জ্যোতিষশাস্ত্ৰ অনুসৰি শনিৰ চাড়ে সাতি দশা ৭বছৰ ধৰি চলে৷ এয়া এক ধৰণৰ গ্ৰহ দশা৷ যাক তিনিটা পৰ্যায়ত ভাগ কৰা হৈছে৷ শনিৰ চাৰে সাতিৰ প্ৰতিটো পৰ্যায় প্ৰায় আঢ়ৈ বছৰৰ হয়৷ শনিৰ চাৰে সাতিৰ সময়ত ব্যক্তিৰ জীৱনলৈ বহু পৰিবৰ্তন আহে৷ এই সময়ত বহু মানুহে কঠিন চেলেঞ্জ আৰু কষ্টৰ সন্মুখীন হয়৷ জানি থওক শনিৰ চাৰে সাতিৰ প্ৰথম পৰ্যায় কেনে হয়? কাৰ কাৰ এতিয়া এই পৰ্যায় চলি আছে?
শনিৰ চাৰে সাতিৰ প্ৰথম পৰ্যায়ত কি হয়?
কুণ্ডলীত শনিৰ অৱস্থান অনুসৰি শনিৰ চাৰে সাতিৰ ভাল আৰু বেয়া ফল পোৱা যায়৷ শনিৰ চাৰে সাতিৰ প্ৰথম পৰ্যায় আঢ়ৈ বছৰৰ বাবে থাকে৷ যিয়ে জাতকক মানসিক আৰু আৰ্থিক দিশৰ পৰা প্ৰভাৱিত কৰিব পাৰে৷ শনিৰ চাৰে সাতিৰ প্ৰথম পৰ্যায়ৰ প্ৰভাৱ বিবাহিত জীৱনত দেখা যায়৷ সম্পৰ্কত উত্থান পতন হব পাৰে৷ ইয়াৰ সৈতে এই সময়ত সেই ব্যক্তি আৰ্থিক আৰু মানসিকভাৱে বিপৰ্যস্ত হব পাৰে৷
এতিয়া কোন ৰাশিৰ চাৰে সাতিৰ প্ৰথম পৰ্যায়?
এতিয়া মেষ ৰাশিৰ ওপৰত শনিৰ চাৰে সাতিৰ প্ৰথম পৰ্যায় আৰম্ভ হৈছে৷ শনিয়ে ২৯মাৰ্চত মেষ ৰাশিৰ দ্বাদশ ঘৰত প্ৰৱেশ কৰিছে, যাৰ ফলত এই ৰাশিৰ ওপৰত চাৰে সাতিৰ প্ৰথম পৰ্যায় আৰম্ভ হৈছে৷
মানসিক চাপ আৰু উদ্বেগ
- শনিৰ চাৰে সাতিৰ প্ৰথম পৰ্যায়ত মানুহৰ অজানা উদ্বেগ, ভয় বা অসুৰক্ষাৰ চিকাৰ হব পাৰে৷ যাৰ ফলত মানসিক চাপ লক্ষণীয়ভাৱে বাঢ়িব পাৰে৷
- একাকিত্ব বা মানুহৰ পৰা দূৰত্ব অনুভৱ কৰিব পাৰে৷
আৰ্থিক অৱস্থাৰ ওপৰত প্ৰভাৱ
- শনিৰ চাৰে সাতিৰ প্ৰথম পৰ্যায়ত জাতকৰ খৰচ হঠাৎ বৃদ্ধি পাব পাৰে৷
- ধনসম্পদ ক্ষয়, বিনিয়োগৰ পৰা ক্ষতি বা খৰচ বৃদ্ধিও হব পাৰে৷
স্বাস্থ্যৰ ওপৰত প্ৰভাৱ
শনিৰ চাৰে সাতিৰ প্ৰথম পৰ্যায়ত টোপনি নহাৰ সমস্যাৰ সন্মুখীন হব পাৰে৷ যাৰ ফলত ক্লান্তি বা মানসিক চাপো অনুভূত হব পাৰে৷ শাৰীৰিক সমস্যাও হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
