বৈভৱৰ বিৰুদ্ধে বয়স ফাঁকিৰ অভিযোগ অলিম্পিক পদক বিজয়ীৰ, অভিযোগ সঁচা হ’লে কঠোৰ শাস্তি
মাত্ৰ ১৪ বছৰ বয়সতে বৈভৱ সূৰ্য্যবংশীয়ে নে এক কৃতিত্ব কৰিলে যিটো মহান ব্যক্তিয়েও কৰিব নোৱাৰিলে। ইমান কম বয়সতে এই বাওঁহাতৰ বেটছমেনে আই পি এলত মাত্ৰ ৩৫টা বলতে শতক অৰ্জন কৰে। বৈভৱৰ ইনিংছৰ পিছত সমগ্ৰ বিশ্ব আচৰিত হৈ পৰিছে।
বিশ্বই বৈভৱ সূৰ্যবংশীক চেল্যুট দিছে যদিও খেলুগৰাকীৰ ওপৰত প্ৰশ্ন উত্থাপন কৰাও একাংশ লোক আছে। তেনে এক কিংবদন্তি হৈছে অলিম্পিকত দেশৰ হৈ ব্ৰঞ্জৰ পদক লাভ কৰা বক্সাৰ বিজেন্দৰ সিং। বিজেন্দৰ সিঙে বয়সৰ প্ৰবঞ্চনা কৰা বুলি অভিযোগ তুলিছে বৈভৱ সূৰ্যবংশীৰ বিৰুদ্ধে।
বৈভৱ সূৰ্যবংশীৰ বিস্ফোৰক বেটিং চাই বিজেন্দৰ সিঙে এক্স হেণ্ডেলত লিখিছে – ভাইয়ে আজিকালি বয়স কমাই ক্ৰিকেট খেলিবলৈ আৰম্ভ কৰিছে।
বিজেন্দৰ সিঙৰ এই পোষ্টটো ছচিয়েল মিডিয়াত ভাইৰেল হৈ আছে। যদিও বহুতে বিজেন্দৰ সিঙক এই প্ৰশ্নৰ বাবে তীব্ৰ বাক্যবাণ কৰিছে, আন একাংশৰ আকৌ দৃষ্টি কাঢ়িছে, সঁচাকৈয়ে বয়সৰ ফাঁকি দিছে নেকি বৈভৱে!
বিজেন্দৰ সিংপাছে কিয় বয়সৰ জালিয়াতিৰ অভিযোগ বৈভৱ সূৰ্য্যবংশীৰ বিৰুদ্ধে? আচলতে বৈভৱৰ বয়স ১৪ বছৰ যদিও উচ্চতা আৰু দেহৰ গঠন বয়সতকৈ ডাঙৰ। লগতে ইমান কমবয়সীয়া ল’ৰাৰ শ্বটবোৰো আচৰিত।
যিটো কোনো ১৪ বছৰীয়া ল’ৰা-ছোৱালীৰ বাবে প্ৰায় অসম্ভৱ। অৱশ্যে বিচিচিআইৰ বয়স গোটৰ ক্ৰিকেটত বয়স সম্পৰ্কীয় ক্ষেত্ৰত বৈভৱ সূৰ্য্যবংশী কেতিয়াও ব্যৰ্থ হোৱা নাই।
উল্লেখ্য যে যদি কোনো ভাৰতীয় ক্ৰিকেটাৰ বয়সৰ জালিয়াতিৰ মাজত আবদ্ধ হয় তেন্তে তেওঁৰ বিৰুদ্ধে বিচিচিআইয়ে কঠোৰ ব্যৱস্থা গ্ৰহণ কৰে। আনকি সেই খেলুৱৈজনক নিষিদ্ধ কৰিব পাৰে। বয়সৰ জালিয়াতি কৰা ক্ৰিকেটাৰে দুবছৰৰ নিষেধাজ্ঞাৰ সন্মুখীন হ’বলগীয়া হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
