আজিৰে পৰা কাঁন ফেষ্টিভেল, প্ৰকাশ পালে নতুন নিয়ম, স্বল্প বস্ত্ৰ আৰু ডাঙৰ ছাইজৰ কাপোৰ নিষিদ্ধ
মেট গালা ২০২৫ৰ পিছত আজি ১৩ মে’ৰ পৰা আৰম্ভ হ’ব কাঁন চলচ্চিত্ৰ মহোৎসৱ। ১৩ মে’ৰ পৰা ২৪ মে’লৈ অনুষ্ঠিত হ’বলগীয়া এই অনুষ্ঠানত চিনেমা আৰু ফেশ্বন জগতৰ ডাঙৰ ডাঙৰ তাৰকাবোৰে অংশগ্ৰহণ কৰিব। ৰেড কাৰ্পেটত ডাঙৰ ডাঙৰ তাৰকাসকলে নিজৰ সৌন্দৰ্যতা বিয়পাব।
কাঁন চলচ্চিত্ৰ মহোৎসৱত প্ৰতিবাৰেই বলীউড আৰু হলিউডৰ তাৰকাসকলে নিজৰ ফেশ্বনেৰে মানুহক আকৰ্ষিক কৰি আহিছে। কোনোৱে যদি একেবাৰে সামান্য কাপোৰ পৰিধান কৰি শৰীৰৰ অধিকাংশ প্ৰদৰ্শন কৰিছে, একাংশই প্ৰয়োজনকৈ অধিক ডাঙৰ সাজ পৰিধান কৰি আহিছে।
পাছে এইবাৰ কাঁন মহোৎসৱ আৰম্ভ হোৱাৰ পূৰ্বে অনুষ্ঠানটোৰ ফালৰ পৰা গাইডলাইন জাৰি কৰিছে, যিবোৰ সকলোৱে মানি চলাটো বাধ্যতামূলক হ’ব।
এইবাৰ কাঁনত নগ্নতা আৰু অভাৰছাইজ ড্ৰেছ নিষিদ্ধ। কাঁন চলচ্চিত্ৰ মহোৎসৱৰ আয়োজকসকলে জাৰি কৰা নতুন নিৰ্দেশনা অনুসৰি কাঁন ৰেড কাৰ্পেটত নগ্নতা তথা স্বল্প বস্ত্ৰ আৰু ডাঙৰ ছাইজ সাজ-পোছাক নিষিদ্ধ কৰা হৈছে।
অৰ্থাৎ এতিয়া সুন্দৰীসকলে দীঘলীয়া ট্ৰেইল থকা ড্ৰেছ পিন্ধিব নোৱাৰিব। লগতে দেহ প্ৰদৰ্শিত সাজো পৰিধান কৰিব নোৱাৰিব।
কাঁন ফিল্ম ফেষ্টিভেলে কয় যে এইবাৰ ড্ৰেছ কোড অতি আকৰ্ষণীয় হ’ব। কিন্তু যিবোৰ নতুন নিয়ম কাৰ্যকৰী কৰা হৈছে সেইবোৰ ফৰাচী নিয়ম আৰু ফেশ্বনৰ মৰ্যাদাৰ কথা মনত ৰাখি তৈয়াৰ কৰা হৈছে যদিও এই নিয়মৰ উদ্দেশ্য ফেশ্বন নিয়ন্ত্ৰণ কৰা নহয়।
উল্লেখ্য যে, আজি ১৩ মে’ৰ পুৱা ১১ বজাৰ পৰা ফ্ৰান্সত কাঁন চলচ্চিত্ৰ মহোৎসৱ আৰম্ভ হ’ব। ভাৰতত দুপৰীয়া ২.৩০ বজাৰ পৰা ষ্ট্ৰীম হ’ব। এইবাৰ আলিয়া ভাটে প্ৰথমবাৰৰ বাবে কাঁনত অংশগ্ৰহণ কৰিব। তাৰ উপৰি ঐশ্বৰ্য ৰায়, জান্হৱী কাপুৰ, ঈশান খট্টৰ, শৰ্মিলা ঠাকুৰ, উৰ্বশী ৰাওটেলাই এই মহোৎসৱত অংশগ্ৰহণ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
