লৈ লৈছে৷ এই স্কিমৰ মাধ্যমেৰে বহু পাকিস্তানী শিল্পী আৰু ব্যক্তি ভাৰতলৈ প্ৰতি বছৰে আহে৷
SAARC ভিছা স্কিম কি?
ভাৰতে SAARC ভিছা এক্সেম্পছন স্কিমৰ অধীনত পাকিস্তানী নাগৰিকক দিয়া সমস্ত ভিছা বাতিল কৰা হৈছে৷ এই স্কিমৰ অধীনত মাল্টি এন্ট্ৰি ভিছা পোৱা যায়, যাৰ মাধ্যমেৰে পাকিস্তানী নাগৰিকে আটাৰি-ৱাঘা বৰ্ডাৰ বা বিমানপথেৰে ভাৰতলৈ আহিব পাৰে৷ ছিংগল এন্ট্ৰীৰ ভিছা থাকিলে কেৱল আটাৰি বৰ্ডাৰেৰেই এণ্ট্ৰি হয়৷ কিন্তু মাল্টি এণ্ট্ৰি ভিছাৰ ক্ষেত্ৰত ডুবাই, আবুধাবি বা অন্যান্য দেশৰ পৰাও পাকিস্তানিয়ে বিমানপথেৰে ভাৰতলৈ আহিব পাৰে৷ এতিয়া এই স্কিমৰ অধীনত কোনো পাকিস্তানীয়ে ভাৰতলৈ আহিব নোৱাৰিব৷ যাৰ হাতত SVES ভিছা আছে তেওঁলোক যদি বৰ্তমান ভাৰতত আছে তেন্তে ৪৮ঘণ্টাৰ ভিতৰতেই ভাৰত এৰিব লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
