কিছু পুৰুষে বিবাহৰ কেইবাদিন পাছতেই অন্য নাৰীৰ প্ৰতি আকৃষ্ট হয়৷ লক্ষ্য কৰা যায় যে অন্য নাৰী দেখিলেই প্ৰেম ভাৱ জাগি উঠে বহু পুৰুষৰ৷ অন্যৰ সৈতে শাৰীৰিক ঘনিষ্ঠতাও গঢ়ি তোলে৷ স্ত্ৰীৰ বাবে স্বামীয়ে অন্য মহিলাৰ সৈতে প্ৰেমত লিপ্ত হোৱাটো অত্যন্ত উদ্বেগৰ বিষয়৷ কিন্তু কেতিয়াবা ভাৱি চাইছেনে কিয় পুৰুষে এনে আচৰণ কৰে? চাণক্য নীতিত ইয়াৰ কাৰণসমূহ উল্লেখ কৰা আছে৷ চাণক্য নীতিত জীৱনৰ বহু দিশ সম্পৰ্কে নীতিমালা দিয়া আছে৷ ধৰ্ম, সম্পদ, কৰ্ম, মোক্ষ, পাৰিবাৰিক জীৱন, সম্পৰ্ক সকলোবোৰ উল্লেখ আছে৷ চাণক্যৰ মতে এজন স্বামী কিয় তেওঁৰ পত্নীৰ পৰা দূৰলৈ যায়?
নাৰী-পুৰুষৰ এজনৰ প্ৰতি এজন আকৰ্ষিত হোৱাটো তেনেই স্বাভাৱিক৷ কিন্তু যেতিয়া এই আকৰ্ষণে সম্পৰ্ক নষ্ট তেতিয়াই বৈবাহিক বন্ধন সমস্যাত পৰে৷ আকৰ্ষণৰ ওপৰত নিয়ন্ত্ৰণ নাথাকিলেই এয়া বিবাহ বহিৰ্ভূত সম্পৰ্কৰ দিশত পৰিচালিত কৰিব পাৰে৷ ই সকলোকে মানসিক আৰু আৱেগিক সমস্যা আনি দিয়ে৷
কম বয়সত বিয়া কৰালেও সম্পৰ্কত দূৰত্ব আহিব পাৰে৷ কাৰণ কম বয়সত বিবাহৰ সিদ্ধান্তত সচেতনতাৰ অভাৱ আৰু কেৰিয়াৰৰ প্ৰতি মনোযোগ কমাৰ কাৰণে সম্পৰ্কতো বিশেষ গভীৰতা নাথাকে৷ জীৱনৰ সিদ্ধান্ত লোৱাৰ সঠিক সময় অহালৈকে পুৰণি সংগীৰ প্ৰতি আকৰ্ষণো কমি আহে৷ আকাংক্ষা পৰিবৰ্তিত হয় আৰু অন্যৰ প্ৰতি আকৰ্ষণ বৃদ্ধি পাব পাৰে৷
স্বামী-স্ত্ৰীৰ মাজত শাৰীৰিক সম্পৰ্ক সন্তোষজনক নহ’লে সম্পৰ্কত আকৰ্ষণ কমি যায়৷ ই বিবাহিত জীৱনতো ব্যাঘাত ঘটায়৷ এই ধৰণৰ সমস্যাসমূহক লৈ খোলামেলাকৈ কথা কোৱা উচিত৷ তেতিয়া সম্পৰ্কত দূৰত্ব আহিলেও সম্পৰ্কটো ভালধৰণেই শেষ হয়৷
যদি কোনো মানুহে বিবাহ বহিৰ্ভূত সম্পৰ্কক সঠিক বুলি ধাৰণা কৰে তেন্তে স্বামী-স্ত্ৰীৰ মাজত বিশ্বাসৰ বন্ধন ক্ষতিগ্ৰস্থ হয়৷ এজনে আনজনৰ প্ৰতি সৎ হৈ থকাটো সেয়ে জৰুৰী৷ অন্যথা সম্পৰ্ক বেয়া হৈ পৰে৷
কিছুমান পৰিয়ালত দেখা যায় যে সন্তান জন্মৰ পাছত স্বামী আৰু পত্নীয়ে দূৰে দূৰে অৱস্থান কৰে৷ বহুসময়ত আকৌ স্ত্ৰীৰ সমস্ত মনোযোগ সন্তানৰ ওপৰত কেন্দ্ৰীভূত হয়৷ তেতিয়াও সম্পৰ্কত দূৰত্ব আহে৷ স্বামীগৰাকীয়েও নিজৰ কোৱালিটি টাইম কটোৱাৰ বাবে অন্য নাৰীৰ সান্নিধ্য বিচাৰিবলৈ আৰম্ভ কৰে৷
বৈবাহিক সম্পৰ্ক টিকাই ৰখাৰ বাবে পাৰস্পৰিক বুজাপৰা, বিশ্বাস, ভালপোৱা আৰু ধৈৰ্য্যৰ প্ৰয়োজন৷ যেতিয়া সমস্যাই দেখা দিয়ে তেতিয়া এজনে আনজনৰ সৈতে আলোচনা কৰি সমাধান কৰাটো ভাল৷ যদি সঁচাকৈয়ে এজনে আনজনক বুজি পায় তেতিয়া বন্ধনো দৃঢ় হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
